Yunusu 1:7 - ALA KA KUMA

⁷ O kɔ, kurun bolibagaw y'a fɔ ɲɔgɔn ye k'u bena kala la ka kojugu nin bɔyɔrɔ ɲini ni mɔgɔ min sababu lo. U ye kala la, a yirala ko Zonasi lo.

Jula NT of Côte d’Ivoire

⁷ Ayiwa, kurun baarakɛdenw k’a fɔ ɲɔgɔn ye ko: «Aw ye na an ye kara la*, k’a lɔn mɔgɔ min kosɔn nin kojuguba bɛ sera an ma.» O ka kara la minkɛ, Yunusu le yirara.

Yunusu 1:7 Iomraidhean Croise

Ɛsitɛri 3:7

Sɛrisɛsi ka masaya saan tan ni filanan kalo fɔlɔ la, min ye *Nisan kalo ye, u ye kalabon kɛ u be min wele ko Purimu, Aman ɲana, a ka kan ka kɛ loon min, ni kalo min na, janko o ka lɔn. U ka kalabon ye kalo tan ni filanan le yira min ye *Adari kalo ye.

Ayuba 10:2

Ne ben'a fɔ Ala ye ko a kana ne jalaki, ko a ka ne filiyɔrɔ yira n na dɔrɔn.

Zaburu 22:18

Ne be se ka n kolow jati n fasakojugu fɛ. Ne juguw ɲaa be ne le kan dɔrɔn, u be n filɛla.

Zanaw 16:33

U be kolon le fili janko ka koo nata lɔn, nga Masaba le be koo latigɛ.

Jateri 32:23

Nga n'aw m'o kɛ, o tuma na, aw be Masaba hakɛ tara. Aw ka hakɛ juru bena bɔ aw la, siga t'o la.

Matiyu 27:35

U y'a gwengwen ka ban tuma min na, u ye kala la k'a ka faniw tilan.

Kɛwalew 13:19

O kɔ, a ye siya wolonwula halaki Kanaan jamana na, ka olu ka dugukolo di an bɛmaw ma.

Kor fɔlɔ 4:5

O le kosɔn aw kana kɔn ka mɔgɔ jalaki waati latigɛnin ɲa, aw k'a to, Matigi ben'a ka koo dogonin bɛɛ bɔ kɛnɛma, ani ka mɔgɔw bɛɛ kɔnɔnakow yira. O waati la, mɔgɔ kelen kelen bɛɛ ka kan ni boɲa min ye, a bena o sɔrɔ Ala fɛ.

Yosuwe 7:10

Masaba y'a fɔ Zozuwe ye ko: «Wili! Mun na i birila duguma?