Yunusu 1:9 - ALA KA KUMA

⁹ A y'u jaabi ko: «Ne ye eburu ye, Masa Ala, Sankolotigi, min ye kɔgɔji ni dugukolo dan, ne be ale lo bato.»

Jula NT of Côte d’Ivoire

⁹ Yunusu ka o jaabi, ko: «Ne ye Heburu le ye. Ne bɛ Matigi Ala, sankolo tigi Ala le bato, min ka kɔgɔji dan, ka dugukolo dan.»

Yunusu 1:9 Iomraidhean Croise

Damina 1:10

A ye yɔrɔ janin tɔgɔ la ko dugukolo, ka jii lajɛnnin tɔgɔ la ko kɔgɔji. Ala y'a ye k'o ka ɲi.

Damina 14:13

Bolibagaw dɔ nana o fɔ eburucɛ Abramu ye. O y'a sɔrɔ Abramu tun siginin be amoricɛ Manbure ka joyiriw gɛrɛfɛ. Manbure ni Ɛsikɔli ni Anɛri tun ye balimaw ye, u bɛɛ tun ye Abramu jɛnɲɔgɔnw ye.

Damina 24:7

Masaba, Sankolotigi Ala min bɔra ni ne ye ne faa ka soo, an ka jamana na, ale kumana ne fɛ k'a daa di ne ma. A ko ale bena jamana nin di ne kɔmɔgɔw ma, ale yɛrɛ ben'a ka mɛlɛkɛ ci i ɲa janko i ka se ka muso sɔrɔ ne dencɛ ye ka bɔ yen.

Damina 39:14

a y'a ka baarakɛlaw wele k'a fɔ u ye ko: «Aw yɛrɛ ka nin filɛ sa! U nana ni eburu nin ye, waasa a ka to k'a ɲaa don an na! A nana ko fɔɔ a be la ni ne ye, ne kulera.

Mas 2nan 17:25

U nana sigi tuma min na, u tun te siran Masaba ɲa. O la, a ye jaraw bila ka na u minɛ.

Mas 2nan 17:28

O la, sarakalasebaga minw tun minɛna Samari, olu kelen kɔsegira ka na sigi Betɛli, ka to k'u kalan u ka kan ka siran Masaba ɲa cogo min na.

Ɛsidarasi 1:2

«Pɛrɛsi masacɛ Sirusi le ye kuma nin fɔ ko: ‹Masaba, Sankolotigi Ala ye ne kɛ masa ye jamana bɛɛ kunna, ale yɛrɛ fana le y'a ɲini ne fɛ ko n ka ta'a batoso lɔ Zeruzalɛmu, Zuda mara la.

Ɛsidarasi 5:11

U ye jaabili min d'an ma, o filɛ: u k'olu ye sankolo ni dugukolotigi Ala ka baarakɛlaw ye, ko Isirayɛlidenw ka masacɛba dɔ le tun ye Ala ka soo nin lɔ a be saan caaman bɔ sisan, k'olu b'o le lalagara k'a lɔ.

Nehemi 1:4

Ne y'o kuma mɛn tuma min na, ne sigira ka kasi. Ne ye tile damani kɛ o dusukasi la. Ne tun ye suun don ka Sankolotigi Ala daali ko:

Nehemi 2:4

O kɔ, masacɛ ye n ɲininga ko n be mun le fɛ. Ne ye Sankolotigi Ala daali o yɔrɔnin bɛɛ.

Nehemi 9:6

«E kelen le ye Masaba ye! E le ye sankolo dan, ani lolow bɛɛ, ni dugukolo ni fɛɛn minw bɛɛ b'a kan, ni kɔgɔji n'a kɔnɔna fɛɛnw bɛɛ. Ele le be kɛ o fɛɛn nunu bɛɛ be to nii la, sankolo kɔnɔ setigiw bɛɛ b'u kunbiri gwan e kɔrɔ.

Ayuba 1:9

Sutana y'a fɔ Ala ye ko: «I be miiri ko Zɔbu be siran i ɲa gwansan le wa?

Zaburu 136:26

Aw ka barika la Sankolotigi Ala ye, a ka ɲumanya te ban abada!

Bɔri 1:15

Muso minw tun be eburuw fɛ n'u be u ka muso kɔnɔmanw dɛmɛ ka jigi, kelen tɔgɔ ko Sifira, kelen tɔgɔ ko Puwa. Ezipiti masacɛ y'a fɔ u ye ko:

Bɔri 2:13

O dugusagwɛ, a bɔra k'a ye ko eburu fila be ɲɔgɔn bugɔra. Tiɲɛ tun te min fɛ, a y'a fɔ ale ye ko: «Mun na i b'i tɔɲɔgɔn bugɔra?»

Daniyɛli 2:44

«Ayiwa, o masa nunu ka tile la, Sankolotigi Ala ben'a kɛ masacɛ wɛrɛ be wili min ka masaya tena nagasi abada, a ka masaya tena bɔ a bolo ka di siya wɛrɛ ma. Ale bena masa tɔ nunu bɛɛ ka koo nagasi ka ban pewu. Ale bena to a ka masaya la tuma bɛɛ.

Oze ta kitabu 3:5

O kɔ, Isirayɛlidenw bena segi ka Masaba u ka Ala yɔrɔ yaala, n'u ka masacɛ Dawuda. U yɛrɛyɛrɛtɔ bena kɔsegi Masaba ma, ka hɛrɛ ɲini a fɛ labanlon na.

Kɛwalew 14:15

«Aw be mun le kɛra yan ten? Anw t'aw ɲɔgɔn mɔgɔw ye wa? Anw nana kibaru diman fɔ aw ye, janko aw ka faran kofufafu nunu na, k'aw ɲaa sin Nitigi Ala ma, min ye sankolo, ni dugukolo, ani kɔgɔji n'u kɔnɔnafɛnw bɛɛ dan.

Kɛwalew 27:23

bari ne be baara kɛ n ka Ala min ye, ale ka mɛlɛkɛ dɔ y'a yɛrɛ yira ne la kunu sufɛ

Filipikaw 3:5

Ne wolola, a tile seeginan loon, n kɛnɛkɛnɛna. Ne ye Isirayɛliden ye ka bɔ Bɛnzamɛn kɔmɔgɔw la. Ne ye eburu ye, ne wolobagaw bɛɛ ye eburuw ye. Ala ka sariya batoli faan fɛ, ne ye *Fariziɲɛ ye.

Yirari 11:13

O waati yɛrɛ la, dugukolo yɛrɛyɛrɛla kosɔbɛ. Dugu nin tilan tannan benna. Mɔgɔ waa wolonwula nii tora o kabako nin na. Minw ma sɔrɔ ka sa, olu jaa tigɛra kosɔbɛ, u tora ka Ala tanu.

Yirari 15:4

Jɔn le tena siran i ɲa, Matigi? Jɔn le tena i tɔgɔ boɲa? I kelen le ka ɲi. Siyaw bɛɛ bena na e bato, bari e y'i ka tilenninya yira kɛnɛ kan.»

Yirari 16:11

U tora ka Ala nɛni k'a tɔgɔjugu fɔ u ka tɔɔrɔ bɛɛ kosɔn. U ma nimisa ka faran u ka kɛwaliw la dɛ.