Yunusu 1:2 - ALA KA KUMA

² «Wili ka taga Ninivu, duguba nin kɔnɔ, ka sɔngɔ dugu mɔgɔw kunna k'u ka juguya nigɛ bɔra n na.»

Jula NT of Côte d’Ivoire

² «Wuri joona ka taga Ninive, Ninive duguba kɔnɔ, i ye taga kuma o fɛ k’a gbɛlɛya, k’a fɔ o ye ko o ta juguya warara ne ɲa kɔrɔ.»

Yunusu 1:2 Iomraidhean Croise

Damina 10:11

A bɔra o jamana na ka taga Asiri jamana na ka dugu dɔw sigi o yɔrɔ la: o ye Ninivu, ni Erewobɔtiri, ni Kala,

Mas 2nan 19:36

O la, Asiri masacɛ Senakeribu wilila ka bɔ yen ka kɔsegi ka taga to Ninivu.

Lok 2nan 28:9

Masaba ka kira dɔ tun be o yɔrɔ la, min tɔgɔ ko Odɛdi. Kɛlɛdenw kɔsegitɔ Samari, Odɛdi bɔra k'u kunbɛn k'a fɔ u ye ko: «Masaba aw faaw ka Ala dimina Zuda mara mɔgɔw kɔrɔ minkɛ, a y'u don aw bolo. Nga aw y'u halaki ni dimiba ye fɔɔ o mankan mɛnna sankolo kɔnɔ.

Ɛsidarasi 9:6

N y'a fɔ a ye ko: «Ne ka Ala, maloya fɛ, ne kuun surunna! Ne te se ka n ɲaa kɔrɔta k'i filɛ, ne ka Ala, bari an ka kojuguw n'an ka filiw cayara an kunna fɔɔ ka taga se sankolo la.

Ezayi 37:37

O la, Asiri masacɛ Senakeribu wilila ka bɔ yen ka kɔsegi ka taga to Ninivu.

Ezayi 58:1

Masaba ko: «Kule kosɔbɛ, kana je! Buru fiyɛkan be cogo min na, i kaan bɔ ten. Ne ka jama Isirayɛli ye kojugu ni fili minw kɛ, i k'o fɔ u ye.

Yeremi 20:9

Ni ne ko: «Ne ten'a koo fɔ tugu, ne tena kuma a tɔgɔ la tugu,» ne kɔnɔ be gwan papa i ko tasuma. A be i ko tasuma be ne kɔnɔ, n'a te se ka bɔ. Ne b'a muɲu ka dɛsɛ, ne te se.

Ezekiyɛli 2:7

I ka ne ka kuma fɔ u ye, u ye mɛnni kɛ i fɛ wo, u ma sɔn ka mɛnni kɛ wo. Mɔgɔ murutininw lo.›

Oze ta kitabu 7:2

U t'a miiri ko u ka kojuguw bɛɛ maranin be ne fɛ. Sisan, u ka kojuguw le kɛnin be k'u siri, ne ɲaa b'o la.

Yunusu 3:2

«Wili ka taga Ninivu, duguba nin, ne bena kuma min fɔ i ye, i k'o lase u ma.»

Yunusu 3:3

O tuma na, Zonasi wilila ka taga Ninivu ka kɛɲɛ ni Masaba ka kuma fɔcogo ye. Ninivu tun ye duguba ye kosɔbɛ. Mɔgɔ tun be tile saba taama le kɛ ka se k'a cɛɛ tigɛ.

Yunusu 4:11

Ne fana tun man kan ka makari Ninivu la wa? Duguba nin, fɛɛn min kɔnɔ mɔgɔw ka ca ni mɔgɔ waa kɛmɛ ni mugan (120 000) ye, minw t'u kinibolo lɔn ka bɔ u numanbolo la, begɛnw fana ka ca kosɔbɛ.»

Mise 3:8

Aa! Masaba ka Nii barika la, ne kɔni ye barika sɔrɔ, n tilennin lo, ne jaa ka gwɛlɛ ka Yakuba kɔmɔgɔw ka murutikow fɔ u ye, ka Isirayɛlidenw ka hakɛ fɔ u ye.

Nahɔmu 1:1

Kirayakuma min fɔra Ninivu kosɔn, o filɛ nin ye. Ala ye koo minw yira Ɛlikɔsika Nawumu la, o kitabu filɛ:

Nahɔmu 3:19

Fura te sɔrɔ min be kɛ k'i ka yɔrɔ mandiminin furakɛ, joli banta tɛ! Ni mɔgɔ o mɔgɔ y'i ka koo kibaru mɛn, u bɛɛ bena tɛgɛrɛ fɔ i ka bɔnɛ kosɔn. Tiɲa! Jɔn le be yen n'i ka juguya ma se a ma?

Matiyu 10:18

U bena aw minɛ ka taga n'aw ye faamaw ni masaw fɛ bari aw ye ne ka kalandenw ye. O bena kɛ sababu ye aw bena ne koo fɔ u ye, ani siya wɛrɛw ye.

Matiyu 12:41

Ala bena mɔgɔw kiti loon min na, Ninivukaw ni bii mɔgɔw bena kunun ɲɔgɔn fɛ. Ninivukaw ka kɛwali bena kɛ sababu ye Ala be bii mɔgɔw jalaki, bari Zonasi tagara Ninivukaw waaju tuma min na, u nimisara ka faran u ka kojuguw la. Mɔgɔ be yan min lɔyɔrɔ ka bon ni Zonasi ta ye.

Yakuba 5:4

Baaraden minw ye baara kɛ aw ka foro kɔnɔ, aw ma olu ka saraw di u ma. Matigi, Setigi y'o baaraden nunu kasikan mɛn.

Yirari 18:5

Bari a ka hakɛ kɛnin farafarala ɲɔgɔn kan fɔɔ ka se sankolo la. Ala ma ɲinan a ka kɛwalijuguw kɔ.