Yowɛli 2:2 - ALA KA KUMA

² Dibi bena don, dibiba lo. Saan be fin kirikiri, bugun bena kɛ o loon na. Suu be ko ka dibi kɛ kuluw kan cogo min na, cɛnnikɛfɛn barikamanw bena yɔrɔ datugu ten. O ɲɔgɔn ma deli ka ye, a ɲɔgɔn tena ye fana.

Jula NT of Côte d’Ivoire

² O lon na, dibi bɛna don, ka yɔrɔ bɛɛ fin; o lon na sankabaw bɛna caya, ka yɔrɔ bɛɛ kɛ dibikuruba ye! Kɛrɛkɛden barakaman caman bɛ nana yi! O natɔ bɛ i ko dibi le donna ka kuruw datugu. A ɲɔgɔn ma deri ka ye ban, a ɲɔgɔn fana tɛna ye tuun duruja nataw si ra!

Yowɛli 2:2 Iomraidhean Croise

Zaburu 10:6

A b'a fɔ ko: «Foyi tena kɛ ne la, bɔnɛ foyi tena se ne ma.»

Zaburu 97:2

Sankaba ni dibi le b'a laminina. Tilenninya ni tiɲɛ le y'a ka masasigilan lili ye.

Bɔri 10:14

Tɔɔnw sera Ezipiti jamana bɛɛ la ka jigi faan bɛɛ la. U caayara cogo min na, o ɲɔgɔn tun ma kɛ ka ye, a ɲɔgɔn tena kɛ tugu fana.

Bɔri 10:6

I ka soow n'i ka mɔgɔbabaw bɛɛ ka soow, ani Ezipitikaw bɛɛ ka soow bena fa tɔɔn na. K'a ta i bɛmaw ka waati la fɔɔ ka na se bii ma, u ma deli k'o ɲɔgɔn ye fewu.» O fɔnin kɔ, Musa kɔsegira ka bɔ masacɛ fɛ.

Bɔri 20:21

Ayiwa, jama tora yɔrɔjan. Ala tun be sankaba finman min kɔnɔ, Musa gwɛrɛla o la.

Ezayi 5:30

Nga loon dɔ la, mankan bena ci u kunna, kɔgɔji ka mankan ɲɔgɔn. I mana filɛli kɛ jamana kɔnɔ, dibi ni dusukasi le be yen. Yɔrɔ bɛɛ bena dibi.

Ezayi 8:22

ka tila ka filɛli kɛ duguma. U tena foyi sɔrɔ yen ni dusukasi tɛ, ani dibi, ni hakiliɲagamiko. U bena fili ka to dibi la pewu.

Yeremi 13:16

Aw ka Masaba aw ka Ala boɲa, sanni a ka dibi don, sanni aw seen ka talon kuluw la, dibi kosɔn. Aw be kɛnɛ kɔnɔna, nga a bena o dibi, k'a yɛlɛma dibiba ye.

Yeremi 13:6

Waatijan tɛmɛnin kɔ, Masaba y'a fɔ ne ye ko: «Wili ka taga Efarati baji faan fɛ, e tun ye cɛsirilan min dogo yen, i k'a ta.»

Kasikan 1:12

«Aw minw bɛɛ be tɛmɛna sira kan, aw ka filɛli kɛ, k'a ye ko tɔɔrɔ min be an kan, ko a ɲɔgɔn be sɔrɔ wa? Masaba ye min la an kan a dusu gwanlon na.

Ezekiyɛli 32:7

Ni ne y'i ka ɲanamaya ban tuma min na, ne bena sankolo datugu k'a kɛ lolow te manamana tugu. Ne bena tile datugu ni sankaba ye, kalo tena yeelen bɔ.

Ezekiyɛli 34:12

Ka sagadɛndɛbaga to a ka sagakulu cɛma, n'u dɔw jɛnsɛnna, a be taga u yaala cogo min na, ne bena n ka sagaw yaala ten. U jɛnsɛnna ka taga yɔrɔ minw bɛɛ la lonjugu la, ne bena u kisi ka bɔ o yɔrɔw la.

