Yunusu 3:10 - ALA KA KUMA

¹⁰ Ala y'a ye k'u b'o kɛra tiɲɛ na, k'u be u ka kɛwalijuguw dabilara, o la, a tun ko a bena kojugu min kɛ u la, a makarila, a m'o kɛ tugu.

Jula NT of Côte d’Ivoire

¹⁰ Ayiwa, Ala k’a ye ko Ninivekaw nimisara ka o ta kɛwalejuguw dabla minkɛ, a tun b’a fɛ ka kojugu min kɛ o ra, a ma o kɛ tuun.

Yunusu 3:10 Iomraidhean Croise

Lok fɔlɔ 21:15

Ala ye mɛlɛkɛ dɔ ci ko a ka taga Zeruzalɛmu halaki. K'o mɛlɛkɛ to cɛnni na, Masaba y'a ye, a nimisara. O la, a y'a fɔ nibɔmɛlɛkɛ nin ye k'o b'a bɔ, ko a k'a dabila. O y'a sɔrɔ Masaba ka mɛlɛkɛ nin tun lɔnin be zebuzicɛ Ɔrinan ka sumangosikɛnɛ na.

Bɔri 32:14

Masaba tun y'a fɔ ko a bena kojugu min kɛ a ka jama na, a y'o dabila, a ma o kɛ tugu.

Zanaw 28:13

Mɔgɔ min te lɔ a ka kojugu kɛnin na, o ka koo te ɲa. Nga min be lɔ a ta la, ani ka nimisa u la, Ala be makari ale la.

Ezayi 30:18

O bɛɛ n'a ta, Masaba be waati dɔ le kɔnɔna k'aw dɛmɛ, a bena wili ka makari aw la. Bari, Masaba Ala tilennin lo. Mɔgɔ minw bɛɛ b'u jigi la a kan, olu dagamuna!

Yeremi 18:7

Tuma dɔ, ne b'a fɔ ko n bena siya, walima jamana dɔ ta ka bɔ yen k'u bugɔ k'u halaki.

Yeremi 18:8

Nga n'u nimisara ka faran u ka kojugu la, ne be n ta dabila. Ne tun ye bɔnɛ min latigɛ, ne tena o lase u ma tugu.

Yeremi 36:3

Ne ko n bena kojugu min kɛ Zuda mara mɔgɔw la, n'u y'o bɛɛ mɛn, n'a sɔrɔ u kelen kelen bɛɛ bena faran u ka sirajuguw la. O la, ne bena u ka juguya n'u ka hakɛ yafa u ma.»

Yeremi 42:10

‹N'aw tora jamana nin kɔnɔ, ne bena fanga don aw la, ne tena aw halaki tugu, ne bena aw sigicogo ɲa, n tena aw wili tugu. Bari, ne ye bɔnɛ min lase aw ma, ne be nimisa o la.

Yowɛli 2:13

Aw kana aw ka faniw faran dusukasi fɛ, aw k'aw sɔɔn le yɛlɛma. Aw ye kɔsegi Masaba aw ka Ala ma. A ka ɲi, makaritigi lo. A te dimi joona, a ka ɲumanya ka bon kosɔbɛ. N'a ye jama ɲaa gwan, a be tila ka nimisa o la.

Amɔsi 7:3

Masaba nana makari. A ko: «O koo nin tena kɛ.»

Amɔsi 7:6

Masaba makarila. A ko: «O koo nin fana tena kɛ.»

Yunusu 4:11

Ne fana tun man kan ka makari Ninivu la wa? Duguba nin, fɛɛn min kɔnɔ mɔgɔw ka ca ni mɔgɔ waa kɛmɛ ni mugan (120 000) ye, minw t'u kinibolo lɔn ka bɔ u numanbolo la, begɛnw fana ka ca kosɔbɛ.»

Yunusu 4:2

A ye Masaba daali ko: «Unhun! Masaba, ne tun t'o le fɔra ka n to n ka jamana na wa? O le y'a to ne tun be banbana ka boli ka taga Tarisisi. Bari ne y'a lɔn ko e Ala ye makaritigi ye, ni hinɛbaga ye. I te dimi joona, e ka ɲi kosɔbɛ, i be sɔn k'i ka ŋaniya tanin to yen.

Luka 11:32

Kiti tigɛlon na, Ninivukaw bena bii mɔgɔw jalaki, bari Zonasi ye waajuli min kɛ Ninivu dugu kɔnɔ, Ninivukaw sɔnna o ma. U nimisara ka faran u ka kojuguw la. A filɛ, mɔgɔ be yan min ka bon ni Zonasi ye.

Luka 15:20

A wilila k'a faso sira ta. «K'a to yɔrɔjan, a faa y'a ye, a hinɛ donna a la. A bolila ka taga bolo meleke a dencɛ kaan na.