1 Juan 1:6 - Inkeanon

⁶ Ngani kon ginahambae naton nga may aton nga pagpakig-iba sa Dyos pero nagapakasaea pa gihapon kita hay nagapinuril kita, tungod makita sa atong buhat nga owa naton ginatumana ro matuod nga mensahi. Ag kon makaruyon hay matsa nagakabuhi man gihapon kita sa kadueom.

1 Juan 1:6 Iomraidhean Croise

Mateo 7:22

Kon mag-abot eon ro adlaw it paghukom, abo ro magahambae kakon, ‘Ginuo, nagwali kami't mensahi it Dyos sa imong ngaean, bukon abi? Ro imo pa ngani nga ngaean ro among gin-gamit sa pagsuboe it mga demonyo ag sa paghimo it abo nga milagro.’

Juan 11:10

Pero kon sa gabii kita magpinanaw hay basi hinandad kita ay owa eon kita it iwag.”

Juan 12:35

Nagsabat si Jesus, “Mangin kaibahan pa ninyo ro Iwag it madaling oras. Ngani samtang iya pa ra kinyo hay magkabuhi kamo suno sa paggiya it kahayag nga anang ginatao agod indi madueman it husto ro inyong paino-ino. Ro nagatikang sa kadueom hay owa kasayod kon siin imaw paadto.

Juan 12:46

Ako ro Iwag nga nag-adto iya sa kalibutan agod ro bisan sin-o nga nagatuo kakon hay indi eon magkabuhi sa kadueom.

Juan 8:12

Tapos, naghambae pa gid si Jesus sa mga tawo, “Ako ro Iwag nga nagatao it kahayag sa paino-ino it mga tawo iya sa kalibutan. Ro nagasunod kakon hay indi magkabuhi sa kadueom, kundi mahayagan imaw ku Iwag nga nagatao it minatuod nga kabuhi.”

Juan 8:55

Owa ninyo imaw makilaea pero kilaea ko't-a imaw. Kon maghambae ako nga owa ko imaw hakilaea hay pareho eon dayon ako kinyo nga purilon. Kilaea ko gid-a imaw ag ginatuman ko ro anang ginahambae.

1 Timoteo 4:2

Ro mga manogturo ngara hay mga ipokrito nga mga purilon nga mga owa it konsensya.

Santiago 2:14

Mga igmanghod sa pagtuo, ano baea ro mabuoe it sangka tawo kon maghambae imaw nga nagatuo imaw kay Jesus pero owa imaw it buhat nga nagapakita karon? Maeuwas baea imaw it makaraya nga pagtuo?

Santiago 2:16

Tapos, may sambilog abi mana kinyo nga maghambae kana nga “Hay sige eon. Ayaw it palitik it ueo. Kabay pa nga indi ka pageamigon ag paggutmon.” Pero owa man ninyo imaw pagtaw-i it anang kinahangeanon. Hay ano ro pueos ku hambae ngato?

Santiago 2:18

Pero may una siguro kinyo nga mahambae nga, “Owa ma't-a nagapaeareho ro pagsunod it mga tawo sa Dyos. Ro iba hay may anda nga pagtuo ag ro iba ma't-a hay may mayad nga buhat.” Ro akong sabat hay raya: paalin makita ro imong pagtuo kay Jesus kon owa ka it binuhatan nga nagapakita karon? Pero ako, ipakita ko ro akon nga pagtuo paagi sa akon nga binuhatan.

1 Juan 1:10

Ngani kon maghambae kita nga owa gid-a kita nagakasaea hay ginaobra naton nga purilon ro Dyos, ag gapakilaea ron nga owa gid nakatanom sa atong paino-ino ro hambae it Dyos parti sa saea.

1 Juan 1:3

Ngani ginasugid namon kinyo kon ano ro among hakita ag habatian parti kay Jesu-Kristo, agod kamo hay makaiba man kamon sa amon nga pagpakig-iba sa Dyos nga Ama, ag sa anang Unga nga si Jesu-Kristo.

1 Juan 1:8

Kon maghambae kita nga owa kita it saea hay ginaluko eang naton ro atong kaugalingon, tungod owa gid nakatanom sa atong paino-ino ro kamatuuran nga ginpahayag it Dyos parti sa saea.

1 Juan 2:4

Ngani ro bisan sin-o nga nagahambae nga nakakilaea gid imaw sa Dyos, pero owa man nagatuman sa anang mga kasuguan hay purilon, ag ro makaruyon nga tawo hay owa gid nakatanom sa anang paino-ino ro kamatuuran nga ginpahayag it Dyos.

1 Juan 4:20

Pero kon may maghambae nga ginahigugma nana ro Dyos, pero ginakaugtan nana ro anang igmanghod sa pagtuo hay nagapinuril. Kon indi nana mahigugma ro anang igmanghod nga anang makita, mas kapin pa gid nga indi nana mahigugma ro Dyos nga indi nana makita.