1 Juan 1:1 - Inkeanon

¹ Sa raya nga sueat hay amon nga ginasugid kinyo ro parti kay Jesus nga ginatawag nga Mensahi, nga nagatao it kabuhi nga owa it katapusan. Imaw hay una eo't-a bago pa gintuga ro bisan ano. Nagpakatawo imaw ag nag-istar iya sa kalibutan. Amon imaw nga nabatian maghambae, amon imaw nga hakita mismo ku amon nga mga mata ag hapamusturahan, ag habuytan ku amon nga mga alima.

1 Juan 1:1 Iomraidhean Croise

Lucas 1:2

Ro andang ginsueat hay kon ano ro ginsugid man kamon ku mga nangin manogwali ku mensahi it Dyos. Ro mga ginwali nanda hay ro andang hasaksihan nga mga ginhimo ni Jesus halin gid sa umpisa.

Lucas 24:39

Ako gid ra. Tan-awa tuo ninyo ro akong alima ag siki. Buyti ninyo ako agod makasiguro kamo. Ro mueto't-a hay owa it tue-an ag unod pareho ku inyong makita kakon nga may akon 't-a.”

Juan 19:35

Ako nga nakasaksi ku tanan ngato nga natabo ro nagasugid kinyo karon, agod kamo hay magatuo kay Jesus. Matuod ro akong ginasugid ag sigurado ako sa akon ngarang ginahambae.

Juan 20:27

Ginhambae dayon nana si Tomas, “Hara Tomas, tan-awa ro akong mga alima. Sutsutan ro imong tudlo sa inagyan it eansang. Sudlan man ro imong alima sa nina sa akong kilid. Indi ka sinimo magpati pero makaron hay magpati ka eon nga nabanhaw gid ako.”

Juan 5:26

Mahimo ko ron tungod kon paalin nga may gahom ro akong Ama nga magtao it kabuhi hay makaruyon man ako. Gintugot nana nga ako man hay may gahom nga magtao it kabuhi.

Juan 8:58

Nagsabat si Jesus, “Matuod gid rang ginahambae kinyo nga bago pa natawo si Abraham hay una eon ako.”

Mga Binuhatan 1:3

Pagkapatay kana hay nabanhaw imaw ag nagpinakita imaw kanda sa sueod it 40 diyas ag sa sari-saring paagi hay ginpamatud-an nana nga buhi matuod imaw. Gintud-an man nana sanda parti sa paghari it Dyos sa anang mga sinakpan.

Mga Binuhatan 4:20

Ro among mga hakita nga ginhimo ni Jesus, ag ro among mga habatian nga anang ginturo hay indi gid namon sarang mahipusan.”

Mga Hebreo 2:3

Kon makaruyon nga ginpinahan sanda dahil owa sanda nagpati sa ginsugid it mga anghel, paalin kita makalibre sa pina kon baliwalaon naton ro ginsugid it Ginuo parti sa kaeuwasan nga owa it katupong? Ro Ginuo mismo ro hauna nga nagsugid kara, ag ro mga nakabati kana hay nagpamatuod katon nga matuod ro mensahi ngaron.

1 Juan 4:14

Hakita gid namon si Jesus. Ngani ginapamatud-an man namon nga ginpaadto iya it Dyos nga Ama ro anang Unga agod mangin Maneueuwas it kalibutan.

1 Juan 5:7

Ngani, may tatlo nga nagapamatuod parti kay Jesus,

Pahayag 1:11

Hambae ku limog ngato, “Sueatan ro tanan nga imong hikita ag ipadaea mo dayon sa pitong ka grupo it tumueuo sa rayang mga syudad: sa Efeso, sa Smirna, sa Pergamum, sa Tiatira, sa Sardis, sa Filadelfia ag sa Laodicea.”

Pahayag 1:8

Naghambae ro Ginuong Dyos, “Ako ro Alpha ag ro Omega. Ako ro nagakabuhi hasta sa owa it katapusan, owa it ginhalinan ag ro manog-abot. Ako gid lang ro makagagahom.”

Pahayag 19:13

Ro anang eambong hay gintusmaw sa dugo. ag ginatawag imaw nga Ro Mensahi it Dyos.

Pahayag 2:8

“Raya ro imong isueat sa anghel it grupo it mga tumueuo idto sa Smirna: ‘Raya ro mensahi nakon kinyo, ako nga ro nag-umpisa ag ro magatapos ku tanan nga mga butang, ro ginpatay ag nabanhaw.