1 Juan 1:3 - Inkeanon

³ Ngani ginasugid namon kinyo kon ano ro among hakita ag habatian parti kay Jesu-Kristo, agod kamo hay makaiba man kamon sa amon nga pagpakig-iba sa Dyos nga Ama, ag sa anang Unga nga si Jesu-Kristo.

1 Juan 1:3 Iomraidhean Croise

Juan 17:11

Mabalik ako inha kimo ag aywan ko eon ro kalibutan ngara ag hiaywanan sanda iya. Balaan nga Ama, buligi sanda agod ro andang kinaiya hay mangin pareho man ku imong kinaiya, nga imong ginpapahayag kakon agod maghiliugyon sanda pareho katon.

Juan 17:21

Ginapangamuyo ko nga maghiliugyon sanda pareho katon, Ama, nga sambilog eang kita. Kabay pa nga sanda hay mangin sangka kabubut-on naton, agod ro mga tawo iya sa kalibutan hay magpati nga ginpadaea mo ako.

Juan 17:25

Matarong nga Ama, ro mga owa nagatuo kakon hay owa nakakilaea kimo, pero ako't-a hay nakakilaea gid kimo, ag sayod ro akong mga sumueunod ngara nga ginpadaea mo ako iya.

Juan 17:3

Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

Juan 19:35

Ako nga nakasaksi ku tanan ngato nga natabo ro nagasugid kinyo karon, agod kamo hay magatuo kay Jesus. Matuod ro akong ginasugid ag sigurado ako sa akon ngarang ginahambae.

Mga Binuhatan 13:32

Ag kami man hay nag-adto iya agod isugid kinyo ro Mayad nga Balita parti sa kaeuwasan nga ginpromisa it Dyos sa atong mga kalolo-lolohan.

Mga Binuhatan 13:41

‘Pamati kamo nga mga manogtuya-tuya. May himuon ako sa inyong tyempo nga kangawahan ninyo, ag mangin dahilan ku inyong kamatayon. Kon may magsugid kinyo kon mauno kangidlis ro akong himuon hay indi ron ninyo pagpatihan.’ ”

Mga Binuhatan 2:42

Mahugod ag sinsiro sanda sa pagtuon ag sa pagtuman ku mga ginaturo ku mga apostoles. Nagakaeasugot gid sanda sa andang pagtililipon ag sa pagkaon sa pagdumdum ku kamatayon ni Jesus ag sa pagpangamuyo.

Mga Binuhatan 20:27

dahil owa't-a ako nahadlok magturo kinyo ku bilog nga plano it Dyos kon paalin maeuwas ro tawo.

Mga Binuhatan 4:20

Ro among mga hakita nga ginhimo ni Jesus, ag ro among mga habatian nga anang ginturo hay indi gid namon sarang mahipusan.”

Mga TagaRoma 15:27

Nalipay sanda nga maghimo karon ay may taeamdon sanda sa mga Judio dahil mga Judio ro nagwali kanda ku Mayad nga Balita ag nagpati sanda kato. Ngani nakaambit sanda sa mga espirituhanon nga mga pagpakamaayo sa mga Judio nga tumueuo ag kon kanda hay bagay eang nga buligan nanda ro mga Judio nga tumueuo sa andang mga materyal nga kinahangeanon.

1 Corinto 1:30

Pero kamo't-a hay mga katawhan nana nga may maeueot nga kaangtanan kay Kristo Jesus. Paagi kay Kristo Jesus hay nasayran naton nga imaw mismo ro matuod nga kaaeam halin sa Dyos. Ag paagi man kana hay nangin matarong kita sa panueok it Dyos, nangin ana kita nga mga balaan nga katawhan ag naeuwas eon kita sa pina ku atong mga saea.

1 Corinto 1:9

Masaligan gid ro Dyos ag imaw ro nagtawag kinyo agod may inyong kaeueot sa anang Unga nga si Jesu-Kristo nga atong Ginuo.

1 Corinto 15:1

Mga igmanghod, gusto ko nga ipadumdum kinyo makaron ro Mayad nga Balita nga ginwali ko kato kinyo nga inyong ginpatihan ag hasta makaron hay malig-on gihapon ro inyong pagtuo karon.

Mga TagaEfeso 3:6

Ag ro anang plano ngaron hay raya: bukon eang it kami nga mga Judio ro manunubli ku mga pagpakamaayo it Dyos, kundi pati man kamo nga mga bukon it Judio. Gintapoe man kamo sa ginatawag nga eawas ni Kristo, nga ro buot hambaeon hay ro tanan nga nagatuo kana. Ag tungod nagatuo man kamo sa Mayad nga Balita parti kay Jesus hay gintapoe man kamo sa tanan nga may maeueot nga kaangtanan kay Kristo Jesus nga magabaton ku ginpromisa it Dyos.

Mga TagaFilipos 1:7

Tama eang nga makaraya ro akong baeatyagon kinyo tanan tungod ginahigugma ko kamo. Mga katimbang ko gid kamo ay ginabinuligan ninyo ako samtang iya ako sa prisuhan, ag pati sa akong pagdepensa ag pagpamatuod ku Mayad nga Balita.

