Zaburu 99:1 - ALA KA KUMA

¹ Masaba ye kuntigi ye, siyaw be yɛrɛyɛrɛ. A siginin be *serubɛnw cɛma, dugukolo be yɛrɛyɛrɛ.

Jula NT of Côte d’Ivoire

¹ Matigi Ala le ye Masa ye, dunuɲamɔgɔw bɛ yɛrɛyɛrɛ a ɲa kɔrɔ; a siginin bɛ serubɛn mɛlɛkɛw* kunna, dugukolo bɛ yɛrɛyɛrɛ a ɲa kɔrɔ.

Zaburu 99:1 Iomraidhean Croise

Sam 2nan 6:2

Dawuda n'a ka mɔgɔw bɛɛ wilila ka bɔ Baala, Zuda mara la, janko ka Ala ka layidu taamasiɲɛ kɛsu ta ka na n'a ye, Masaba, Setigi tɔgɔ welela min kan. Ale min siginin be *serubɛnw cɛma, kɛsu nin sanfɛ.

Lok fɔlɔ 16:30

Diɲɛ mɔgɔw bɛɛ, aw ka yɛrɛyɛrɛ a ɲakɔrɔ. Diɲɛ b'a lɔyɔrɔ la, a tena bɔ a nɔɔ na.

Zaburu 18:10

A ye sankolo dayɛlɛ ka jigi, sankababa tun b'a seen kɔrɔ.

Zaburu 2:6

A ko: «Ne le ye n ka Masacɛ sigi masaya la *Siyɔn kulu kan, ne ka kulu senuman.»

Zaburu 80:1

Dɔnkililabagaw kuntigi ka dɔnkili, u ko min ma «Feeren.» Gɔni le be fɔ a latuma na. Azafu ka dɔnkili dɔ.

Zaburu 80:2

Isirayɛlidenw marabaga, mɛnni kɛ, e min be Yusufu kɔmɔgɔw mara i ko sagakulu. E min siginin be *serubɛnw cɛma, e yɛrɛ yira.

Zaburu 82:5

Aw te foyi lɔn, aw te foyi faamuna. Aw be dibi la, ka to ka mɔmɔni kɛ. Dugukolo jusigilan bɛɛ yɛrɛyɛrɛla.

Zaburu 93:1

Masaba ye kuntigi ye. Dawula b'a kan kosɔbɛ, fanga b'a fɛ. Diɲɛ sigira ka ɲa, a tena cɛn.

Zaburu 96:10

Aw k'a fɔ siya wɛrɛw cɛma ko: «Masaba ye kuntigi ye.» Diɲɛ sigira ka ɲa, a tena cɛn. Masaba be siyaw kiti ni tilenninya ye.

Zaburu 96:9

Aw k'aw kunbiri gwan a ɲakɔrɔ a ka yɔrɔ senuman na. Dugukolo kan mɔgɔw bɛɛ, aw ka yɛrɛyɛrɛ a ɲa.

Zaburu 97:1

Masaba ye kuntigi ye, dugukolo kan mɔgɔw ka nisɔndiya. Yɔrɔjan mɔgɔw ka nisɔndiya.

Zaburu 97:4

A ba kɛ saan be manamana ka diɲɛ kɛ yeelen ye, dugukolo be yɛrɛyɛrɛ.

Bɔri 25:22

Ne bena n yɛrɛ yira i la o yɔrɔ la, kɛsu sanfɛ datugulan nin sanfɛ, serubɛn fila nunu cɛma, ka n ka fɔtaw bɛɛ fɔ i ye, i ka kan ka minw fɔ Isirayɛlidenw ye.

Ezayi 19:14

Masaba ye ɲanamini bila u la. U b'a la ka Ezipiti yɛlɛmayɛlɛma a ka kokɛtaw bɛɛ la, i ko dɔrɔtɔ be yɛlɛmayɛlɛma a ka fɔɔnɔ kɔnɔ cogo min na.

Yeremi 4:24

Ne ye kuluw filɛ, u be yɛrɛyɛrɛla, tintinw bɛɛ be yuguyugura.

Yeremi 49:21

U bena ben ni barika ye fɔɔ ka dugukolo yɛrɛyɛrɛ. U kasikan bena mɛn fɔɔ Buruku kɔgɔji kɔrɔ.

Yeremi 5:22

O tuma na, aw tena siran ne ɲa wa? Ne Masaba le ko ten. Aw tena yɛrɛyɛrɛ ne ɲa wa? Ne min ye kɔgɔji daan bɔ ni cɛncɛn ye, a tena tɛmɛ o daan nin kan abada. Kɔgɔji be funu ka funu, nga a tena tɛmɛ o daan nin kan.›

Yeremi 50:46

Babilɔni minɛko mɛnnin, dugukolo yɛrɛyɛrɛla. U kasikan bena mɛn siyaw cɛma.

Ezekiyɛli 43:7

A ko: «Adamaden, yan ye ne ka masasigilan bilayɔrɔ ni n seen layɔrɔ le ye. Ne bena sigi Isirayɛlidenw cɛma yan yɔrɔ la kudayi. Isirayɛlidenw n'u ka masacɛw tena ne tɔgɔ senuman cɛn n'u ka josɔnko, n'u ka masacɛw suuw ye tugu.

Luka 19:12

ko: «Masacɛ dɔ ka deen tagara jamanajan dɔ la masacɛw bɛɛ kuntigi fɛ k'a fɔ a ye ko n'a ye sira di, ale b'a fɛ ka sigi a facɛ nɔɔ na masaya la. N'a ye sira sɔrɔ o yɔrɔ la, a be kɔsegi a yɛrɛ ka dugu la ka sigi masaya la.

Luka 19:14

Nga a koo tun man di a ka jamana mɔgɔw ye. A taanin kɔ, olu ye mɔgɔw bila ka taga fɔ masacɛba ye k'olu t'a fɛ cɛɛ nin be kɛ u ka masa ye.

Luka 19:27

Sisan, ne jugu minw tun t'a fɛ ne ka kɛ u ka masacɛ ye, aw ka na ni olu ye yan k'u faga ne ɲana.› »

Filipikaw 2:12

Ne teriw, aw tun be ne ka kuma bato ka ne to aw fɛ, halibi aw ka taga ɲa ka dɔ fara o kan, aw ka jija ka baara kɛ aw ka kisili kosɔn ni Alaɲasiran ye kosɔbɛ.

Yirari 11:17

n'u b'a fɔ ko: «An be barika la i ye Matigi Ala, Setigi. E min be yen, ani e min tun be yen, bari e y'i ka sebagayaba yira, k'i ka masaya sigi n'o ye.

Yirari 20:11

O kɔ, ne ye masasigilan belebeleba gwɛman dɔ ye ka mɔgɔ dɔ siginin ye a kan. Sankolo ni dugukolo bɛɛ ye kɛnɛ minɛ ka tunu.

Yirari 6:14

Sankolo sinna ka meleke ka bɔ yen i n'a fɔ mɔgɔ be dɛbɛ meleke cogo min na. Kuluw ni kɔgɔji cɛma dugukoloninw bɛɛ tununa ka bɔ u nɔɔ na.