1 Juan 2:1 - Inkeanon

¹ Mga unga nakon sa pagtuo, ginasueat ko kinyo ro mga bagay ngara agod indi kamo magkasaea. Pero kon may una gid man kinyo nga magkasaea hay may magabulig katon nga magapangabay sa Dyos nga Ama nga patawaron kita, ag ruyon hay si Jesu-Kristo, nga imaw ro matarong.

1 Juan 2:1 Iomraidhean Croise

Lucas 10:22

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea it mayad kakon mageuwas sa akong Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Juan 10:15

Ro among pagkililaea hay pareho ku pagkililaea namon ku akong Ama. Ag haom man ako nga magsakripisyo ku akong kabuhi para sa akong mga karnero.

Juan 13:33

Mga palangga nakon nga mga unga, indi eon magbuhay ro akon nga pag-iba kinyo, ag kon owa eon ako riya hay usuyon ninyo ako. Pero ihambae ko man kinyo makaron ro akon kato nga ginhambae sa mga manogdumaea it mga Judio nga indi kamo makaadto sa akong ginaadtunan.

Juan 14:16

Ag pangabayon ko ro akong Ama nga padaehan kamo it magabueos kakon nga Manogbulig agod ibhan nana kamo hasta sa owa it katapusan, ag obrahon ron it akong Ama.

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 21:5

Nagsinggit imaw kanda, “Migs, owa't-a kamo it hadakpan ay?” “Owa gid ngani,” sabat nanda.

Juan 5:14

Ku ulihi, nakita ni Jesus ratong eaki sa Templo. Ginhambae dayon imaw ni Jesus, “Haron, mayad ka eon pero dapat ka eon nga maghinuesoe ag magtalikod sa imong mga saea. Dahil kon indi hay basi mas pa ro imong maagyan kaysa sa imong diperensya anay ngato.”

Juan 5:36

Pero may pagpamatuod parti kakon nga mas pa sa pagpamatuod ngato ni Juan. Ruyon hay ro akong mga ginahimo nga ginpaobra kakon ku akong Ama, nga dapat ko nga tapuson. Nagapamatuod ron sanda nga ro Ama gid ro nagpadaea iya kakon.

Juan 6:27

Ayaw kamo magkinabudlay para sa pagkaon nga nagakaban-os eang kundi para sa minatuod nga pagkaon nga nagadurar ag nagatao it kabuhi nga owa it katapusan. Raya ro pagkaon nga itao ko kinyo tungod ako nga Unga it Tawo ro ginbutang ku Dyos Ama nga anang tigeawas nga magtao karon.”

Juan 8:11

“Owa eon, Sir,” sabat ku bayi. Naghambae si Jesus, “Indi man ako magsintinsya kimo. Uli eon ag talikdi eon ring saea ngaron.”

Mga Binuhatan 7:52

May una gid baea nga propeta nga owa paghingabuta ku atong mga kalolo-lolohan? Ginpatay man nanda ro mga mensahiro it Dyos nga nagbalita parti sa isaeang ka matarong nga ipadaea nana iya sa ulihi, ag kamo makaron ro nagtraidor ag nagpatay ku pinadaea ngato.

Mga TagaRoma 5:10

Kato anay, mga kuntra kita it Dyos dahil sa atong kasae-anan. Pero paagi sa kamatayon ni Jesus nga anang Unga hay nagmayad eon ro atong relasyon kana. Mawron nga mas kapin nga sigurado nga maeuwas kita dahil nabanhaw si Jesus ag buhi imaw hasta sa owa it katapusan.

Mga TagaRoma 6:15

Kon mawron gali nga indi eon dapat kita magtuman sa Kasuguan it Dyos agod bilangon nana nga matarong ay mabuot ma't-a imaw hay kundi libre eon kita nga magpinagusto sa pagpakasaea? Hay bukon 't-a it makaruyon don!

1 Corinto 15:34

Bugtaw eon abi kamo! Tadlunga eon ro inyong tiko ngaron nga paino-ino. Magkabuhi kamo it matarong ag punduha eon ninyo ro pagpakasaea ay ro iba inha kinyo hay owa pa't-a kakilaea sa Dyos. Ginahambae ko ra agod mahuya kamo.

2 Corinto 5:21

Bisan owa gid it saea si Kristo, ginbilang imaw it Dyos nga imaw 't-a ro nag-obra it atong mga saea. Ag ginpinahan imaw it kamatayon dahil karon agod bilangon kita it Dyos nga matarong sa anang panueok.

