Yeremi 8:7 - ALA KA KUMA

⁷ Cankoli ka kan ka tɛmɛ waati min na, a yɛrɛ b'o lɔn. Tubanin ani naganagani, ani kunangwɛ b'u segiwaati lɔn u layɔrɔw la. Nga ne ka mɔgɔw te ne Masaba ka sariya lɔn.›

Jula NT of Côte d’Ivoire

⁷ Hali baninkɔnɔ min bɛ yaala san fɛ, ale k’a ta wagatiw lɔn; kongotugani, ani naganaganin, ani kunangbɛ, olugu bɛɛ ka o sekɔwagati lɔn. Nka ne ta mɔgɔw kɔni, olugu ma Matigi Ala ta kolatigɛninw lɔn.»

Yeremi 8:7 Iomraidhean Croise

Dɔnkiriw 2:12

Feerenw be bɔra kongo, dɔnkili lawaati sera, tubaninw kasikan be mɛnna an ka mara la.

Ezayi 1:3

Misi b'a tigi lɔn, fali b'a ka kolokolo bilayɔrɔ lɔn. Nga Isirayɛlidenw te ne lɔn, ne ka jama te foyi faamu.»

Ezayi 27:11

Ni yiribolo jara, u b'o kari, musow be na tasuma don u la. Tiɲɛ na, siya nin te foyi lɔn. O kama, u Danbaga te makarila u la, u Danbaga t'u dɛmɛna tugu.

Ezayi 5:12

U b'u ka dɔrɔtɔya kɛ ni gɔniw, ani kolonjow ni dundunw ani filew le ye. Masaba be min kɛ, u t'o filɛ yɛrɛ. Masaba bolo ye koo minw kɛ, u t'o yera.

Yeremi 4:22

«Ne ka mɔgɔw ye nalomanw ye, u te ne lɔn. Hakilitanw lo, u te foyi faamu. U be se kojugukɛ dama le la, u te koɲumankɛ lɔn.»

Yeremi 5:6

O kama, jara be bɔ tuba kɔnɔ k'u faga, kongowulu be bɔ kongo la k'u halaki, waraninkala dogora u ka dugu kɔrɔ, ni mɔgɔ o mɔgɔ bɔra, a b'o tigi faranfaran. Bari u ka murutiko cayara, u ka tilenbaliya ye barika sɔrɔ.

Habakuki 1:4

O la, sariya te batora tugu, tilenninya nagasira. Mɔgɔjugu be see sɔrɔla mɔgɔtilennin kan. O tuma na, tiɲɛ te fɔ tugu kiti la.

Jakariya 5:9

O kɔ, ne ye n ɲaa kɔrɔta, ne ye koo dɔ ye. Muso fila lo minw be nana i n'a fɔ kɔnɔw, fɔɲɔ tun be fiyɛra u gamanw na! U gamanw tun be i n'a fɔ badalakɔnɔ sifa dɔ gamanw. U nana sinsin nin ta ka yɛlɛ n'a ye sanfɛ.