Yeremi 9:2 - ALA KA KUMA

² «U nɛnden kɛra i ko kala, a tigi bolo. U ka setigiya nin jamana kɔnɔ ma sɔrɔ tilenniya la, bari u be kojuguw kɛ ka la kojugu kan, u ma ne lɔn. Ne Masaba le ko ten.

Jula NT of Côte d’Ivoire

² «Kalan juru bɛ sama ka biɲɛ bon cogo min na, o bɛ o nɛnkun sama ka faninya fɔ o cogo le ra. O ma o ta fanga sɔrɔ jamana kɔnɔ can sababu ra dɛ! O bɛ kojugu dɔ le fara kojugu dɔ kan lon o lon, o fana t’a lɔn ko ne ye Ala ye; Matigi Ala ko ten.

Yeremi 9:2 Iomraidhean Croise

Ezayi 59:3

Aw ye mɔgɔfagalaw ye, aw bolo fanin be joli la. Aw daa be galon le fɔ, aw nɛɛn be kumajugu le fɔ.

Yeremi 12:1

Masaba, hali ni ne be sɔsɔli kɛ n'i ye, tiɲɛ be sɔrɔ ele fɛ. O bɛɛ n'a ta, ne bena kuma n'i ye i ka kiti dɔw koo la. Mun na mɔgɔjuguw ka koow be sabati? Mun na tilenbaliw bɛɛ be hɛrɛ la?

Yeremi 12:6

Hali e badenw, e yɛrɛ ka somɔgɔw b'i janfara, u be woo ci e la. Kana la u la hali n'u be kumaɲuman fɔra i ye.

Yeremi 13:22

I bena i yɛrɛ ɲininga ko: «Mun na nin be kɛra ne la?» I ka kojugu caaman kosɔn lo, o b'i ka tafe sama ka yɛlɛ sanfɛ ka fanga la i kan.

Yeremi 23:10

Bari jamana fanin be kakalaw la. Jamana be dusukasi la danga kosɔn, kongokolon kɔnɔ biinw jara. Mɔgɔw be boli kojugu le nɔɔ fɛ, u b'u jija tilenbaliyakow la.

Yeremi 4:22

«Ne ka mɔgɔw ye nalomanw ye, u te ne lɔn. Hakilitanw lo, u te foyi faamu. U be se kojugukɛ dama le la, u te koɲumankɛ lɔn.»

Yeremi 5:1

«Aw ka Zeruzalɛmu dugu yaala, k'a filɛ, ka kɔlɔsili kɛ. Aw ka filɛli kɛ a forobayɔrɔw bɛɛ la. Ni aw ye mɔgɔ kelen sɔrɔ yen min tilennin lo, min b'a fɛ a ka koo ka tilen, ne be yafa Zeruzalɛmu ma. Ne Masaba le ko ten.

Yeremi 5:11

Tiɲɛ na, u ye ne janfa yɛrɛ le, Isirayɛli ni Zuda mara mɔgɔw.» Masaba le ko ten.

Yeremi 5:2

Hali n'u be to k'a fɔ u ka kalili la ko: ‹Masaba kosɔn›, u be kali k'a la galon le kan.»

Oze ta kitabu 4:2

U be ɲɔgɔn danga, u be galonw tigɛ, ka ɲɔgɔn faga, soɲali ni ɲamɔgɔya be kɛ. O be caya, mɔgɔw be faga ka tugu ɲɔgɔn na.

Oze ta kitabu 5:7

U ye ne Masaba janfa, bari u ye ɲamɔgɔdenw wolo. Sisan olu, n'u ka forow bena halaki kalo kelen kɔnɔ.

Oze ta kitabu 6:7

«Bɛɛn min tun be yen, aw y'o cɛn adamadenya la. Aw ye ne janfa le.

Oze ta kitabu 7:4

U bɛɛ ye kakalaw ye. U be i ko dibi gwannin. Kabini a tigi y'a ka mugu nɔɔni k'a bila, a ma tasuma lalaga tugu fɔɔ a fununa.

Mise 6:12

Dugu nin nafolotigiw ye mɔgɔ farimanw le ye. Dugu mɔgɔw te foyi fɔ ni galon tɛ. Nanbarako dama le b'u daa la.

Sofoni 3:4

U ka kiraw ye tɔgɔɲinilaw ni namaramɔgɔw ye. U ka sarakalasebagaw ye Ala ka fɛɛn saniyaninw nɔgɔ, u be Ala ka sariyaw cɛn.

Malaki 2:11

Zuda mara mɔgɔw ye janfa kɛ, kojuguba kɛra Isirayɛli mara la ani Zeruzalɛmu. Tiɲa na! Zuda mara mɔgɔw ye yɔrɔ senuman tana cɛn. Min koo ka gwɛlɛ Masaba ma. Ka taga siya wɛrɛ musow furu, minw ye josɔnlaw ye!

Malaki 2:14

Aw ko: «Mun na o kɛra?» Bari, i ye muso min furu i kanbelentuma, Masaba y'o seere ye. I ka muso tun lo, e le tun bɛnna n'a ye. I y'a janfa.

Yakuba 4:4

Aw tilenbali nunu! Aw m'a lɔn ko ni mɔgɔ min ye diɲɛ koo diya a yɛrɛ ye, k'o tigi ni Ala te bɛn wa? Ayiwa, ni mɔgɔ min be diɲɛ koo diya a yɛrɛ ye, o tigi b'a yɛrɛ kɛ Ala jugu ye.

Kititigɛbagaw 2:10

O waati mɔgɔw bɛɛ sara. Mɔgɔ minw wilila olu kɔfɛ, olu tun te Masaba lɔn, a tun ye kabako minw kɛ Isirayɛlidenw ye, u tun ma o fana ye.