1 Juan 1:9 - Inkeanon

⁹ Pero kon aton nga akuon sa Dyos ro atong mga saea, ag pangayuan it patawad hay ana kita nga patawaron ag limpyuhan sa tanan naton nga nahimo nga bukon it matarong, agod mangin limpyo kita sa anang panueok, dahil ro Dyos hay permi nga matarong ro anang ginaobra, ag permi nga masaligan nga tumanon nana ro anang ginpromisa.

1 Juan 1:9 Iomraidhean Croise

Mateo 3:6

Gin-ako nanda ag ginhinuesuean ro andang mga saea ag ginbawtismuhan dayon sanda ni Juan sa suba it Jordan.

Marcos 1:5

Abo nga mga tawo halin sa bilog nga probinsya it Judea ag sa syudad it Jerusalem ro nag-adto kay Juan agod magpamati. Gin-ako nanda ag ginhinuesuean ro andang mga saea ag ginbawtismuhan dayon sanda ni Juan sa suba it Jordan.

Lucas 22:57

Pero nagbalibad 't-a si Pedro. Nagsabat imaw, “Tao kimo, nga bayi ka! Owa't-a ako kakilaea ku haning tawo ngato.”

Juan 17:25

Matarong nga Ama, ro mga owa nagatuo kakon hay owa nakakilaea kimo, pero ako't-a hay nakakilaea gid kimo, ag sayod ro akong mga sumueunod ngara nga ginpadaea mo ako iya.

Mga Binuhatan 19:18

Ag abo nga mga tumueuo nga nag-ako ku andang maeain nga buhat sa atubang ku andang mga kaibahan.

Mga TagaRoma 3:26

Ginpinasensyahan nana ro saea ku mga tawo kato anay pero makaron, ro mga saea ngato hay gintapoe sa mga saea nga ginbayran ni Jesus paagi sa anang kamatayon sa krus. Gapakita eang ra nga matarong 't-a ro Dyos ag ana nga ginabilang nga matarong sa anang panueok ro tanan nga nagatuo kay Jesus.

1 Corinto 1:9

Masaligan gid ro Dyos ag imaw ro nagtawag kinyo agod may inyong kaeueot sa anang Unga nga si Jesu-Kristo nga atong Ginuo.

1 Corinto 6:11

Makaruyon man anay kato ro iba kinyo. Pero paagi sa ginhimo ni Ginuong Jesu-Kristo ag paagi sa gahom ku Espirito it atong Dyos hay ginlimpyuhan eon kamo sa inyong mga saea, ginpaeain it Dyos nga mangin ana nga balaan nga katawhan, ag ginbilang nga matarong sa anang panueok.

Mga TagaEfeso 5:26

Ginhimo nana ron agod limpyuhan kita sa saea ag himuon nga balaan tungod nagtuo kita sa mensahi parti kana ag ginbawtismuhan kita.

1 Timoteo 1:15

Masaligan ro haeambaeunon ngara, ag bagay gid nga patihan: Si Kristo Jesus hay nag-adto riya sa kalibutan agod euwason ro mga makasasaea. Ag ako gid ro pinakamaeaot kanda tanan.

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

Mga Hebreo 10:23

Padayunon man naton ro pagsugid sa iba nga may kaisog it buot ku mga mayad nga butang nga ginpromisa it Dyos katon ag indi kita mag-isaea-daywa nga mabaton naton ron ay sayod kita nga masaligan gid imaw nga nagpromisa karon.

Mga Hebreo 11:11

Dahil man sa pagtuo, bisan si Sara nga asawa ni Abraham hay baog ag sobra eon sa normal nga idad it pagpangunga hay gintaw-an it Dyos it ikasarang nga makaunga pa dahil nagtuo imaw nga ro Dyos nga nagpromisa nga makaunga sanda hay masaligan.

Mga Hebreo 6:10

Matarong abi ro Dyos ag indi nana paglipatan ro inyong mayad nga binuhatan ag ro inyo nga pagpakita ku inyong paghigugma kana paagi sa inyong padayon nga pagserbi sa katawhan it Dyos.

1 Juan 1:7

Pero kon kita hay nagakabuhi sa kahayag, kapareho ku Dyos nga una sa kahayag hay may atong mayad nga pag-ililiba sa atong mga kaigmanghuran, ag ro pag-uea ku dugo ni Jesus kat gineansang imaw sa krus ro nagalimpyo sa tanan-tanan naton nga mga saea.

Pahayag 15:3

Nagakanta sanda it kanta it pagdayaw sa Dyos pareho kanday Moises nga nagserbi anay sa Dyos. Kanta man rato ku Tiyo it Karnero. Raya ro andang kanta: “Ginuong Dyos nga makagagahom, ro imong buhat hay makakilibot ag makangawa-ngawa. Ikaw nga Hari it tanan nga rasa it tawo, matarong gid ag tama tanan ro imo nga mga hinimuan.