Yeremi 8:8 - ALA KA KUMA

⁸ «Aw be se k'a fɔ cogo di ko: ‹An ye lɔnnikɛlaw ye, Masaba ka sariya b'an fɛ.› K'a sɔrɔ sariya karamɔgɔw y'a yɛlɛma ka galon le sɛbɛn.

Jula NT of Côte d’Ivoire

⁸ «E, aw bɛ sɔn k’a fɔ ko aw ye hakiritigiw ye, ko Matigi Ala ta sariya bɛ aw boro wa? K’a sɔrɔ can yɛrɛ ra, sariya karamɔgɔw ta sɛbɛrikɛnan bɛ faninya le sɛbɛ; o ka sariya ta kumaw yɛlɛma k’a kɛ faninya ye.

Yeremi 8:8 Iomraidhean Croise

Ayuba 11:12

Nga naloman tena kɛ hakilitigi ye fɔɔ loon min na kongofali ye soo kɔnɔ fali wolo.

Ayuba 12:20

A be kuma cɛn kumalɔnbaga daa la, a be mɔgɔkɔrɔbaw kɛ u be dɛsɛ faamuli la.

Zaburu 147:19

A b'a ka kuma fɔ Yakuba kɔmɔgɔw ye. A b'a ka kolatigɛninw n'a ka fɔtaw yira Isirayɛlidenw na.

Zanaw 17:6

Mamadenw le ye mɔgɔkɔrɔbaw ka kunkɔrɔtafɛn ye. Wolobagaw le ye deenw ka boɲasɔrɔfɛn ye.

Ezayi 43:27

Aw bɛma fɔlɔ ye kojugu kɛ, aw ɲamɔgɔw murutira ne ma.

Yeremi 18:18

U ko: «Aw ye na, an ka koo dɔ labɛn Zeremi kama. An tena fɔn Ala ka sariya kalan na sarakalasebagaw fɛ, an tena fɔn lɔnnikɛlaw ka ladiliw la, walima kiraw ka kumaw. An k'a tɔgɔ cɛn, an kan'a ka kuma si jati.»

Yeremi 19:7

«O yɔrɔ la, n bena Zeruzalɛmukaw ni Zuda mara mɔgɔw ka kolatigɛninw cɛn. U jugu minw b'u fagayɔrɔ ɲinina, ne ben'a to olu b'u faga ni murujanjanw ye. Ne bena o suuw kɛ kɔnɔw ni kongosogow ka dumuni ye.

Yeremi 2:8

Sarakalasebagaw ma u yɛrɛ ɲininga ko: ‹Masaba be min?› Sariya lɔnbagaw ma ne lɔn. Ɲamɔgɔw murutira ne ma. Kiraw kumana *Baali tɔgɔ la, u tugura fɛɛn fufafuw kɔ.

Yeremi 4:22

«Ne ka mɔgɔw ye nalomanw ye, u te ne lɔn. Hakilitanw lo, u te foyi faamu. U be se kojugukɛ dama le la, u te koɲumankɛ lɔn.»

Yeremi 48:14

Aw be se k'a fɔ cogo di ko aw ye cɛfariw ye, ko aw be se kɛlɛ la?

Oze ta kitabu 8:12

Hali ne mana n ka sariyaw sɛbɛn k'o caya k'a di u ma, u b'o filɛ i ko lonan dɔ ka koo lo.

Matiyu 15:6

a kɛra ten wajibi tɛ o tigi ma k'a faa n'a baa dɛmɛ tugu. Aw be Ala ka kuma kɛ kumafu ye aw ka landaw kosɔn.

Yuhana 9:41

Yezu y'u jaabi ko: «N'aw tun fiɲɛnnin lo, hakɛ tun tena sɔrɔ aw kan. Nga aw b'a fɔ minkɛ ko aw be yeli kɛ, o kama, aw ka hakɛ b'aw kan.»

Rɔmukaw 1:22

U b'u yɛrɛ jati kolɔnbagaw ye nga u ye nalomanw ye.