Ezekiyɛli 38:9

E n'i ka kɛlɛdenw bɛɛ ani siya caaman minw b'i fɛ, aw bena girin u kan i n'a fɔ fɔɲɔba, ka jamana bɛɛ datugu i n'a fɔ sankaba.› »

Daniyɛli 12:1

Mɛlɛkɛ y'a fɔ ne ye tugu ko: «O waati la, mɛlɛkɛw kuntigiba Misɛli bena bɔ. Ale min ye i ka siya marabaga ye. O bena kɛ waatigwɛlɛn ye dɛ! Kabini siyako daminɛ, fɔɔ ka n'a bila a bɔwaati la, o bɔɲɔgɔnko ma ke ka ye. Nga o waati la sa, i ka siya fɛɛn o fɛɛn tɔgɔ mana ye Ala ka sɛbɛ kɔnɔ, olu bɛɛ bena kisi.

Daniyɛli 9:12

I ye min fɔ anw kosɔn, n'an ka ɲamɔgɔw kosɔn, minw b'an kunna, i y'o kɛ. I ye bɔnɛba la an kan Zeruzalɛmu kɔnɔ, min ɲɔgɔn ma ye yɔrɔ si diɲɛ kɔnɔ.

Yowɛli 1:6

Siya dɔ nana don ne ka jamana kɔnɔ. U ka ca, barika b'u la! U ɲiiw be i ko jaraw ta, u yewagaw ni jaramusow ta bɛɛ ye kelen ye.

Yowɛli 2:25

«Ne tun ye n ka cɛnnikɛfɛn minw ci aw kama, olu ye cɛnni min kɛ aw fɛ saan damani kɔnɔ, ne bena o ɲɔgɔn segi aw ma. Tumuw ni burunburun, ani tɔnmisɛnw ni tɔnwulenw ye fɛɛn minw cɛn.

Yowɛli 2:5

N'i y'u vantɔ mankan mɛn kuluw kan, a be i ko wotorow bolikan. A be i ko tasumaba mankan, biin kɔnɔ. U be i ko kɛlɛden farimanw, minw labɛnnin lo kɛlɛ kama.

Yowɛli 3:4

Tile bena dibi, kalo bena wulen i ko joli, sanni Masaba ka loon ka se, siranyalon, lonba lo.»

Amɔsi 4:13

Min ye kuluw ni fɔɲɔ dan, ale min b'a ka kolatigɛninw yira adamaden na, ale min be tilefɛ yɛlɛma ka kɛ suu ye, ale min be taama tintinw kan, a tɔgɔ ko Masaba, Setigi Ala.

Sofoni 1:7

I daa tugu Matigi, Masaba ɲakɔrɔ, bari Masaba ka loon surunyana. Masaba ye saraka labɛn, a ye mɔgɔ minw wele, a y'u saniya.

Jakariya 14:6

O loon na, yeelen tena kɛ, ani nɛnɛ, yɔrɔ tena suma tɔntɔntɔn.

Matiyu 24:21

O bena kɛ tɔɔrɔba ye, min ɲɔgɔn ma kɛ ka ye kabini diɲɛ dantuma, fɔɔ ka na se bii ma, ani o tɔɔrɔ ɲɔgɔn fana tena kɛ tugu abada.

Marika 13:19

bari o loon tɔɔrɔ bena boɲa kojugu. O tɔɔrɔ ɲɔgɔn ma sɔrɔ fɔlɔ kabini Ala ye diɲɛ dan fɔɔ ka na se bii ma. O tɔɔrɔ ɲɔgɔn fana tena kɛ tugu abada.

Sariya 32:7

Aw ye miiri loon tɛmɛninw na, aw ye miiri fɔlɔfɔlɔ mɔgɔw ka koo la. Aw k'aw faaw ɲininga, u bena dɔ fɔ aw ye. Aw ka cɛkɔrɔbaw ɲininga, u ben'a ɲafɔ aw ye.

Heburuw 12:18

Fɔlɔfɔlɔ mɔgɔw gwɛrɛla Ala ka kulu la cogo min na, mɔgɔ be se ka maga min na, aw ma gwɛrɛ a la ten. Olu ye tasuma ye, ni kabafin, ni dibiba, ni sanfɔɲɔjugu,

Zude 1:13

U kɛra i n'a fɔ jikuruw kɔgɔji kan, u ka kɛta be i n'a fɔ jii kanga min b'u maloya. U be i n'a fɔ lolo minw be bɔ sankolo la ka ben. Ala y'u mara dibiba kama min te tɛmɛ.

Yirari 9:2

A y'a dayɛlɛ, sisiba dɔ bɔra i n'a fɔ waga jɛnitɔ sisi. O sisi nin ye tile ɲaa bɛɛ dibi, ka yɔrɔ bɛɛ fin.