Yunusu 3:5 - ALA KA KUMA

⁵ Dugu mɔgɔw lara Ala la, u ye wango la ko mɔgɔw ka suun don. U ye dusukasifani don. K'a ta fɛntigiw ma fɔɔ ka ta'a bila fantanw na.

Jula NT of Côte d’Ivoire

⁵ Ninivekaw lara Ala ra. O k’a fɔ ko mɔgɔw bɛɛ ye sun don; k’a ta fagamaw ra, ka taga a bla mɔgɔ gbansanw na, o bɛɛ ka bɔrɔfaniw don o yɛrɛ ra.

Yunusu 3:5 Iomraidhean Croise

Mas 2nan 19:1

Masacɛ Ezekiyasi y'o mɛn tuma min na, a y'a ka faniw faran ka dusukasifani don a kaan na, ka taga don Masaba ka soo kɔnɔ.

Lok 2nan 20:3

Zozafati siranna kosɔbɛ. A y'a latigɛ ko a bena Masaba ɲininga. A y'a fɔ ko Zuda mara mɔgɔw bɛɛ ka suun don.

Ɛsidarasi 8:21

K'an to Ahawa baa daa la, ne y'a latigɛ ko an ka suun don janko k'an yɛrɛ majigi an ka Ala ɲakɔrɔ, k'a daali a k'an ka taama nɔgɔya an bolo, an n'an deenw n'an ka nafolo.

Ɛsitɛri 4:1

Maridose y'o koo bɛɛ mɛn tuma min na, a y'a ka fani faran, ka dusukasifani ta k'o don, ka bugurigwɛ kɛ a yɛrɛ kan. O kɔ, a donna dugu kɔnɔ ka to ka kule kosɔbɛ.

Bɔri 33:6

Isirayɛlidenw bɔra *Orɛbu kulu kɔrɔ dɔrɔn, u y'u ka masirifɛnw donko dabila.

Yeremi 31:34

U tena u tɔɲɔgɔnw, walima u balimaw kalan k'a fɔ ko: ‹Aw ka Masaba lɔn,› bari, bɛɛ bena ne lɔn, denmisɛnw fara mɔgɔkɔrɔbaw kan. Bari, ne bena u ka juguya yafa. Ne hakili tena jigi u ka hakɛw la tugu.» Masaba le ko ten.

Yeremi 36:9

Zuda masacɛ Yoyakimu, Zoziyasi dencɛ ka masaya saan duurunan na, o kalo kɔnɔntɔnnan, cii fɔra Zeruzalɛmukaw bɛɛ ye, ni Zuda mara dugu mɔgɔw bɛɛ minw be Zeruzalɛmu, ko u ka na suun don Masaba ɲakɔrɔ.

Yeremi 42:1

Kɛlɛkuntigiw bɛɛ, Kareya deen Yowanan ni Osaya deen Azariya, ani jama bɛɛ, denmisɛn fara mɔgɔkɔrɔba kan, u bɛɛ tagara

Yeremi 42:8

Zeremi ye Kareya dencɛ Yowanan ni kɛlɛkuntigi minw bɛɛ tun be n'a ye, ni jama bɛɛ wele, denmisɛn fara mɔgɔkɔrɔba kan,

Daniyɛli 9:3

O la, ne ye suun don ka dusukasifani don, ka bugurigwɛ kɛ n yɛrɛ kan, ka n ɲaa sin Matigi Ala ma k'a daali kosɔbɛ.

Yowɛli 1:14

Aw ka sundonko wango la. Ka ɲɔgɔnyeba loon sigi ka Ala boɲa. Aw ka cɛkɔrɔbaw lajɛn, ni jamana mɔgɔw bɛɛ, Masaba aw ka Ala ka soo kɔnɔ. Aw ka kule Masaba nɔɔ fɛ.

Yunusu 3:7

k'a fɔ Ninivukaw ye ko: «Fɛɛn si man kan ka dumuni kɛ, walima ka minni kɛ, mɔgɔ fara begɛnw kan, masacɛ n'a ka dakɔrɔsigiw le ko ten. Mɔgɔ man kan ka taga ni begɛnw ye u dɛndɛyɔrɔ la.

Matiyu 12:41

Ala bena mɔgɔw kiti loon min na, Ninivukaw ni bii mɔgɔw bena kunun ɲɔgɔn fɛ. Ninivukaw ka kɛwali bena kɛ sababu ye Ala be bii mɔgɔw jalaki, bari Zonasi tagara Ninivukaw waaju tuma min na, u nimisara ka faran u ka kojuguw la. Mɔgɔ be yan min lɔyɔrɔ ka bon ni Zonasi ta ye.

Luka 11:32

Kiti tigɛlon na, Ninivukaw bena bii mɔgɔw jalaki, bari Zonasi ye waajuli min kɛ Ninivu dugu kɔnɔ, Ninivukaw sɔnna o ma. U nimisara ka faran u ka kojuguw la. A filɛ, mɔgɔ be yan min ka bon ni Zonasi ye.

Kɛwalew 27:25

Ayiwa n balimaw, o tuma na, aw k'aw jaa gwɛlɛya. Ne lanin be Ala la, a y'a fɔ n ye cogo min na, a bena kɛ ten.

Kɛwalew 8:10

Mɔgɔw bɛɛ, denmisɛn fara mɔgɔkɔrɔbaw kan, u bɛɛ tun be mɛnni kɛ Simɔn fɛ, ani k'a boɲa. U tora k'a fɔ ko: «Nin cɛɛ nin ye Ala ka sebagaya ye, min be wele sebagayaba.»

Heburuw 11:1

Lanaya ye min ye, o ye nin ye: i be la fɛɛn dɔ la, k'i jigi la a kan k'a sɔrɔ i m'a ye ka ye.

Heburuw 11:7

Nuhun lara Ala la minkɛ, o le y'a to koo min ma kɛ ka ye, Ala y'a lasɔmi o la tuma min na, a siranna Ala ɲa ka kurunba dilan k'a ka soo kisi, diɲɛ halakira. A ka lanaya sababu la, Ala y'a jati mɔgɔtilennin ye.

Yirari 11:3

Nga n bena sira di n ka seere fila ma, u bena dusukasifani don u kaan na ka waajuli kɛ tile waa kelen ni kɛmɛ fila ni bi wɔɔrɔ kɔnɔ.»