Yeremi 7:3 - ALA KA KUMA

³ Masaba, Setigi, Isirayɛli ka Ala ko aw ka yɛlɛmani don aw taamacogo n'aw ka kɛwaliw la, k'o la, ale ben'a to aw be sigi jamana nin kɔnɔ.

Jula NT of Côte d’Ivoire

³ Fangatigi Ala, Izirayɛli ta Ala ko: ‹Aw ye aw ta siraw, ani aw ta kɛwalew yɛlɛma; ni o kɛra, ne bɛna a to aw ye to nin jamana ra.

Yeremi 7:3 Iomraidhean Croise

Mas 2nan 17:13

Masaba tun ye Isirayɛli ni Zuda mara mɔgɔw lasɔmi a ka kiraw bɛɛ barika la, k'a fɔ u ye ko: «Aw k'aw ka kɛwalijuguw dabila, ka ne ka sariyaw ni ne ka fɔtaw bato, ka kɛɲɛ ni sariya kɔnɔnakuma bɛɛ ye, ne ye min sigi aw faaw ye, ani n y'a ci aw ma n ka baarakɛlaw, kiraw barika la.»

Ɛsidarasi 10:11

Sisan aw k'o kojugu nunu fɔ Masaba, aw faaw ka Ala ye, ani k'a sago kɛ. Aw ka faran ka bɔ jamana nin kɔnɔ siyaw, n'u ka musow la.»

Zanaw 28:13

Mɔgɔ min te lɔ a ka kojugu kɛnin na, o ka koo te ɲa. Nga min be lɔ a ta la, ani ka nimisa u la, Ala be makari ale la.

Ezayi 55:7

Mɔgɔjugu k'a ka juguya dabila. Mɔgɔ min kɔnɔ ka jugu, o tigi k'a ka miirijugu dabila. A ka kɔsegi Masaba ma, ale bena makari a la. A ka kɔsegi an ka Ala ma, ale bena yafa a ma tiɲɛ na.

Yeremi 17:25

o tuma na, masa minw ye masacɛ Dawuda nɔɔ ta, n'u ka dakɔrɔsigiw bena don ni dugu nin dondaw la wotorow ni soow kan. Zeruzalɛmukaw ni Zuda mara mɔgɔw bena u bila sira. Mɔgɔw bena kɛ dugu nin kɔnɔ tuma bɛɛ.

Yeremi 18:11

«O la do, a fɔ Zeruzalɛmukaw ni Zuda mara mɔgɔw ye ko ne Masaba le ko ne be balawu labɛnna u kama. Ko ne be koo dɔ latigɛra u kama. Ko u k'u ka taamacogojugu dabila, ka yɛlɛmani don u ka kɛwaliw la.

Yeremi 18:8

Nga n'u nimisara ka faran u ka kojugu la, ne be n ta dabila. Ne tun ye bɔnɛ min latigɛ, ne tena o lase u ma tugu.

Yeremi 26:13

Nga sisan, aw ka yɛlɛmani don aw taamacogo n'aw ka kɛwaliw la, ka mɛnni kɛ Masaba aw ka Ala fɛ. O la, Masaba ye bɔnɛ min latigɛ aw kama, a bena o dabila.

Yeremi 35:15

Ne tora ka n ka baarakɛlaw, kiraw ci aw ma. U y'a fɔ aw ye ko: Aw kelen kelen bɛɛ ka faran aw ka sirajuguw la, k'aw ka kɛtaw yɛlɛma. Aw kana boli batofɛn wɛrɛw kɔ k'u bato. O la, ne ye dugukolo min di aw n'aw faaw ma, aw bena sigi o kan. Nga aw ma mɛnni kɛ ne fɛ, aw ma n ka kuma bato.

Yeremi 35:16

Erekabu deen Yonadabu kɔmɔgɔw b'u bɛmacɛ ka kuma bato, nga mɔgɔ nunu te mɛnni kɛ ne fɛ.

Yeremi 4:1

«Isirayɛlidenw, n'aw kɔsegira ne ma, ne Masaba le ko ten, n'aw y'aw ka joow fili ka bɔ ne ɲakɔrɔ, n'aw te yaalayaala aw kunfɛ tugu,

Yeremi 6:16

Masaba ko: «Aw ye lɔ siraw kan ka filɛli kɛ. Aw ka ɲiningali kɛ sirakɔrɔw koo la. Aw ye siraɲuman ɲini k'ale taama, aw bena lafiya sɔrɔ. Nga u y'a fɔ ko: ‹An tena ale ta.›

Yakuba 4:8

Aw ye gwɛrɛ Ala la, ale fana bena gwɛrɛ aw la. Hakɛkɛla nunu! Aw y'aw bolo n'aw dusu saniya. Kɔnɔ fila tigi nunu!