Mga TagaFilipos 2:1

Bukon abi it nagbaskog ro inyong buot dahil sa inyong maeueot nga kaangtanan kay Kristo, ag dahil ginahigugma nana kamo? Ag bukon abi it mayad ro inyong pag-ililiba tungod ro Espirito Santo hay una kinyo tanan, ag bukon abi it mabuot ag maeueuy-on man kamo sa kada isaea?

Mga TagaFilipos 3:10

Ro akon gid nga handom hay mas mageueot pa gid ro akong pagkakilaea kay Kristo. Gusto ko maeksperyensyahan sa akong kabuhi ro gahom nga nagbanhaw kana. Ag haom gid ako nga mag-antos por dahil kana, ay nag-antos man imaw por dahil kakon, ag haom ako mamatay sa pagsunod kana, ay namatay man imaw por dahil kakon.

Mga TagaColosas 1:13

Ana kita nga gineuwas sa gahom ni Satanas nga nagahari sa mga tawo nga una pa sa kadueom it saea, ag ana kita nga ginsaylo sa paggahom ku anang palangga nga Unga.

1 Tesalonica 1:10

Ag ginasugid man nanda nga ginapaabot gid ninyo ro pagbalik halin sa eangit ku anang Unga nga anang ginbanhaw. Ro anang Unga ngara hay si Jesus, ag imaw ro magaeuwas katon sa pina nga maabot tungod sa kaakig it Dyos sa kasae-anan it tawo.

1 Timoteo 6:2

Ro mga ulipon nga ro andang mga amo hay tumueuo man, indi nanda dapat pagbaliwalaon ro andang mga amo ay magmaeanghod sanda sa pagtuo. Mas kapin pa gid ngani nga dapat nanda nga serbihan it mayad ro andang amo, tungod ro nagapanipueos sa andang serbisyo hay tumueuo nga palangga it Dyos. Tud-an ro akon ngara nga mga ginabilin kimo ag ipatuman gid sa mga tumueuo inha.

Mga Hebreo 2:12

May nasueat nga ginhambae nana nga: “Isugid ko sa akon nga mga kaigmanghuran kon sin-o gid ikaw. Makanta ako it pagdayaw kimo sa atubang it kadagayaan nga nagatililipon.”

Mga Hebreo 3:1

Ngani mga igmanghod ko nga ginpaeain it Dyos nga mangin anang balaan nga mga katawhan, kamo nga parehas man kakon nga gintawag it Dyos agod mangin kaibahan nana idto sa eangit, paino-inoha gid ninyo it mayad si Jesus. Imaw ro ginpadaea iya it Dyos ag imaw man ro atong ginakilaea nga Pinakapinuno nga Saserdote ku doktrina nga atong ginatuuhan.

Mga Hebreo 3:14

Magapadayon nga maeueot ro atong kaangtanan kay Kristo basta huptan naton it malig-on hasta sa katapusan ro atong pagkasigurado nga matuod ro atong ginapatihan parti kana.

1 Pedro 5:1

Dahil sa mga kalisdanan ngaron, may akon nga ginahambae kinyo nga mga nagadumaea sa mga tumueuo. Tungod manogdumaea man ako, ag saksi man ako sa pag-antos kato ni Kristo, ag isaea man sa mga makaambit sa anang kadungganan nga inogpahayag eon, ngani ginahinyo ko kamo nga

2 Pedro 1:16

Ro among ginsugid kinyo parti sa gahom ku atong Ginuo nga si Jesu-Kristo, ag sa anang pagbalik hay bukon it pareho sa mga sugilanon nga bukon it minatuod nga gintahi-tahi it mga mayad mag-obra karon. Matuod ron tanan tungod nasaksihan gid namon ro anang pagkagamhanan.

1 Juan 1:1

Sa raya nga sueat hay amon nga ginasugid kinyo ro parti kay Jesus nga ginatawag nga Mensahi, nga nagatao it kabuhi nga owa it katapusan. Imaw hay una eo't-a bago pa gintuga ro bisan ano. Nagpakatawo imaw ag nag-istar iya sa kalibutan. Amon imaw nga nabatian maghambae, amon imaw nga hakita mismo ku amon nga mga mata ag hapamusturahan, ag habuytan ku amon nga mga alima.

1 Juan 1:5

Rondaya ro mensahi nga among habatian halin kay Jesu-Kristo ag daya man ro amon nga ginasugid kinyo: ro Dyos hay pareho it kahayag ag owa gid it bisan ano nga kadueom ukon kasae-anan kana.

1 Juan 1:7

Pero kon kita hay nagakabuhi sa kahayag, kapareho ku Dyos nga una sa kahayag hay may atong mayad nga pag-ililiba sa atong mga kaigmanghuran, ag ro pag-uea ku dugo ni Jesus kat gineansang imaw sa krus ro nagalimpyo sa tanan-tanan naton nga mga saea.