Yeremi 8:10 - ALA KA KUMA

¹⁰ «O kama, ne bena u ka musow di mɔgɔ wɛrɛw ma, k'u ka forow di tigi wɛrɛw ma. Bari, denmisɛn fara mɔgɔkɔrɔba kan, u bɛɛ b'u ka tɔnɔ dɔrɔn le ɲinina. Kiraw ni sarakalasebagaw bɛɛ be namara le kɛ.

Jula NT of Côte d’Ivoire

¹⁰ «O kosɔn ne bɛna o ta musow di cɛ wɛrɛw ma, ka o ta forow di o minabagaw ma; sabu k’a ta o bɛɛ ra fitini na ka taga a bla o bɛɛ ra kɔrɔba ra, o bɛɛ ye natabaw le ye; k’a damina ciraw ra, ka taga a bla sarakalasebagaw ra, o bɛɛ ye faninyafɔbagaw le ye.

Yeremi 8:10 Iomraidhean Croise

Ayuba 31:10

ne ka muso ka taga sinni kɛ mɔgɔ wɛrɛ ye, mɔgɔ wɛrɛ ka la n'a ye fana.

Ezayi 28:7

Sarakalasebagaw, ni kiraw fara duvɛn la! U be talontalonna dɔrɔ farimanw bolo, dɔrɔ farimanw y'u ɲanamini. U te yelifɛnw kɔrɔ faamu tugu. Tiɲɛ fɔwaati kitituma na, u hakili be ɲagami.

Ezayi 57:17

U ka wasabaliya kama lo, ne tun dimina. Ne y'u bugɔ, ka n yɛrɛ dogo u la dimi bolo. Nga, u murutinin tora k'u yɛrɛ sagolakow kɛ.

Yeremi 14:14

O tuma na, Masaba y'a fɔ ne ye ko: «Kira nunu be min fɔra ne tɔgɔ la, o ye galon le ye. Ne m'u ci. Ne ma cii foyi di u ma. Ne ma foyi fɔ u ye. Olu yɛrɛ ka siko galonlamanw, ni lagwɛlikɛkumafu nunu, ani u ka miiriyakolonw, u b'o le kiraya kɛra aw ye.

Yeremi 14:18

Ni n tagara kongo kɔnɔ, minw fagara ni murujan ye, olu b'o yɔrɔ la. Ni n nana dugu kɔnɔ, minw be tɔɔrɔla kɔngɔ bolo, olu le be yen. Kiraw ni sarakalasebagaw be munumununa jamana kɔnɔ, u te foyi faamuna.› »

Yeremi 17:11

Mɔgɔ min be nafolo sɔrɔ tilenbaliya la, o tigi be i ko wɔlɔn min be faanw tɔtɔ a ma minw la. O tigi ka diyanawaati la, nafolo nin be ban, a sii laban waati la, a be kɛ naloman ye.

Yeremi 22:17

Nga ele, yan i dusu sinnin te foyi ma fɔɔ i yɛrɛ nafa ɲiniko dama, ka jalakibaliw faga, ani ka tɔɲɔli ni benkannikow kɛ.»

Yeremi 32:32

kojugu kama, Isirayɛli ni Zuda mara mɔgɔw ye min bɛɛ kɛ ka ne dimi, olu, n'u ka masaw, n'u ka ɲamɔgɔw, u ka sarakalasebagaw, u ka kiraw, ni Zuda mara mɔgɔw ani Zeruzalɛmukaw.

Yeremi 38:22

Muso minw tora Zuda mara masacɛ ka soo kɔnɔ, u bena olu bɛɛ minɛ ka taga n'u ye Babilɔni masacɛ ka kɛlɛkuntigiw fɛ. Muso nunu bena to k'a fɔ ko: ‹I terisɔbɛw y'i nigɛ ka se i kɔrɔ. Gwɛlɛya sera i ma, i teriw y'i bila.›

Yeremi 42:1

Kɛlɛkuntigiw bɛɛ, Kareya deen Yowanan ni Osaya deen Azariya, ani jama bɛɛ, denmisɛn fara mɔgɔkɔrɔba kan, u bɛɛ tagara

Yeremi 5:31

Kiraw be galonkiraya kɛ, sarakalasebagaw b'o ka nafa dɔrɔn le ɲinina. O le ka di ne ka mɔgɔw ye. Nga aw bena mun kɛ a laban na?»

Kasikan 4:13

O kɛr'a ka kiraw n'a ka sarakalasebagaw ka kojuguw kama, Minw tun be mɔgɔtilenninw joli bɔn dugu kɔnɔ.

Ezekiyɛli 33:31

O kɔ, ne ka jama be taga lajɛn i fɛ ka sigi i ɲakɔrɔ k'i ka kumaw mɛn, nga i ye min fɔ, u t'o kɛ. U dalakuma ka di k'a sɔrɔ u ka miiriya bɛɛ be tɔnɔjugu ɲiniko le kan.

Amɔsi 5:11

Ayiwa, aw be dɛsɛbagatɔw sigɛn minkɛ, k'aw niyɔrɔ bɔ u ka suman na, aw ye kabakuruso minw lɔ, aw tena si u kɔnɔ. Aw ye *ɛrɛzɛnforo ɲanaman minw bɔ, aw ten'o duvɛn sɔrɔ k'a min.

Mise 2:4

O tuma na, mɔgɔw bena ɲadonya dɔnkili la aw kosɔn. U ben'a fɔ ko aw halakira pewu! Aw ka siya niyɔrɔ kɛra mɔgɔ wɛrɛw ta ye. Ee! A kɛra di u b'a bɔsira aw la? U b'aw ka forow tilanna murutibagaw cɛ.»

Mise 3:11

Dugu ɲamɔgɔw be kiti tigɛ k'a jɛngɛ daa sanfɛn kama, sarakalasebagaw be mɔgɔw kalan nafa kama, kiraw b'u ka kiraya kɛ wari kama. O bɛɛ la, u ko u b'o kɛ Masaba tɔgɔ la. Fɔɔ u be to k'a fɔ ko: «Masaba te n'an ye wa? Kojugu tena an sɔrɔ fewu!»

Mise 3:5

Masaba y'a fɔ ko: «Kira minw b'a kɛ ne ka mɔgɔw be fili, ni min ye dumuni d'u ma, u be hɛrɛko fɔ. Ni min ma dumuni d'u ma, u be kɛlɛba labɛnko fɔ o tigi kama.

Habakuki 1:6

Ayiwa, ne bena Babilɔnikaw bila aw la. O siya nin ka jugu, u ka fari, u be taga yɔrɔ bɛɛ diɲɛ kɔnɔ ka mɔgɔw ka yɔrɔw minɛ.

Sofoni 1:13

Ayiwa, u ka nafolow bena bɔsi u la, u ka soow bena ci. U bena soow lɔ, nga u tena sigi u kɔnɔ, u bena *ɛrɛzɛnforow bɔ, nga u tena o duvɛn min.

Tite 1:11

I ka kan k'u bali u kana kuma. U be se ka faaw n'u deenw kunna cɛn, n'u ka kalanjugu ye u be min kɛ tɔnɔjugu kama.

Tite 1:7

Krista ka jama ɲamɔgɔ, min ye a marabaga ye, o ka kan ka kɛ mɔgɔ ye jalakiyɔrɔ te min na. A kana kɛ yɛrɛboɲanla ye, a kana kɛ dusutigi ye fana, walima dɔrɔtɔ, walima mɔgɔ fariman ye, ani a kana kɛ mɔgɔ ye min be namara kɛ ka tɔnɔ sɔrɔ.