Yeremi 8:1 - ALA KA KUMA

¹ «O waati la, ne Masaba le ko ten: ‹Zuda mara masacɛw n'a ɲamɔgɔw, ni sarakalasebagaw, ni kiraw, ani Zeruzalɛmukaw kolow bena wɔgɔbɛ ka bɔ o ka kaburuw kɔnɔ.

Jula NT of Côte d’Ivoire

¹ «O lon na, kɔni, Matigi Ala ko ten, o bɛna Zuda masacɛw suw kolow, ani kuntigiw suw kolow, ani sarakalasebagaw suw kolow, ani ciraw suw kolow, ani Zeruzalɛmukaw suw kolow labɔ o ta kaburuw kɔnɔ.

Yeremi 8:1 Iomraidhean Croise

Mas fɔlɔ 13:2

A pɛrɛnna sɔnnikɛyɔrɔ nin kan Masaba tɔgɔ la ko: «E sɔnnikɛyɔrɔ nin, e sɔnnikɛyɔrɔ nin! Masaba y'a fɔ ko deen dɔ bena wolo Dawuda kɔmɔgɔw fɛ, u ben'a wele ko Zoziyasi. Murutigi minw be sɔnnikɛyɔrɔw la n'u be wusulan kasadiman jɛni i kan yan, ale bena olu faga i kan. U bena adamaden kolow le jɛni e kan.»

Mas 2nan 23:16

O kɔ, masacɛ Zoziyasi y'a ɲaa yɛlɛma ka filɛli kɛ, a ye kaburu dɔw ye tintin kan. A ko u ka taga u walaka, k'u kɔnɔ kolow bɔ ka na n'u ye. A y'u jɛni sarakabɔyɔrɔ nin kan k'a cɛn ka kɛɲɛ ni Masaba ka kuma ye, a ka mɔgɔ tun ye min fɔ.

Mas 2nan 23:20

Sarakalasebaga minw tun be sɔnnikɛyɔrɔw kunna, a ye olu bɛɛ faga sarakabɔyɔrɔw kan, ka adamaden kolow jɛni u kan. O kɔ, a kɔsegira Zeruzalɛmu.

Mas 2nan 9:37

ani ko a suu bena kɛ nɔgɔ ye o foro kɔnɔ, fɔɔ mɔgɔ si te se k'a fɔ ko nin le ye Zezabɛli ye.»

Zaburu 53:5

O tuma na, minw be kojugu kɛ, olu te foyi lɔn wa? Olu minw be ne ka jama ɲimi i ko u be dumuni kɛ cogo min na, u fana te ne Ala daali.

Yeremi 14:16

U be kirayakuma fɔra minw ye, olu bena filifili Zeruzalɛmu bɔlɔnw na kɔngo ni murujan kosɔn. Mɔgɔw tena sɔrɔ k'u suu don, olu, n'u musow, n'u deen cɛmanw ni musomanw. N bena u ka juguya sara u la ten.»

Ezekiyɛli 37:1

Masaba ka sebagaya sera ne ma. A ye ne ta a yɛrɛ Nii barika la ka taga ni ne ye kɔkɛnɛ dɔ cɛmancɛ la. O yɔrɔ fanin tun be mɔgɔ kolow la.

Ezekiyɛli 6:4

Aw ka sarakabɔyɔrɔw bena walaka, aw ka wusulandagaw bena ci. Ne bena mɔgɔ caaman faga aw ka joow kɔrɔ.

Ezekiyɛli 6:5

N bena Isirayɛlidenw suu lala u ka joow ɲafɛ, k'u kolow yɛrɛkɛ u ka sarakabɔyɔrɔw lamini na.

Amɔsi 2:1

Masaba ko: «Mowabuw ye kojugu minw kɛ, u ye kojugu caaman minw kɛ, ne tena o yafa. Bari, u ye Edɔmu masacɛ kolow jɛni, u y'u jɛni fɔɔ k'o kɛ bugurigwɛ ye.