1 Juan 1:7 - Inkeanon

⁷ Pero kon kita hay nagakabuhi sa kahayag, kapareho ku Dyos nga una sa kahayag hay may atong mayad nga pag-ililiba sa atong mga kaigmanghuran, ag ro pag-uea ku dugo ni Jesus kat gineansang imaw sa krus ro nagalimpyo sa tanan-tanan naton nga mga saea.

1 Juan 1:7 Iomraidhean Croise

Mateo 6:12

Patawara kami sa among mga saea dahil gintuman namon ro sugo nga dapat kami magpatawad sa tanan nga nagakasaea kamon.

Juan 1:29

Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 12:35

Nagsabat si Jesus, “Mangin kaibahan pa ninyo ro Iwag it madaling oras. Ngani samtang iya pa ra kinyo hay magkabuhi kamo suno sa paggiya it kahayag nga anang ginatao agod indi madueman it husto ro inyong paino-ino. Ro nagatikang sa kadueom hay owa kasayod kon siin imaw paadto.

Mga TagaRoma 13:12

Madali lang matapos ro gabii ag maangan-angan hay agahon eon. Ngani aton eon nga talikdan ro saea nga ginahimo it mga tawo nga una pa sa kadueom ag magkabuhi kita it matarong ay ruyon hay pareho it armas ku mga tawo nga nagakabuhi eon sa kahayag.

1 Corinto 6:11

Makaruyon man anay kato ro iba kinyo. Pero paagi sa ginhimo ni Ginuong Jesu-Kristo ag paagi sa gahom ku Espirito it atong Dyos hay ginlimpyuhan eon kamo sa inyong mga saea, ginpaeain it Dyos nga mangin ana nga balaan nga katawhan, ag ginbilang nga matarong sa anang panueok.

Mga TagaEfeso 1:7

Tungod paagi sa dugo ni Jesu-Kristo hay gintubos kita sa pina it saea nga ro buot hambaeon hay ginpatawad eon nana ro atong mga pageapas. Ginpatawad nana kita dahil sa anang sobrang kabuot

Mga TagaEfeso 5:8

Kato anay hay pareho man kamo kanda nga nagakabuhi sa kadueom it saea, pero makaron hay sa kahayag eon kamo dahil mga katawhan eon kamo it Ginuo. Ngani magpangabuhi kamo nga ro inyong batasan hay kat ana it mga tawo nga sa kahayag eon,

1 Timoteo 6:16

Imaw eang ro owa it kamatayon ag nagaistar sa hayag nga grabi it silaw nga indi mapaeapitan it bisan sin-o. Owa pa gid it tawo nga nakakita kana, ag indi gid ma't-a imaw makita it bisan sin-o. Daeayawon imaw ag makagagahom hasta sa owa it katapusan. Amen!

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

Mga Hebreo 9:14

Kon makalimpyo kanda ro dugo it sapat hay mas kapin pa gid ro dugo ni Kristo dahil paagi karon hay malimpyuhan ro konsensya it tawo sa andang mga maeain nga buhat nga magadaea kanda sa kamatayon. Ag dahil limpyo eon ro andang konsensya hay makaserbi eon sanda sa buhi nga Dyos. Owa gid abi si Kristo it saea ag paagi sa gahom it Espirito Santo nga nagakabuhi hasta sa owa it katapusan hay ana nga ginhaead ro anang kaugalingon sa Dyos para katon.

Santiago 1:17

tungod ro tanan nga halin sa Dyos nga ginatao nana katon hay mayad ag owa gid it bisan anong maeain. Imaw ro Ama nga nagtuga ku adlaw, buean ag mga bituon. Nagatiniyog ra sanda ngani ro hayag nga nagahalin kanda hay nagaeain-eain man. Kon amat hay hasasalipdan ngani nagasaeom man o kundi hay nagadueom gid. Pero ro Dyos hay bukon it makaruyon. Owa gid imaw nagaeain ag owa gid it makaabang sa anang pagpakamaayo katon.

1 Pedro 1:19

kundi ro mahaega nga dugo ni Kristo. Pareho imaw it tiyo it karnero nga manami ro eawas, ag owa gid it diperensya nga haead sa Dyos.

1 Juan 1:3

Ngani ginasugid namon kinyo kon ano ro among hakita ag habatian parti kay Jesu-Kristo, agod kamo hay makaiba man kamon sa amon nga pagpakig-iba sa Dyos nga Ama, ag sa anang Unga nga si Jesu-Kristo.

1 Juan 1:5

Rondaya ro mensahi nga among habatian halin kay Jesu-Kristo ag daya man ro amon nga ginasugid kinyo: ro Dyos hay pareho it kahayag ag owa gid it bisan ano nga kadueom ukon kasae-anan kana.

1 Juan 5:6

Ro Unga ngara it Dyos hay si Jesu-Kristo, ro Maneueuwas nga ginpadaea iya it Dyos. Nag-adto imaw iya sa kalibutan, ginbawtismuhan sa tubi, ag nag-uea ku anang dugo tag gineansang imaw sa krus. Owa eang imaw ginbawtismuhi kundi nag-uea man imaw ku ana nga dugo. Ro Espirito Santo mismo ro nagapamatuod kara, ag ro Espirito hay nagasugid permi it matuod.

1 Juan 5:8

ro Espirito, ro tubi, ag ro dugo, ag ro tatlo ngara hay nagakasinanto.

2 Juan 1:4

Nalipay gid ako it duro pagkasayod ko parti sa imong mga unga nga nagatuman sa matuod nga mensahi it Dyos nga Ama, suno sa anang sugo katon.

3 Juan 1:4

Ro makatao eang kakon it kalipay eabaw sa tanan hay ro balita nga ro akong mga unga sa pagtuo hay nagakabuhi suno sa matuod nga mensahi.

Pahayag 12:11

Pero ginperdi nanda imaw paagi sa dugo ku ginatawag nga Tiyo it Karnero nga ginsakripisyo para sa andang mga saea, ag paagi sa andang pagpamatuod parti kay Jesus, bisan sayod nanda nga andang ikamatay ron.

Pahayag 7:14

Nagsabat ako, “Tao ngani, Sir, owa ako kasayod. Ikaw 't-a ro nakasayod karon.” Nagsabat imaw, “Daya ro mga nakaagi it grabi nga kalisdanan pero nakalibre. Gineabhan ag ginpaputi nanda ro andang mga eambong sa dugo it Tiyo it Karnero.