Yunusu 3:4 - ALA KA KUMA

⁴ Zonasi bolibolila a kɔnɔ tile kelen ka to ka wango la ko: «A tora tile bi naani Ninivu be halaki.»

Jula NT of Côte d’Ivoire

⁴ Yunusu ka tere kelen tagama kɛ dugu kɔnɔ. O kɔ, a ka kɛ pɛrɛn ye k’a fɔ mɔgɔw ye ko: «Sani tere binaani cɛ, Matigi Ala bɛna Ninive duguba halaki.»

Yunusu 3:4 Iomraidhean Croise

Mas 2nan 20:1

O waati la, Ezekiyasi banana fɔɔ a tun be ɲini ka sa. Amɔsi dencɛ Ezayi min tun ye kira ye, ale nan'a fɛ k'a fɔ a ye ko: «Masaba ko e k'i ka soo kɔnɔ koɲaw ɲanabɔ, bari i bena sa, i tena kɛnɛya.»

Mas 2nan 20:6

Ko ne bena saan tan ni duuru fara a sii kan. N bena ale ni dugu nin kisi Asiri masacɛ ma. Ne bena dugu nin tanga n yɛrɛ, ni n ka baarakɛla Dawuda kosɔn.»

Ezayi 30:18

O bɛɛ n'a ta, Masaba be waati dɔ le kɔnɔna k'aw dɛmɛ, a bena wili ka makari aw la. Bari, Masaba Ala tilennin lo. Mɔgɔ minw bɛɛ b'u jigi la a kan, olu dagamuna!

Yeremi 42:10

‹N'aw tora jamana nin kɔnɔ, ne bena fanga don aw la, ne tena aw halaki tugu, ne bena aw sigicogo ɲa, n tena aw wili tugu. Bari, ne ye bɔnɛ min lase aw ma, ne be nimisa o la.

Yunusu 3:10

Ala y'a ye k'u b'o kɛra tiɲɛ na, k'u be u ka kɛwalijuguw dabilara, o la, a tun ko a bena kojugu min kɛ u la, a makarila, a m'o kɛ tugu.

Matiyu 12:41

Ala bena mɔgɔw kiti loon min na, Ninivukaw ni bii mɔgɔw bena kunun ɲɔgɔn fɛ. Ninivukaw ka kɛwali bena kɛ sababu ye Ala be bii mɔgɔw jalaki, bari Zonasi tagara Ninivukaw waaju tuma min na, u nimisara ka faran u ka kojuguw la. Mɔgɔ be yan min lɔyɔrɔ ka bon ni Zonasi ta ye.

Luka 11:30

Zonasi kɛra taamasiɲɛ ye Ninivukaw fɛ cogo min na, Mɔgɔ Dencɛ fana bena kɛ taamasiɲɛ ye bii mɔgɔw fɛ ten.

Luka 11:32

Kiti tigɛlon na, Ninivukaw bena bii mɔgɔw jalaki, bari Zonasi ye waajuli min kɛ Ninivu dugu kɔnɔ, Ninivukaw sɔnna o ma. U nimisara ka faran u ka kojuguw la. A filɛ, mɔgɔ be yan min ka bon ni Zonasi ye.

Sariya 18:22

Tiɲɛ na, ni kira dɔ ye kuma dɔ fɔ Masaba tɔgɔ la, n'o koo ma kɛ, o kɔrɔ ko Masaba ma o kuma fɔ. O kira y'a jaa gwɛlɛya k'o fɔ a yɛrɛ ma. Aw kana siran a ɲa.