Zaburu 3:4 - ALA KA KUMA

⁴ Nga ele Masaba, ele lo ye ne tangabaga ye. Ne be n yɛrɛ boɲa e lo kosɔn, e le be ne kuun kɔrɔta.

Jula NT of Côte d’Ivoire

⁴ K’a sɔrɔ ele kɔni, Matigi Ala, ele le ye ne tangabaga ye, ne bɛ bonya sɔrɔ ele le fɛ, ele le bɛ ne kun kɔrɔta.

Zaburu 3:4 Iomraidhean Croise

Damina 15:1

O koow tɛmɛnin kɔ, Masaba y'a yɛrɛ yira Abramu la k'a fɔ a ye ko: «Abramu, i kana siran. Ne y'i tangabaga ye i n'a fɔ kɛlɛden ka nigɛkunbɛnnan, i ka sara bena caya kosɔbɛ.»

Zaburu 119:114

Ne tangabaga ni n dogoyɔrɔ ye ele le ye. N jigi b'i ka kuma kan.

Zaburu 138:3

Tuma min na ne y'i daali, i ye ne jaabi. I ye ne jigi tugu, barika sɔrɔla.

Zaburu 18:3

Masaba le ye ne tangakabakuru, ni ne dogoyɔrɔ, ani ne kunmabɔbaga ye. Ne ka Ala le ye ne tangakabakuru ye, ne be dogo a kɔrɔ. Ne tangabaga lo, Setigi min be ne kisi. Ne ka dogoyɔrɔ barikaman lo.

Zaburu 2:6

A ko: «Ne le ye n ka Masacɛ sigi masaya la *Siyɔn kulu kan, ne ka kulu senuman.»

Zaburu 27:6

Hali sisan yɛrɛ, ne kuun kɔrɔtanin lo. A tɛmɛna n juguw ta kan, minw be n laminina. Ne kɔni bena saraka bɔ Masaba ka soo kɔnɔ ni nisɔndiyapɛrɛnkan ye. Ne ben'a tanu ka dɔnkili la a ye.

Zaburu 28:7

Masaba le be fanga di ne ma ka n tanga fana. Ne ye n yɛrɛ kalifa a ma, a ye n dɛmɛ. Ne nisɔn ka di kosɔbɛ, ne b'a tanu ni dɔnkili ye.

Zaburu 34:4

Aw ka Masaba makiri ni ne ye, an k'a tɔgɔ tanu ɲɔgɔn fɛ.

Zaburu 34:6

N'i y'i ɲaa sin a ma, i be nisɔndiya, maloya fana t'i sɔrɔ.

Zaburu 43:3

I ka tiɲɛ n'i ka yeelen bɔ n ye. U ka sira yira ne la fɔɔ ka taga se i ka kulu senuman kan, e sigiyɔrɔ la.

Zaburu 50:15

I ka ne daali i degun loon na, ne bena i bɔ, e bena ne boɲa.»

Zaburu 62:8

Ne ka kisi ni ne ka kunkɔrɔta be bɔ Ala le fɛ. Ale lo ye ne tangakabakuru ni ne dogoyɔrɔ ye.

Zaburu 84:12

Masa Ala ye yeelen ani nigɛkunbɛnnan ye. Masaba be ɲumanya kɛ mɔgɔ ye ka kunkɔrɔta d'a ma, a te ban ka mɔgɔ jalakibali ta ɲa.

Zaburu 89:19

Ele Masaba le b'an tangabaga woloma. Ele Isirayɛli ka Ala senuman le b'an ka masacɛ sigi.

Zaburu 91:15

A bena ne daali, ne ben'a jaabi. Ne bena to n'a ye dusukasi tuma na, ne ben'a bɔsi ka boɲa la a kan.

Zaburu 99:9

Aw ka Masaba an ka Ala tanu, aw k'aw kunbiri gwan a ka kulu senuman kan. Tiɲɛ na, Masaba an ka Ala ka senu.

Zanaw 2:7

A be see di mɔgɔtilenninw ma. Mɔgɔ min taamacogo ka ɲi, a be kɛ o tangabaga ye.

Ezayi 65:24

Sanni u ka ne wele, o y'a sɔrɔ ne y'u jaabi ka ban. Sanni u ka tila u ka daalili la, o y'a sɔrɔ ne y'u lamɛn ka ban.

Kasikan 3:56

i ye ne kaan mɛn, e ma i tulo datugu, i ye ne ka ŋunankan ni n ka kasikan mɛn.

Matiyu 7:7

«Aw k'aw ka makoyafɛn daali Ala fɛ, a bena o d'aw ma. Aw mako be fɛɛn min na, aw k'o ɲini, aw ben'a sɔrɔ. Aw ka daa kɔkɔ, daa bena yɛlɛ aw ye.

Yakuba 5:13

N'aw dɔ be tɔɔrɔ la, a ka Ala daali. Min nisɔn ka di, o ka Ala tanu ni dɔnkiliw ye.