Zaburu 4:2 - ALA KA KUMA

² Ne ka Ala, e min tilennin lo, ni ne y'i daali, e ka ne jaabi. Ka ne to dusukasi la, e ye ne jigi tugu. Makari ne la, ne ka daalili lamɛn.

Jula NT of Côte d’Ivoire

² E, Ala, ele min bɛ jo di ne ma, ni ne ka kule i nɔ fɛ tuma o tuma, i ye ne jaabi. Ne degunin tun lo, nka i ka laganfiya di ne ma. Makari ne ra, ka ne ta daariri lamɛn!

Zaburu 4:2 Iomraidhean Croise

Zaburu 106:20

Ala min tun ye u ka boɲa ye, u y'a falen misi jaa la, binɲimifɛn.

Zaburu 14:6

Aw be dɛsɛbagatɔw ka kolatigɛninw cɛn. Nga, Masaba ye u ka kalifayɔrɔ ye.

Zaburu 2:1

Mun na siyaw be murutira? Mun na u ye ŋaniyafu ta ten?

Zaburu 3:3

Mɔgɔ caaman be ne koo fɔra ko: «Ala ten'a dɛmɛ.»

Zaburu 31:6

Ne be n nii segi i ma. Ele Masa Ala tiɲɛtigi ye ne hɔrɔnya.

Zaburu 5:6

Yɛrɛboɲalaw te se ka to i ɲakɔrɔ, kojugukɛlaw koo man d'i ye.

Zaburu 50:15

I ka ne daali i degun loon na, ne bena i bɔ, e bena ne boɲa.»

Zaburu 57:4

Ala bena ne dɛmɛ k'a to sankolo la. A bena ne tɔɔrɔbagaw maloya k'a ka ɲumanya n'a ka tilenninya yira.

Zaburu 58:1

Dɔnkililabagaw kuntigi ka dɔnkili. Dawuda ka dɔnkili dɔ, u ko min ma «Kana cɛnni kɛ.»

Zaburu 58:3

Ayi, kojugukɛ miiriya dɔrɔn le b'aw kɔnɔ. Aw be koo farimanw le kɛra dugukolo kan.

Zaburu 63:11

U bena faga ni murujan ye. U bena kɛ kongowuluw niyɔrɔ ye.

Zaburu 72:2

A ka se k'i ka jama kiti ni tilenninya ye, a ka se ka dɛsɛbagatɔw ka tiɲɛ fɔ.

Bɔri 10:3

Musa ni Arɔn tagara masacɛ fɛ k'a fɔ a ye ko: «Masaba, eburuw ka Ala ko i bena ban k'i yɛrɛ majigi ale kɔrɔ fɔɔ tuma jumɛn? Ko i k'a to ale ka jama ka ta'a bato.

Zanaw 1:22

«Kolɔnbaliya bena diya aw kolɔnbaliw ye tuma jumɛn? Mɔgɔjagabɔbagaw bena to o la fɔɔ tuma jumɛn? Nalomanw bena ban lɔnniya ma tuma jumɛn?

Waajurikɛbaga 8:11

Ɲagwan min ka kan ka kojugu juru sara, o t'a tigi sɔrɔ a kɛtuma na, o la, kojugukɛ nigɛ be to adamaden dusu la tuma bɛɛ.

Waajurikɛbaga 9:3

Koo minw bɛɛ be kɛra diɲɛ na, o juguya yɔrɔ ye nin ye: mɔgɔ bɛɛ laban ye kelen ye. Kojugukɛ nigɛ fana be to adamadenw dusu la. U be to nalomanyakow la u sii la, ka sɔrɔ ka taga tɔw taayɔrɔ la.

Ezayi 20:5

Mɔgɔ minw jigi tun be Etiyopi kan, ani k'u yɛrɛ boɲa Ezipiti ka dɛmɛ kosɔn, u hakili bena ɲagami, u bena maloya.

Ezayi 45:17

Masaba bena Isirayɛlidenw kisi, a bena u kisi pepewu bii ni sini. U tena maloya fewu, u kuun tena surun tugu abada.

Ezayi 59:4

Aw te ɲɔgɔn kiti ka kɛɲɛ ni tiɲɛ ye, aw t'aw ka koo fɔ ni kɔnɔgwɛ ye. Aw b'aw jigi la fuu kan, ka galon tigɛ. Aw be kojugu miiri aw kɔnɔ. O laban be na ni bɔnɛ ye.

Yeremi 2:11

Siya jumɛn b'a ka batofɛnw yɛlɛma? K'a sɔrɔ batofɛn ɲanamanw yɛrɛ tɛ. Nga ne ka mɔgɔw y'u kunkɔrɔtabaga falen ni fɛɛn fufafuw ye.

Yeremi 2:5

Masaba ko: «Aw faaw ye jalakiyɔrɔ jumɛn ye ne la fɔɔ ka ban ne la, ka tugu fɛɛn fufafuw kɔ, fɔɔ olu yɛrɛ nana kɛ fɛɛn fufafuw ye?

Yeremi 9:3

Bɛɛ k'a yɛrɛ kɔlɔsi a teri la, mɔgɔ si kana la a balima la. Bari balima bɛɛ ye janfamɔgɔ le ye, teri bɛɛ b'a fɛ ka galon tigɛ ka mɔgɔ tɔgɔ cɛn.

Oze ta kitabu 4:7

Sarakalasebagaw be cayara cogo min na, u be hakɛ kɛra ne ɲakɔrɔ ten. Ne bena u ka kunkɔrɔta yɛlɛma ka kɛ maloya ye.

Yunusu 2:8

Ne ninakili degunna tuma min na fɔɔ a tun be ɲini ka lɔ, ne hakili jigira, ne y'a fɔ ko: ‹Masaba.› E fana ye n kaan mɛn k'i to e batoso kɔnɔ.

Jateri 14:11

Masaba y'a fɔ Musa ye ko: «Jama nin bena to ka ne mafiɲɛya fɔɔ tuma jumɛn? U bena ban ka la ne la fɔɔ tuma jumɛn? K'a sɔrɔ ne ye kabako caaman kɛ u cɛma.

Kɛwalew 24:9

Zuwifu nunu ye cɛɛ ka kuma tintin ko tiɲɛ yɛrɛ lo.

Kor fɔlɔ 1:31

A kɛra ten, «ni min be wanso, o ka wanso Matigi barika la,» i ko a fɔra Ala ka kuma na cogo min na.

Ɛfɛsikaw 4:25

O kama, aw ka galontigɛ dabila! Mɔgɔ kelen kelen bɛɛ ka tiɲɛ fɔ ɲɔgɔn ye, bari an kɛra farisogo kelen ye.

Sam fɔlɔ 12:21

Aw kana bɔ a kɔ. N'o tɛ, aw bena taga fɛɛn kuntan dɔw kɔ, minw tena aw mako ɲa, u fana tena se k'aw kisi, bari u te foyi ye.