1 Juan 2:10 - Inkeanon

¹⁰ Ro nagahigugma sa anang igmanghod hay nagakabuhi sa kahayag, ngani owa eon it makatueod kana nga magpakasaea.

1 Juan 2:10 Iomraidhean Croise

Mateo 13:21

Ugaling tungod owa nakagamot it mayad ro anang habatian hay owa man rato magbuhay sa anang paino-ino. Kon gakalisod eon ngani imaw o ginahingabot bangod sa anang pagbaton sa mensahi ngato hay nagatalikod dayon imaw sa ana ngatong ginbaton.

Mateo 18:7

Makaeueuoy ro tanan nga tawo sa kalibutan ay ginalibutan sanda permi it sari-sari nga mga tentasyon nga magpakasaea. Matuod nga indi malikawan nga nagaabot ro mga tentasyon ngaron, pero makangingidlis gid ro matabo sa ulihi sa nagatentar sa andang isigkatawo nga magpakasaea.

Juan 11:9

Nagsabat si Jesus, “Bukon abi it sa sang adlaw hay may dose oras nga mahayag? Samtang mahayag pa ro adlaw, makapanaw kita it matawhay. Owa kita gakasandad ay makakita kita it mayad dahil sa kahayag.

Juan 12:35

Nagsabat si Jesus, “Mangin kaibahan pa ninyo ro Iwag it madaling oras. Ngani samtang iya pa ra kinyo hay magkabuhi kamo suno sa paggiya it kahayag nga anang ginatao agod indi madueman it husto ro inyong paino-ino. Ro nagatikang sa kadueom hay owa kasayod kon siin imaw paadto.

Juan 8:31

Tapos hay naghambae si Jesus sa mga Judio ngato nga nagtuo kana, “Kon magpadayon kamo sa pagsunod sa akong ginaturo hay matuod gid nga mga sumueunod ko kamo.

Mga TagaRoma 14:13

Ngani indi eon naton paghusgaran ro atong mga igmanghod sa pagtuo kundi lig-unon naton ro atong panindugan nga indi kita maghimo it bisan ano nga makatueod kanda nga maghimo it mga bagay nga kon kanda hay saea.

Mga TagaFilipos 1:10

Kon makaruyon kamo hay antiguhan eon dayon kamo magpili kon ano ro pinakamayad, ag mangin putli kamo ag owa it kasawayan sa adlaw nga magbalik si Kristo.

2 Pedro 1:10

Ngani, mga igmanghod, tinguhaa gid nga magpadayon ro inyong mayad nga batasan agod masiguro ninyo sa inyong kaugalingon nga pinili gid matuod kamo it Dyos, ag tinawag nga mangin anang mga katawhan. Kon himuon ninyo ron hay indi gid kamo hinandad sa inyong pagsunod sa Ginuo

1 Juan 2:11

Pero ro nagakaugot sa anang igmanghod hay nagakabuhi gihapon sa kadueom. Owa imaw kasayod kon ano ro tama ag mayad, pareho it tawo nga owa kasayod kon siin gapaadto ay indi imaw kakita tungod nadueman imaw.

1 Juan 3:14

Tungod ginahigugma naton ro atong igmanghod sa pagtuo hay nakasiguro kita nga bukon eon kita it matsa mga patay nga owa nahakat parti sa Dyos, kundi gintaw-an kita it Dyos it bag-o nga kabuhi. Pero ro owa nagahigugma sa anang igmanghod hay matsa patay gihapon, nga owa nahakat parti sa Dyos.