Yeremi 8:9 - ALA KA KUMA

⁹ Lɔnnikɛlaw maloyara, u sirannin lo, u minɛna. U te Masaba ka kuma jati. U ka lɔnniya be min sa?

Jula NT of Côte d’Ivoire

⁹ Hakiritigiw maroyara, o jigi tigɛra, o minana, sabu o ka Matigi Ala ta kuma mafiyɛnya; hakiritigiya juman le bɛ o fɛ tuun?»

Yeremi 8:9 Iomraidhean Croise

Mas 2nan 17:15

U bann'a ka fɔtaw la, a tun bɛnna n'u faaw ye cogo min na, u banna o la, ani a tun y'u lasɔmi koo minw na. U tugura fɛɛn fufafuw kɔ k'u yɛrɛ kɛ mɔgɔkolonw ye. U tun be to k'u laminisiyaw ka kɛwaliw ɲɔgɔn kɛ, k'a sɔrɔ Masaba tun ko u kana o kɛ.

Ayuba 5:12

A be namaramɔgɔw ka kolatigɛnin cɛn, baara te ɲa u bolo.

Ayuba 5:13

A be hakilitigiw minɛ u ka cekuya la, u ka ladili hakilimanw te foyi ɲa tugu.

Zaburu 19:7

A be bɔ diɲɛ daan kelen na, ka taga a faan dɔ la, fɛɛn si te yen min be kisi a ka funteni ma.

Ezayi 19:11

*Tanisi dugu ɲamɔgɔw ye nalomanw dama le ye, Ezipiti masacɛ ladibagaŋanaw be ladilikolon di. Aw be se k'a fɔ masacɛ ye cogo di ko: «Ne ye lɔnnikɛla deen ye,» ko: «Ne ye fɔlɔfɔlɔ masacɛw dɔ deen ye»?

Ezayi 29:14

O kama, ne bena taga ɲa ka kabakokow kɛ ka yira u la. Lɔnnikɛlaw ka lɔnni bena dɛsɛ, hakilitigiw ka hakilitigiya bena cɛn.»

Ezayi 43:27

Aw bɛma fɔlɔ ye kojugu kɛ, aw ɲamɔgɔw murutira ne ma.

Ezayi 8:20

aw k'u jaabi ko u ka mɛnni kɛ Masaba ka kuma la. Ni mɔgɔ minw ka fɔta ma bɛn o ma, olu yɔrɔ ka jan kɛnɛ la.

Yeremi 15:6

Ele lo banna ne la. E y'i kɔɔ sin ne ma. O la, ne wilila janko k'i halaki, n sigɛnna i fɛ, n te makari tugu. Ne Masaba le ko ten.

Yeremi 19:7

«O yɔrɔ la, n bena Zeruzalɛmukaw ni Zuda mara mɔgɔw ka kolatigɛninw cɛn. U jugu minw b'u fagayɔrɔ ɲinina, ne ben'a to olu b'u faga ni murujanjanw ye. Ne bena o suuw kɛ kɔnɔw ni kongosogow ka dumuni ye.

Yeremi 2:8

Sarakalasebagaw ma u yɛrɛ ɲininga ko: ‹Masaba be min?› Sariya lɔnbagaw ma ne lɔn. Ɲamɔgɔw murutira ne ma. Kiraw kumana *Baali tɔgɔ la, u tugura fɛɛn fufafuw kɔ.

Yeremi 49:7

Masaba, Setigi y'a fɔ Edɔmu kosɔn ko: «Lɔnnikɛla te sɔrɔ Teman tugu wa? Hakilitigiw ka hakilitigiya banna wa? U ka lɔnniya nagasira wa?

Yeremi 6:15

O tun ka ɲi ka maloya u ka kɛwalijuguw kosɔn, nga u ma maloya haali dɔɔni, u te maloya lɔn tugu. O kama, u bena kɛ halakininw cɛma, u bena u yɛrɛ sɔrɔ duguma, tuma min na ne bena u ɲaa gwan.» Masaba le ko ten.

Yeremi 6:19

Diɲɛ mɔgɔw bɛɛ k'a mɛn: Ne bena bɔnɛ lase siya nin ma u ka miirijuguw kosɔn. Bari u ma sɔn ka mɛnni kɛ ne ka kuma la, u banna ne ka sariya la.

Ezekiyɛli 7:26

Bɔnɛ bena fara bɔnɛ kan, kibarujugu bena fara kibarujugu kan. U bena kira ɲininga yiralikow la. Sarakalasebagaw tena foyi sɔrɔ ka mɔgɔ kalan, cɛkɔrɔbaw tena ladili kɛ tugu.

Amɔsi 2:4

Masaba ko: «Zuda mara ye kojugu minw kɛ, u ye kojugu caaman minw kɛ, ne tena o yafa. Bari, u ye ne Masaba ka sariya bila gɛrɛfɛ, u ma n ka kuma bato, bari, u faaw tun be joo minw sɔn, olu fana tugura o le kɔ.

Jakariya 13:4

O waati la, kira kelen kelen bɛɛ bena maloya a ka kirayako la, u tena kiraya fani don tugu ka mɔgɔw namaran.

Sariya 4:6

Aw k'a bato ka ɲa, bari siya wɛrɛ minw bena sariya nunu koo mɛn, olu ben'a lɔn o la ko aw ye lɔnnikɛlaw ni hakilitigiw ye. U ben'a fɔ ko: ‹Lɔnniya be siya barikaman nin fɛ, hakilitigiw lo.›

Tim 2nan 3:15

Kabini i denmisɛn tuma, i ye Ala ka kuma lɔn, min be se ka hakilitigiya d'i ma, min barika la mɔgɔ b'a jigi la Yezu Krista kan ka kisi.