Mga TagaGalacia 4:19

Palangga ko nga mga unga, ro akong pamatyag kato hay pareho sa bayi nga nagapasaeapo tag nagahueat ako nga magtuo kamo kay Kristo. Makaron hay makaruyon eon man ro akong pamatyag samtang nagahueat ako nga ro inyong batasan hay mangin pareho eon gid ku ay Kristo.

Mga TagaEfeso 2:18

Ngani paagi sa ginhimo ni Kristo hay paeareho eon kita nga mga Judio ag bukon it Judio nga ginabaton it Dyos nga atong Ama kon magpaeapit kita kana sa bulig it Espirito Santo nga iya katon tanan.

Mga TagaEfeso 4:26

Kon naakig kamo, ayaw ninyo ron pagpabay-i nga magtueod kinyo nga makahimo it saea. Dueaa ro imong kaakig bago matunod ro adlaw.

1 Timoteo 2:5

Ag puydi nga matabo ron kon magdangop sanda kana ay imaw gid lang ro sarang nga madangpan it tawo. Sambilog eang ro Dyos ag sambilog eang ro manogpatunga sa Dyos ag sa tawo, ag owa ra it iba kundi si Kristo Jesus nga nagpakatawo.

1 Timoteo 3:14

Gaplano ako nga mag-adto kunta inha kimo sa indi magbuhay pero nagsueat gihapon ako kimo

Mga Hebreo 9:24

Ro ginsudlan abi ni Kristo hay bukon it ro Pinakasagrado nga Kwarto nga gin-obra it tawo eang, nga kopya eang ku matuod idto sa eangit. Ro ana't-ang ginsudlan hay sa atubang mismo it Dyos sa eangit, ag makaron hay idto imaw nagarepresentar katon.

Santiago 1:27

Ro pagkarelihiyoso nga limpyo ag owa it ikasaway sa mata it Dyos nga Ama hay makaraya: nagabulig sa mga ilo ag sa mga baeo nga nagakalisod ag nagaandam man nga indi matapnan it mga maeain nga batasan sa kalibutan.

Santiago 3:9

Ginagamit naton ro atong dila sa pagpasaeamat sa Ginuong Dyos nga atong Ama pero ginagamit man ra naton sa pagsumpa sa atong isigkatawo nga gintuga't-a pa man it Dyos nga may pagkapareho sa anang kinaiya.

1 Pedro 2:22

Owa imaw magkasaea ag owa man imaw it ginhambae agod makapangluko.

1 Pedro 3:18

Ro halimbawa karon hay si Kristo nga nag-antos bisan owa gid imaw nagkasaea. Matarong gid imaw pero namatay imaw para sa mga bukon it matarong, agod ipaeapit kamo nana sa Dyos. Kaisaea eang imaw namatay pero tama eon rato para mapatawad ro mga kasae-anan it tawo. Ginpatay ro anang kalibutanon nga eawas pero ginbanhaw imaw nga may eawas nga espirituhanon.

1 Juan 3:18

Mga unga nakon sa pagtuo, ipakita naton ro atong matuod nga paghigugma sa atong mga igmanghod paagi sa paghimo kanda it mayad. Ayaw eang kamo maghinambae nga ginahigugma ninyo sanda, kundi ipakita man sa buhat.

1 Juan 3:5

Pero hasayran eon ninyo nga nag-adto riya si Kristo agod bue-on ro kasae-anan it mga tawo, ag imaw mismo hay owa gid it saea.

1 Juan 3:7

Akon nga mga unga sa pagtuo, ayaw kamo magpadaea-daea. Ro nagahimo it mayad hay matarong pareho kay Kristo.

1 Juan 4:4

Mga unga nakon sa pagtuo, kamo hay mga katawhan it Dyos ngani haperdi eon ninyo ro mga nagapakuno-kuno nga mga propeta, ay owa ninyo sanda pagpatihi. Owa ninyo sanda pagpatihi ay ro Espirito Santo nga una kinyo hay mas gamhanan kaysa kay Satanas nga nagagahom sa mga tawo iya sa kalibutan nga owa nagakilaea sa Dyos.

1 Juan 5:17

Ro tanan nga maeain nga buhat hay saea, pero puydi pa nga patawaron, mageuwas ku saea ngato nga makapahamueag sa tawo sa Dyos hasta sa owa it katapusan.

1 Juan 5:21

Akon nga mga unga sa pagtuo, ayaw ninyo pagpakadyosa ro anoman sa inyong kabuhi.

3 Juan 1:4

Ro makatao eang kakon it kalipay eabaw sa tanan hay ro balita nga ro akong mga unga sa pagtuo hay nagakabuhi suno sa matuod nga mensahi.