Yeremi 7:10 - ALA KA KUMA

¹⁰ O bɛɛ kɔ, aw be sɔrɔ ka na lɔ ne ɲakɔrɔ soo nin kɔnɔ, ne tɔgɔ lara min kan, ka to k'a fɔ ko: An kisira, ka tila ka kojugu nunu bɛɛ ɲɔgɔn kɛ tugu.

Jula NT of Côte d’Ivoire

¹⁰ o kɔ, aw bɛna lɔ ne ɲa kɔrɔ nin so kɔnɔ yan, ne tɔgɔ bɛ so min na, k’a fɔ ko: ‹An bɔsira!› K’a sɔrɔ aw belen bɛ nin ko haramuninw kɛra.

Yeremi 7:10 Iomraidhean Croise

Mas fɔlɔ 9:3

Masaba y'a fɔ a ye ko: «I ye daalili min kɛ, ne y'o mɛn. I ye soo min lɔ, ne y'o kɛ n ta ye janko ne ka to a kɔnɔ tuma bɛɛ. Ne bena n hakili to a la tuma bɛɛ k'a koo to n kɔnɔ.

Mas 2nan 21:4

A ye sarakabɔyɔrɔ dɔ wɛrɛw lɔ Masaba ka soo kɔnɔ Zeruzalɛmu, Masaba tun kɔnna k'a fɔ ko ale bena sigi yɔrɔ min na.

Lok 2nan 33:4

A ye sarakabɔyɔrɔ dɔ wɛrɛw lɔ Masaba ka soo kɔnɔ, Masaba tun ye soo min koo fɔ ko ale tɔgɔ bena to Zeruzalɛmu tuma bɛɛ.

Lok 2nan 33:7

Ala tun y'a fɔ Dawuda n'a dencɛ Solomani ye ko ale bena sigi soo min kɔnɔ Zeruzalɛmu, ko ale ye yɔrɔ min woloma k'o kɛ a batoyɔrɔ ye tuma bɛɛ Isirayɛli kɔmɔgɔw bɛɛ cɛma, a tun ye joo min lɛsɛ, a y'o sigi o kɔnɔ.

Zanaw 15:8

Mɔgɔjugu ka saraka koo ka go Masaba ye. Nga a be mɛnni kɛ mɔgɔtilennin ka daalili la.

Ezayi 48:2

K'a sɔrɔ aw b'aw yɛrɛ boɲa ko aw ye dugu senuman nin deenw ye. Aw b'aw bolo la Isirayɛli ka Ala kan, ale min tɔgɔ ko Masaba, Setigi.

Yeremi 32:34

Ne tɔgɔ lara soo min kan, u y'u ka joow bila o yɔrɔ la k'a nɔgɔ.

Yeremi 34:15

Aw tun nimisara ka faran aw ka kojugu la ka kotilennin kɛ n ɲakɔrɔ. Aw balima jɔɔn minw b'aw fɛ, aw kelen kelen bɛɛ ye olu hɔrɔnyali wango la. Aw yɛrɛ ye layidu ta ne ɲakɔrɔ soo kɔnɔ, ne tɔgɔ be min kan.

Yeremi 44:9

Aw faaw, ni Zuda mara masacɛw, n'u ka musow, aw yɛrɛ n'aw ka musow, aw bɛɛ ye kojugu minw kɛ Zeruzalɛmu bɔlɔnw kɔnɔ ni Zuda mara la, aw ɲinɛna o kɔ wa?

Yeremi 7:11

Aw ka miiri la, ne ka soo nin ye soonw ka yɔrɔ ye wa? Ne ɲaa b'o le la. Ne Masaba le ko ten.

Yeremi 7:14

O kama, ne tɔgɔ lara soo min kan, aw b'aw jigi la min kan, ne ye yɔrɔ min di aw n'aw faaw ma, ne bena o kɛ i ko ne ye Silo kɛ cogo min na.

Yeremi 7:30

«Zuda mara mɔgɔw ye kojugu kɛ ne ɲakɔrɔ. Ne Masaba le ko ten. Ne tɔgɔ lara soo min kan, u y'o ka joow bila o kɔnɔ, k'o nɔgɔ.

Ezekiyɛli 20:39

«Aw kɔni, Isirayɛlidenw, ne Matigi, Masaba b'a fɔ aw ye ko: Aw ye taga aw ka joow sɔn, aw kelen kelen bɛɛ! Nga o kɔ, wajibi lo aw bena mɛnni kɛ ne fɛ, aw tena ne tɔgɔ senuman cɛn aw ka boɲafɛnw n'aw ka joow barika la tugu.

