Yunusu 4:11 - ALA KA KUMA

¹¹ Ne fana tun man kan ka makari Ninivu la wa? Duguba nin, fɛɛn min kɔnɔ mɔgɔw ka ca ni mɔgɔ waa kɛmɛ ni mugan (120 000) ye, minw t'u kinibolo lɔn ka bɔ u numanbolo la, begɛnw fana ka ca kosɔbɛ.»

Jula NT of Côte d’Ivoire

¹¹ O tuma, mun na i t’a fɛ ne Ala ye makari Ninive duguba ta mɔgɔw ra, dugu min mɔgɔw ka ca ni mɔgɔ waga kɛmɛ ni mugan ye, minw tɛ kojugu ni koɲuman lɔn ka bɔ ɲɔgɔn na! Bɛgan camanba le fana bɛ yi!»

Yunusu 4:11 Iomraidhean Croise

Damina 9:10

Nimanfɛn minw bɛɛ tun be n'aw ye: kɔnɔw, begɛnw, ani kongosogow, fɛɛn minw bɛɛ bɔra kurun kɔnɔ, u bɛɛ, nimanfɛn minw bɛɛ be dugukolo kan, ne be bɛn ni olu bɛɛ ye fana.

Zaburu 104:14

A b'a to biin be falen begɛnw ye, k'a kɛ suman be wili adamaden ka makoɲa kama.

Zaburu 36:6

Masaba, e ka ɲumanya ka bon i ko sankolo. E ka kantigiya be ye fɔɔ sankaba kɔnɔ.

Ezayi 1:18

Ɔnhɔn! Aw ye na, an ka sigikafɔ kɛ.» Masaba ko ten! «Hali n'aw ka kojuguw wulenna i ko joli, u bena gwɛ i ko kɔɔri. Hali n'u wulenna fɔɔ ka fin, u bena gwɛ parapara.

Ezayi 37:37

O la, Asiri masacɛ Senakeribu wilila ka bɔ yen ka kɔsegi ka taga to Ninivu.

Ezayi 7:16

Nga sanni deen nin ka koo lɔn ko a be ban kojugu la ka koɲuman kɛ, i be siranna jamana min ka masacɛ fila ɲa, o yɔrɔ lakolon bena to.

Yunusu 1:2

«Wili ka taga Ninivu, duguba nin kɔnɔ, ka sɔngɔ dugu mɔgɔw kunna k'u ka juguya nigɛ bɔra n na.»

Yunusu 3:10

Ala y'a ye k'u b'o kɛra tiɲɛ na, k'u be u ka kɛwalijuguw dabilara, o la, a tun ko a bena kojugu min kɛ u la, a makarila, a m'o kɛ tugu.

Yunusu 4:10

Masaba y'a fɔ a ye ko: «Anhaan! Galamansun nin hinɛ donna i la kɛ, k'a sɔrɔ i ma sɛgɛn hali dɔɔni a wiliko la. A falenna ka boɲa suu kelen, ka sa suu kelen.

Matiyu 18:33

Ne makarila i la cogo min na, ele fana tun ka kan ka makari i tɔɲɔgɔn na ten.›

Sariya 1:39

Ko an ka denmisɛnw, an y'a fɔ minw koo la, ko u bena kɛ an juguw ta ye dɛ, o deen minw te foyi lɔn fɔlɔ, olu le bena don yen. Ko ale ben'a di olu ma, olu lo ben'a tigiya kɛ.