Yeremi 9:9 - ALA KA KUMA

⁹ Ne bena kasi ka kule kuluw kosɔn, ne bena dusukasidɔnkili la kongo kosɔn. Bari u jɛnina, mɔgɔ si te tɛmɛ yen tugu. Begɛn kasikan te mɛnna yen tugu, kɔnɔw, ni kongosogow bolila, u bɛɛ tununa.

Jula NT of Côte d’Ivoire

⁹ «Ne bɛna kasi ka ŋuna kuruw kosɔn; ne bɛna maɲumanko dɔnkiriw la bɛganmarayɔrɔw kosɔn kongokolon kɔnɔ, sabu yɔrɔ bɛɛ jɛnina, mɔgɔ si tɛ tɛmɛ yi tuun. Bɛganw kasikan tɛ mɛnna tuun; k’a ta kɔnɔw ra ka taga a bla kongosogow ra, o bɛɛ tagara.

Yeremi 9:9 Iomraidhean Croise

Ezayi 1:24

O le y'a to, Matigi, Masaba, Setigi ko, Isirayɛli ka Barikatigi ko: «Jaati! Ne bena see n kɛlɛɲɔgɔnw kɔrɔ, ne bena n mɔnɛ bɔ n juguw la.

Ezayi 10:3

N'aw ka kojuguw saralon sera, ni bɔnɛ bɔra yɔrɔjan ka na, aw bena mun kɛ o loon na sa? Aw bena boli ka taga jɔn fɛ ka dɛmɛ ɲini sa? Aw bena aw ka nafolow bila min do?

Ezayi 57:6

Kabakuru nugunin minw be kɔdingɛw kɔnɔ, olu le y'aw niyɔrɔ ye. Aw y'o le sɔrɔ. Aw be jii bɔn olu le kan, aw be olu le sɔn. Ne dusu be se ka suma cogo di?

Yeremi 12:11

U ben'a kɛ dusukasiyɔrɔ ye. Jamana bena to dusukasi la ne ɲafɛ ten. Yɔrɔ bɛɛ bena cɛn, mɔgɔ si te hami o la!

Yeremi 12:4

Jamana bena to dusukasi la fɔɔ tuma jumɛn? Kongo kɔnɔ biin janin bena to fɔɔ tuma jumɛn? Jamanadenw ka juguya kama lo kongosogow ni kɔnɔw sara. U ko: «Ala t'an ka kɛtaw lɔn.»

Yeremi 4:25

Ne ye filɛli kɛ, mɔgɔ tun te yen tugu. Hali kɔnɔw, u bɛɛ tununa.

Yeremi 5:29

Ne man kan k'u kɛlɛ o kosɔn wa? Ne Masaba le ko ten. Ne man kan ka n mɔnɛ bɔ o siya nin ɲɔgɔn na wa?

Yeremi 5:9

Ne man kan ka wili u kama o kosɔn wa? Ne Masaba le ko ten. Ne man kan ka n mɔnɛ bɔ o siya nin ɲɔgɔn na wa?

Oze ta kitabu 4:3

O le kama, jamana be dusukasi la, a kɔnɔ mɔgɔw bɛɛ be fasafasara, fɔɔ ka taga se kongosogow ni kɔnɔw ma, hali jigɛw yɛrɛ bena tunu.

Yowɛli 1:19

Masaba, ne be kulera ele le nɔɔ fɛ, bari, tasuma ye lɛɛw jɛni, tasuma ye foro kɔnɔ yiriw bɛɛ jɛni.

Amɔsi 5:1

Isirayɛli ka somɔgɔw, aw y'aw tulo malɔ kuma nin na. Sanga dɔnkili lo, ne be min lara aw kama:

Amɔsi 5:2

«Isirayɛli be i ko sunguru. A n'a ka sunguruya bɛɛ, a benna, a tena wili tugu. A lanin be duguma a faso la, mɔgɔ te yen k'a dɛmɛ ka wili.»