Zaburu 101:2 - ALA KA KUMA

² Ne b'a fɛ ka to mɔgɔɲumanya la. E bena na ne fɛ tuma jumɛn? Ne bena taama n ka soo ka kɛɲɛ ni n ka dusuɲumanya ye.

Jula NT of Côte d’Ivoire

² Ne bɛna jija ka tagama sira gbɛnin le kan. I bɛna na ne fɛ tuma juman le sa, Ala? Ne bɛna tagama ni jusukun gbɛnin le ye, ne ni ne ta somɔgɔw.

Zaburu 101:2 Iomraidhean Croise

Damina 18:19

Ne y'a woloma janko a k'a deenw ladi ani olu kɔmɔgɔw, ko u ka ne, Masaba ka sira taama ni tilenninya ani tiɲɛ ye janko ne ye layidu min ta a ye, ne ka o dafa.»

Sam 2nan 8:15

Dawuda sigira Isirayɛlidenw bɛɛ kunna. A tun b'a ka jama bɛɛ mara ni tilenninya ni tiɲɛ ye.

Mas fɔlɔ 11:4

Solomani kɔrɔla tuma min na, muso nunu y'a hakili yɛlɛma ka taga batofɛn wɛrɛw fɛ. A kɛra ten, a y'a jigi bɔ Masaba a ka Ala kan. A jigi ma to a kan i n'a fɔ a faa Dawuda tun y'a kɛ cogo min na.

Mas fɔlɔ 9:4

Ele kɔni, n'i be taama ne ɲakɔrɔ ni dusu gwɛnin ni tilenninya ye, i n'a fɔ i facɛ Dawuda y'a kɛ cogo min na, n'i ye ne ka fɔta bɛɛ bato, ani ne ka sariyaw, ni ka n ka kolatigɛninw kɛ,

Lok 2nan 15:17

A ma sɔnnikɛyɔrɔw bɛɛ bɔ yen, nga Masaba koo tun b'a dusu la a sii bɛɛ la.

Lok 2nan 30:12

Zuda mara la fana, Masaba y'a to jama ka miiriya kɛra kelen ye ka se ka masacɛ n'a ka ɲamɔgɔw ka fɔta kɛ, ka kɛɲɛ ni ale Masaba ka kuma ye.

Zaburu 101:6

Ne kɔni bena n hakili to jamana kɔnɔ mɔgɔsɔbɛw la, olu le bena to ne gɛrɛfɛ. Mɔgɔ min kɛra mɔgɔɲuman ye, o tigi le bena baara kɛ ni ne ye.

Zaburu 119:106

Ne ye layidu min ta ko n bena i ka fɔtaw bato, ne bena o dafa.

Zaburu 119:115

Mɔgɔjuguw, aw ka bɔ ne ɲa janko ne ka n ka Ala ka fɔta bato.

Zaburu 26:11

Ne kɔni be to n ka mɔgɔɲumanya la, e ka makari ne la ka ne hɔrɔnya.

Zaburu 40:17

A to e ɲinibagaw bɛɛ ka nisɔndiya, a to u ka yɛlɛ i kosɔn. Minw b'a fɛ i k'u kisi, a to olu k'a fɔ waati bɛɛ la ko: «Masaba ka bon.»

Bɔri 20:24

Aw ka sarakabɔyɔrɔ lɔ ne ye ni bɔgɔ ye k'aw ka saraka jɛnitaw n'aw ka jɛnɲɔgɔnya sarakaw bɔ ne ye o kan, aw ka begɛnmisɛnw n'aw ka misiw. Ne bena n yɛrɛ yira yɔrɔ o yɔrɔ, ne bena aw ta ɲa.

Ezayi 38:3

«Masaba, e k'i hakili to a la ko ne taamana i ɲakɔrɔ kantigiya la ni kɔnɔgwɛ ye, ka koɲuman kɛ i ɲakɔrɔ.» A kasira kosɔbɛ.

Sariya 6:7

Aw k'aw deenw kalan o la. K'aw siginin to aw fɛ, walima k'aw to sira kan taama na, n'aw latuma na, n'aw wilituma.

Yosuwe 24:15

Ni aw y'a ye ko ka Masaba bato, o man di aw ye, aw b'a fɛ ka min bato, aw k'ale woloma bii. Aw faaw tun be joo minw sɔn baji kɔfɛ, u be yen. Aw siginin be amoriw minw ka jamana na, olu taw fana be yen. Ne ni n ka somɔgɔw, anw kɔni bena Masaba le bato.»

Sam fɔlɔ 22:14

Ayimelɛki y'a jaabi ko: «I ka baarakɛla bɛɛ cɛma, masacɛ birancɛ Dawuda mɔgɔsɔbɛ ɲɔgɔn be sɔrɔ yen wa? I kɔlɔsibagaw kuntigi lo, boɲa fana b'a kan i ka soo kɔnɔ.