1 Juan 1:2 - Inkeanon

² Imaw nga nagatao it kabuhi hay nag-adto gid iya sa kalibutan ngani mapamatud-an namon nga hakita gid namon imaw, ag ginasugid namon kinyo nga imaw ro ginatawag nga Kabuhi nga Owa it Katapusan. Bago imaw nag-adto iya hay kaibahan eo't-a imaw it Dyos nga Ama, ag ku ulihi hay nag-abot gid-a ngani imaw iya.

1 Juan 1:2 Iomraidhean Croise

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 1:4

Una kana ro minatuod nga kabuhi nga pareho it iwag nga nagahayag sa paino-ino it mga tawo.

Juan 10:28

Ginataw-an ko sanda it kabuhi nga owa it katapusan. Indi gid sanda pagpinahan sa impyerno bisan hin-uno ag owa gid it makaagaw kanda sa akon nga alima.

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 15:27

Ag kamo man hay magasugid ku inyong hasaksihan kakon ay kaibahan ko eon kamo halin pa ku primero.”

Juan 16:28

Idto ako naghalin sa Dyos Ama ag nag-adto ako iya sa kalibutan, pero makaron hay mahalin eon ako sa kalibutan ay mabalik eon ako kana.”

Juan 17:3

Ro may kabuhi nga owa it katapusan ngara hay nakakilaea gid kimo, ikaw nga matuod nga Dyos, ag kilaea man nanda ako nga si Jesu-Kristo nga imong ginpadaea iya.

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 19:35

Ako nga nakasaksi ku tanan ngato nga natabo ro nagasugid kinyo karon, agod kamo hay magatuo kay Jesus. Matuod ro akong ginasugid ag sigurado ako sa akon ngarang ginahambae.

Juan 21:14

Rato ro ikatatlong beses nga nagpakita si Jesus sa anang mga sumueunod halin nga nabanhaw imaw.

Juan 3:13

Owa it nakasayod parti sa mga butang sa eangit ay owa pa it nakaadto idto. Pero ako nga Unga it Tawo hay makasugid karon ay idto ako maghalin.

Juan 7:29

Pero ako't-a hay kilaea ko't-a imaw dahil idto ako kana naghalin, ag imaw man ro nagpadaea iya kakon.”

Juan 8:38

Ginahambae ko kon ano ro akon nga hakita tag idto ako sa akon nga Ama, ag kamo ma't-a, ro inyong ginatuman hay kon ano ro inyong habatian sa inyong ama.”

Mga Binuhatan 10:41

Owa imaw hakita it tanan nga tawo kundi kami eang nga kato pa't-a hay ginpili eon it Dyos nga mangin saksi ku mga butang ngara. Nagsaeo pa ngani kami kana sa pagkaon pagkabanhaw nana.

Mga Binuhatan 2:32

“Raya mismo nga si Jesus hay ginbanhaw it Dyos, ag mga saksi kita karon tanan.

Mga Binuhatan 3:15

Ro inyo't-a nga ginpapatay hay ro ginahalinan it kabuhi pero ginbanhaw imaw it Dyos, ag saksi kami karon.

Mga Binuhatan 5:32

Ginsugo kami nga magpamatuod parti kay Jesus. Ag ro Espirito Santo nga gintao it Dyos sa tanan nga nagatuman kana hay nagapamatuod man nga matuod ro mga butang ngara.”

Mga TagaRoma 8:3

Indi kita mangin matarong sa panueok it Dyos paagi sa pagtuman sa anang Kasuguan dahil mas pa ro atong kaila sa pagpakasaea kaysa sa atong kaila sa pagtuman sa Kasuguan. Pero ro indi mahimo sa pagtuman sa Kasuguan hay nahimo 't-a it Dyos tag ginpaadto nana ro ana mismong unga iya sa kalibutan. Nagpakatawo imaw ag may eawas ag kinaiya it tawo nga pareho katon. Anang ginhaead ro anang eawas bilang sakripisyo agod imaw ro pinahan por dahil katon nga mga makasasaea.

Mga TagaGalacia 4:4

Pero pag-abot it oras nga gintaeana it Dyos hay ginpaadto nana iya sa kalibutan ro anang unga. Tawo gid imaw tungod gin-unga imaw it isaeang ka bayi nga Judio, ag nagkabuhi imaw nga hasakpan ku andang Kasuguan.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

2 Timoteo 1:10

Ag natuman eon ron tag nag-abot ro atong Maneueuwas nga si Kristo Jesus. Ana nga ginbue-an it gahom ro kamatayon, ag paagi sa Mayad nga Balita hay ana nga ginpasayod ro tanan kon paalin makabaton ro mga tawo it kabuhi nga owa it katapusan.

Tito 1:2

Ginahimo ko ra agod makasigurado ro mga tawo nga may anda nga kabuhi nga owa it katapusan, kaibahan it Dyos sa ulihi. Ginpromisa it Dyos ronduyon nga kabuhi bago pa gintuga ro kalibutan, ag owa gid imaw nagapinuril.

1 Pedro 5:1

Dahil sa mga kalisdanan ngaron, may akon nga ginahambae kinyo nga mga nagadumaea sa mga tumueuo. Tungod manogdumaea man ako, ag saksi man ako sa pag-antos kato ni Kristo, ag isaea man sa mga makaambit sa anang kadungganan nga inogpahayag eon, ngani ginahinyo ko kamo nga

1 Juan 1:1

Sa raya nga sueat hay amon nga ginasugid kinyo ro parti kay Jesus nga ginatawag nga Mensahi, nga nagatao it kabuhi nga owa it katapusan. Imaw hay una eo't-a bago pa gintuga ro bisan ano. Nagpakatawo imaw ag nag-istar iya sa kalibutan. Amon imaw nga nabatian maghambae, amon imaw nga hakita mismo ku amon nga mga mata ag hapamusturahan, ag habuytan ku amon nga mga alima.

1 Juan 2:25

Ag taw-an nana kita it kabuhi nga owa it katapusan, ay ruyon gid ma't-a ro ana nga ginpromisa katon.

1 Juan 3:5

Pero hasayran eon ninyo nga nag-adto riya si Kristo agod bue-on ro kasae-anan it mga tawo, ag imaw mismo hay owa gid it saea.

1 Juan 3:8

Pero ro nagapadayon sa pagpakasaea hay unga ni Satanas, dahil ro pagpakasaea hay hilimuon eo't-a ni Satanas halin pa't-a kato. Mawron nga nag-adto riya sa kalibutan ro Unga it Dyos agod samaron ro mga ginahimo ni Satanas.

1 Juan 4:14

Hakita gid namon si Jesus. Ngani ginapamatud-an man namon nga ginpaadto iya it Dyos nga Ama ro anang Unga agod mangin Maneueuwas it kalibutan.

1 Juan 4:2

Makasiguro kamo nga ro ginaturo it tawo hay halin sa Espirito it Dyos kon nagapamatuod sanda nga ro Maneueuwas nga si Jesus hay nangin matuod nga tawo pag-adto iya sa kalibutan.

1 Juan 5:11

Ro pamatuod it Dyos hay raya: gintaw-an nana kita it kabuhi nga owa it katapusan, ag mabaton ron naton paagi sa pagtuo sa anang unga.

1 Juan 5:13

Ginasueatan ko kamo kara nga nagatuo it hantop gid sa Unga it Dyos, ro dungganon nga Maneueuwas, agod makasiguro kamo nga may inyo nga kabuhi nga owa it katapusan,

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.