Zaburu 7:2 - ALA KA KUMA

² Masaba, n ka Ala, ne be n yɛrɛ kalifa i ma. Ne kisi, ne bɔsi n tɔɔrɔbagaw bɛɛ bolo

Jula NT of Côte d’Ivoire

² Matigi Ala, ne ta Ala, ne bɛ ne yɛrɛ karifa ele le ma; ne kisi ka bɔ ne nɔgbɛnbagaw bɛɛ boro, ka ne bɔsi,

Zaburu 7:2 Iomraidhean Croise

Sam 2nan 14:6

Dencɛ fila tun be n fɛ. O deen fila nunu ye ɲɔgɔn sɔrɔ kɛlɛ la kongo kɔnɔ. Mɔgɔ tun te yen k'u bɔ ɲɔgɔn na minkɛ, kelen y'a tɔɲɔgɔn bugɔ k'a faga.

Ayuba 10:7

E yɛrɛ y'a lɔn ko ne jalakinin tɛ, ne fana te se ka n yɛrɛ bɔsi i bolo.

Zaburu 10:9

A be dogo yɔrɔjan i ko jara min b'a layɔrɔ la. A be dogo janko ka cun dɛsɛbagatɔ kan, a be cun a kan k'a minɛ a ka jaan kɔnɔ.

Zaburu 11:1

Dɔnkililabagaw kuntigi ka dɔnkili. Dawuda ka dɔnkili dɔ. Ne be n yɛrɛ kalifa Masaba le ma. Aw be se k'a fɔ ne ye cogo di ko: «Boli ka taga dogo kuluw la i ko kɔnɔw?»

Zaburu 16:1

Dawuda ka dɔnkili dɔ. Ala, ne tanga, bari ne be n yɛrɛ kalifa i ma.

Zaburu 17:12

U be i ko jara min kɔrɔtɔnin lo ka sogo minɛ. U be i ko wara min dogora ka kɔnɔni kɛ.

Zaburu 22:13

Ne juguw ye ne lamini i ko tura caaman, u ye ne koori i ko *Basan tura farimanw.

Zaburu 31:2

Masaba, ne ye n yɛrɛ kalifa e ma, kan'a to ne be maloya fewu. Ne bɔsi e ka tilenninya kosɔn.

Zaburu 35:15

Ni ne dɛsɛra, u be ɲɔgɔn lajɛn ka nisɔndiya. N te mɔgɔ minw lɔn, olu le be woo cira ne la tuma bɛɛ.

Zaburu 50:22

Aw minw be ɲinɛ ne Ala kɔ, aw ka ne ka kuma nin faamu ka ɲa. N'o tɛ, n bena aw halaki, mɔgɔ te se ka n bali.

Zaburu 59:2

Ala, ne bɔsi n juguw bolo, ne kisi n kɛlɛbagaw ma.

Zanaw 19:12

Masacɛ diminin be i ko jara sɔngɔtɔ. Nga a ka ɲumanya be i ko komiji, biin kan.

Ezayi 38:13

Saya tun bena ne bɔsi ni dugu ma gwɛ. Masaba ye n kolow bɛɛ kari i ko jara, i tun bena tila ne ka koo la ni tile ma ben.

Sariya 33:20

Gadi kɔmɔgɔw ka koo la, Musa y'a fɔ ko: «Masaba ka tanu, ale min be dugukoloba di Gadi kɔmɔgɔw ma! Gadi kɔmɔgɔw lanin be i ko jara, u labɛnnin be ka sogo ɲafɛsen faran, walima a kuun yɛrɛ.

Tim 2nan 4:17

Nga Matigi yɛrɛ le tora ne fɛ ka fanga di ne ma, fɔɔ a kɛra ten, ne sera ka Ala ka kuma fɔ u ye ka gwɛ. A kɛra ten, siya tɔw bɛɛ y'o mɛn, ani ne kisira jara daa ma.

Piy fɔlɔ 5:8

Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana be munumununa i n'a fɔ jara, a b'a fɛ ka dɔ le minɛ k'a ɲimi.

Kititigɛbagaw 18:28

Mɔgɔ si ma na k'u bɔsi u bolo, bari o yɔrɔ tun ka jan Sidɔn la, ani bɛɛn fana tun te u ni mɔgɔ wɛrɛ cɛ. U tun siginin be kɔkɛnɛ na Bɛtirewɔbu gɛrɛfɛ. O kɔ, Dan kɔmɔgɔw ye dugu nin lalaga k'a lɔ ka sigi a kɔnɔ.