Yunusu 2:7 - ALA KA KUMA

⁷ Ne jigira fɔɔ kuluw jukɔrɔ, dugukolo datugunin bena to ne la tuma bɛɛ. Nga, ka ne to dingɛba kɔnɔ, e ye ne kisi, Masaba, n ka Ala.

Jula NT of Côte d’Ivoire

⁷ Ne jigira ji jukɔrɔ, ka se fɔ kuruw daminayɔrɔ ra. Saya da tun tugura ne da ra ka ban, bɔyɔrɔ si tun tɛ ne fɛ. Nka i ka ne ɲanaman labɔ kaburu dibi ra; Matigi Ala, ne ta Ala.

Yunusu 2:7 Iomraidhean Croise

Lok 2nan 30:27

Sarakalasebagaw ni Levi kɔmɔgɔ tɔw wilila ka lɔ ka duba kɛ jama ye. Ala y'u ka duba minɛ, u ka daalili sera fɔɔ a ka sigiyɔrɔ la sankolo la.

Zaburu 11:4

Masaba b'a ka soo kɔnɔ, a ka masasigilan be sankolo la. A ɲaa be adamadenw na, a b'u ka koow sɛgɛsɛgɛra.

Zaburu 142:3

Ne be n kɔnɔnako fɔ a ye. Ne be n ka dusukasiko fɔ a ye.

Zaburu 143:5

Ne hakili be loon tɛmɛninw la. Ne be miiri e ka kɛwaliw bɛɛ la. Ne be n hakili jigi e ka kɛtaw la.

Zaburu 18:6

Kaburu dibi tun ye ne lamini ka ban. Ne tun donna saya ka jɔɔ kɔnɔ ka ban.

Zaburu 20:7

Ne y'a lɔn sisan tiɲɛ na ko Masaba b'a ka mɔgɔwolomanin kisi. Hali k'a to a sigiyɔrɔ la sankolo la, a b'a bɔsi sɔbɛ la.

Zaburu 22:14

U be i ko jara minw be sɔngɔra, minw y'u daaw yɛlɛ ne kama.

Zaburu 27:13

Ni ne tun ma la Masaba ka ɲumanya la sɔbɛ la ka ne to diɲɛ na, ne tun bena kɛ di?

Zaburu 42:11

Tuma o tuma, ni ne juguw y'a fɔ ne ye ko: ‹E ka Ala be min?›, o be ne fari faga.

Zaburu 42:5

Ne be n hakili jigi koo dɔ la, min tun ye n nii minɛ haali. Ne tun be taama na ni jama ye, ka taga Ala ka soo kɔnɔ. U tun be Ala tanura k'a waleɲuman lɔn, u tun be ɲanagwɛra kosɔbɛ.

Zaburu 43:5

Mun na ne jigi be tigɛ? Mun na ne be ŋunan n yɛrɛ kosɔn? A ka fisa n be n jigi la Ala kan k'a tanu tugu. N kisibaga ni n ka Ala lo.

Zaburu 65:4

n'u ka kojuguw ye. An ka kojugu kunko ka gwili an ma, nga, e b'u yafa.

Ezayi 38:17

Ne ka dusukasiko yɛlɛmana ka kɛ hɛrɛ ye. N koo diyara i ye fɔɔ i ye ne kisi saya ma. I ye ne ka kojuguw bɛɛ bɔ ne kan k'u fili i kɔfɛ.

Ezayi 50:10

Ni dɔ be siran Masaba ɲa aw cɛma, a ka mɛnni kɛ Masaba ka baarakɛla ka kuma na. Ni dɔ be taamana dibi la ni yeelen t'a fɛ, a k'a jigi la Masaba kan, k'a bolo la a ka Ala kan.

Yunusu 2:4

I ye ne fili dingɛba kɔnɔ kɔgɔji cɛma, ne jigira fɔɔ a jukɔrɔ. Ne tora jii kɔnɔ, i ka jii n'a ka mankanw bɛɛ be woyora ne kan.

Mise 1:2

Siya bɛɛ k'a tulo malɔ! Dugukolo ni fɛɛn o fɛɛn b'a kan, u bɛɛ ka mɛnni kɛ ka ɲa! Matigi, Masaba bena aw jalaki k'a to a ka sigiyɔrɔ la,

Habakuki 2:20

Masaba kɔni b'a batoso kɔnɔ. Dugukolo kan fɛɛn bɛɛ k'u daje a ɲakɔrɔ!»

Heburuw 12:3

O la do, ale min ye tɔɔrɔ caaman muɲu hakɛkɛlaw bolo, aw k'aw hakili to ale la janko aw kana sigɛn, aw fari be faga.

Sam fɔlɔ 30:6

Dawuda hakili ɲagamina kosɔbɛ, bari jama tun b'a fɔra k'olu b'a bon ni kabakuru ye k'a faga. U bɛɛ dusu tun cɛnna kosɔbɛ, u dencɛw n'u denmusow kosɔn. Nga Dawuda y'a yɛrɛ jaa gwɛlɛya Masaba a ka Ala barika la.