Ezekiyɛli 23:29

U bena i kɔnɔ mɔgɔw minɛ ni kɔnɔnajuguya ye. U ye baara kɛ ka bololafɛn minw sɔrɔ, u bena o bɛɛ cɛ, k'i walaka k'i fari lakolon to. I ka kakalaya maloya bena bɔ kɛnɛ kan, an'i ka nigɛjugu, n'i ka kakalaya.

Ezekiyɛli 23:37

U ye kakalaya kɛ, mɔgɔfagalaw lo. U ye kakalaya kɛ n'u ka joow ye. U ye deen minw wolo ne fɛ, u y'u ka joow sɔn n'u ye janko olu k'u ɲimi.

Ezekiyɛli 23:39

U y'u deenw kɛ ka joow sɔn loon min na, u donna ne ka sigiyɔrɔ la o loon kelen na k'a nɔgɔ. U y'o le kɛ ne ka soo kɔnɔ.

Ezekiyɛli 33:25

O la, a fɔ u ye ko ne Matigi, Masaba ko: ‹Aw be sogo ɲimi n'a joli ye. Aw b'aw ka joow sɔn, aw be mɔgɔ faga. Jamana nin ka kan ka kɛ aw ta ye cogo di?

Ezekiyɛli 33:31

O kɔ, ne ka jama be taga lajɛn i fɛ ka sigi i ɲakɔrɔ k'i ka kumaw mɛn, nga i ye min fɔ, u t'o kɛ. U dalakuma ka di k'a sɔrɔ u ka miiriya bɛɛ be tɔnɔjugu ɲiniko le kan.

Ezekiyɛli 5:11

«O le y'a to, ne tɔgɔ kosɔn, ne Matigi, Masaba ko: Aw ye ne ka sigiyɔrɔ nɔgɔ n'aw ka kokuntanw ani aw ka konɔgɔninw bɛɛ ye minkɛ, ne bena aw halaki. Ne tena mɔgɔ si filɛ ka makari a la, n tena hinɛ fewu.

Daniyɛli 9:18

Ne ka Ala, i tulo malɔ ka mɛnni kɛ. I ɲaa yɛlɛ k'an halakicogo filɛ n'i ka dugu, i tɔgɔ lara min kan. A ma kɛ ko an ka kɛwaliɲumanw kama lo an be daalili nunu ɲasinna i ma! Nga i ka makari kama lo.

Oze ta kitabu 6:9

Sarakalasebagaw ka jɛnkulu dɔw be mɔgɔw faga Sisɛmu sira kan, i ko benkannikɛlaw. Tiɲɛ na, u be baarajugu kɛ!

Amɔsi 4:5

Aw ye taga n'aw ka buru ye k'o kɛ foli saraka ye Ala ma. Aw ka wango la ko aw ye boɲafɛn di ne ma, bari o le ka di aw Isirayɛlidenw ye.» Matigi, Masaba le ko ten.

Sofoni 1:5

ni minw be yɛlɛ sanbon kan ka sankololafɛnw sɔn, ani minw be ne Masaba bato ka tila ka dajuru ta *Milikɔmu ye,

Malaki 3:15

An be se k'a fɔ sisan ko yɛrɛboɲalaw dagamunin lo. Kojugukɛlaw ka hɛrɛ be taga ɲa yɛrɛ. U be Ala darabɔ, nga u do be bɔ!› »

Matiyu 23:13

«Bɔnɛ y'aw ta ye, aw sariya karamɔgɔw ni *Fariziɲɛ namaramɔgɔw, bari aw be *sankolo masaya donda tugu, aw tena don, minw b'a fɛ ka don fana, aw t'a to olu ka don. [

Yuhana 13:18

Ne te kumana aw bɛɛ koo la dɛ. Ne ye minw woloma, ne be olu lɔn, nga min fɔra Ala ka kuma na, fɔɔ o ka kɛ. A tun fɔra ko: ‹Min tun be dumuni kɛ ni ne ye, ale lo wilila ne kama.›

Yuhana 18:28

O kɔ, u bɔra ni Yezu ye Kayifu fɛ ka taga n'a ye, lasigiden ka luu kɔnɔ. O y'a sɔrɔ dugu tun gwɛra. U yɛrɛ ma sɔn ka don luu kɔnɔ, janko u kana u yɛrɛ nɔgɔ ka kɛɲɛ ni landa ye, u ka se ka *Hɔrɔnya ɲanagwɛ dumuni dumu.