Yeremi 7:4 - ALA KA KUMA

⁴ Aw kana aw yɛrɛ nigɛ ni namarakuma ye ka to k'a fɔ ko: Yan ye Masaba ka soo ye, yan ye Masaba ka soo ye, yan ye Masaba ka soo ye!

Jula NT of Côte d’Ivoire

⁴ Aw kana aw jigi la nin faninyakumaw kan, ka to k’a fɔ ko: Matigi Ala ta batoso bɛ yan le! Matigi Ala ta batoso bɛ yan le! Matigi Ala ta batoso bɛ an fɛ yan le!

Yeremi 7:4 Iomraidhean Croise

Mas fɔlɔ 9:7

ne bena Isirayɛlidenw gwɛn ka bɔ jamana nin kɔnɔ, ne tun ye min d'u ma. Ne ye soo min kɛ n yɛrɛ ta ye, ne bena ban o la fana. O la, siyaw bɛɛ bena Isirayɛlidenw ka koo kɛ siirin ye, ka yɛlɛ u ma.

Ezayi 48:2

K'a sɔrɔ aw b'aw yɛrɛ boɲa ko aw ye dugu senuman nin deenw ye. Aw b'aw bolo la Isirayɛli ka Ala kan, ale min tɔgɔ ko Masaba, Setigi.

Ezayi 59:4

Aw te ɲɔgɔn kiti ka kɛɲɛ ni tiɲɛ ye, aw t'aw ka koo fɔ ni kɔnɔgwɛ ye. Aw b'aw jigi la fuu kan, ka galon tigɛ. Aw be kojugu miiri aw kɔnɔ. O laban be na ni bɔnɛ ye.

Ezayi 66:1

Masaba ko: «Sankolo ye n ka masasigilan ye, dugukolo ye n seen bilayɔrɔ ye. Aw do bena se ka boon jumɛn lɔ ne ye? Yɔrɔ jumɛn bena kɛ ne ka lafiɲɛyɔrɔ ye?

Yeremi 28:15

O kɔ, kira Zeremi y'a fɔ kira Ananiya ye ko: «Ananiya, a filɛ, Masaba m'i ci. E b'a kɛra jama nin benna galon la.

Yeremi 29:23

Bari u tun ye kojuguba kɛ Isirayɛlidenw cɛma: U ye ɲamɔgɔya kɛ n'u sigiɲɔgɔnw ka musow ye, ka galon tigɛ ni ne tɔgɔ ye. K'a sɔrɔ ne ma o sira d'u ma. Ne b'o kala ma, ne yɛrɛ le y'o ye.› » Masaba le ko ten.

Yeremi 29:31

«Mɔgɔw minw bɛɛ minɛna ka taga, i ka cii bila ka ta'a fɔ u ye Neelamuka Semayawu kosɔn, ko ne Masaba ko: Semayawu be kiraya kɛra u ye, k'a sɔrɔ ne m'a ci, ani k'aw nigɛ minkɛ,

Yeremi 6:14

U ma u dɔgɔ don ne ka mɔgɔw ka tɔɔrɔko la. U tora k'a fɔ ko: ‹Hɛrɛ o hɛrɛ.› K'a sɔrɔ hɛrɛ te yen.

Yeremi 7:14

O kama, ne tɔgɔ lara soo min kan, aw b'aw jigi la min kan, ne ye yɔrɔ min di aw n'aw faaw ma, ne bena o kɛ i ko ne ye Silo kɛ cogo min na.

Ezekiyɛli 13:19

Aw ye ne tɔgɔ cɛn ne ka mɔgɔw cɛma bolo ɲaa damani suman ni buru kunkurun damani kosɔn. Mɔgɔ minw man kan ka faga, aw be olu faga, minw ka kan ka sa, aw be olu to yen, ka ne ka mɔgɔw nigɛ, minw be galon lamɛn.›

Mise 3:11

Dugu ɲamɔgɔw be kiti tigɛ k'a jɛngɛ daa sanfɛn kama, sarakalasebagaw be mɔgɔw kalan nafa kama, kiraw b'u ka kiraya kɛ wari kama. O bɛɛ la, u ko u b'o kɛ Masaba tɔgɔ la. Fɔɔ u be to k'a fɔ ko: «Masaba te n'an ye wa? Kojugu tena an sɔrɔ fewu!»

Sofoni 3:11

«O loon na, aw ye kokolon minw bɛɛ kɛ ka tɛmɛ, ka muruti ne ma, o si maloya tena aw sɔrɔ tugu. Bari ne bena yɛrɛboɲalaw bɔ dugu nin kɔnɔ. Aw tena tɔgɔɲiniko kɛ ne ka kulu senuman kan tugu.

Luka 3:8

Aw ka kɛwaliɲumanw kɛ k'a yira ko aw nimisara ka faran aw ka kojuguw la. Aw kana miiri ko Ala bena aw kisi bari Ibrayima ye aw faa ye. Ne b'a fɔ aw ye ko Ala be se ka kabakuru nunu yɛlɛma k'u kɛ Ibrayima deenw ye.