Yeremi 5:7 - ALA KA KUMA

⁷ Zeruzalɛmu, ne bena yafa i ma ka la mun kan? I deenw banna ne la, ka to ka kali joow kan. Ne tun y'u makoyafɛnw bɛɛ d'u ma, O n'a ta bɛɛ, u be tila ka kakalaya kɛ. U fanin lo sungurubabaw ka soow kɔnɔ.

Jula NT of Côte d’Ivoire

⁷ «Ayiwa, ne bɛ se ka yafa aw ma nin na cogo di? Aw ta mɔgɔw banna ne ra; fɛn minw tɛ Ala ye, o bɛ kari ni olugu tɔgɔ le ye. Ne tun ka o wasa fɛn bɛɛ ra, nka o belen bɛ jɛnɛya kɛra; o camanba bɛ taga, ka taga jatɔmusow ta bonw fa.

Yeremi 5:7 Iomraidhean Croise

Lok 2nan 13:9

Aw ma Masaba ka sarakalasebagaw, Arɔn deenw, ni Levi kɔmɔgɔ tɔw gwɛn wa? Aw ma sarakalasebaga dɔ wɛrɛw sigi aw yɛrɛ ma i n'a fɔ jamana tɔw siyaw wa? Mɔgɔ min mana na ni turamisɛn kelen ni sagajigi wolonwula ye ko a be kɛ sarakalasebaga ye, o tigi be don sarakalasebaara la. A be baara kɛ batofɛn minw ye, o te batofɛnsɔbɛw ye.

Ayuba 31:12

O ye tasuma ye min be cɛnni kɛ fɔɔ lahara, a tun bena n bololafɛnw bɛɛ halaki.

Zaburu 50:18

E mana soon ye, i b'i niin don ale fɛ. E b'i niin don kakalaw fana fɛ.

Yeremi 12:16

N'u nana sɔn ka ne ka mɔgɔw kɛcogo dege sɔbɛ la, ka kali ne tɔgɔ la k'a fɔ ko: ‹Masaba kosɔn›, i n'a fɔ u tun ye ne ka mɔgɔw dege kalili la *Baali tɔgɔ la cogo min na, o tuma na, ne bena sigiyɔrɔ di u ma n ka mɔgɔw cɛma.

Yeremi 13:27

I ye kakalaya minw kɛ, an'i ka nisɔndiyakan nunu, i ye kokolon minw kɛ kuluw kan ani kongow kɔnɔ, ne ye olu ye. Ne y'i ka nɔgɔw ye. Ee! Zeruzalɛmu, i t'i yɛrɛ saniya! E bena to tan fɔɔ tuma jumɛn?»

Yeremi 16:11

O tuma na, i bena u jaabi ko bari u faaw ye ne labila ka boli batofɛn wɛrɛw kɔ, k'u sɔn ka to ka biri u ɲafɛ. U ye ne labila, u ma ne ka sariya bato. Ne Masaba le ko ten.

Yeremi 16:20

Mɔgɔ te se ka batofɛn dilan a yɛrɛ ye. A be min dilan, batofɛn halala tɛ.»

Yeremi 2:11

Siya jumɛn b'a ka batofɛnw yɛlɛma? K'a sɔrɔ batofɛn ɲanamanw yɛrɛ tɛ. Nga ne ka mɔgɔw y'u kunkɔrɔtabaga falen ni fɛɛn fufafuw ye.

Yeremi 2:31

Aw bii mɔgɔw, aw ka mɛnni kɛ ne Masaba ka kuma na. O tuma, ne kɛra siranfɛn ye, i ko kongokolon Isirayɛlidenw fɛ wa? Walima dibiyɔrɔ? Mun na ne ka mɔgɔw b'a fɔ ko: ‹An kɛra an yɛrɛ ta ye. An tena segi e ma tugu›?

Yeremi 23:10

Bari jamana fanin be kakalaw la. Jamana be dusukasi la danga kosɔn, kongokolon kɔnɔ biinw jara. Mɔgɔw be boli kojugu le nɔɔ fɛ, u b'u jija tilenbaliyakow la.

Yeremi 3:19

«Ne tun y'a fɔ n kɔnɔ ko: ‹Ne bena aw jati n dencɛw cɛma, ka jamanaɲuman di aw ma, min ka ɲi ni siyaw bɛɛ sigiyɔrɔw ye.› Ne tun ko: ‹Aw bena ne wele ko aw Faa. Ko aw tena bɔ ne kɔ tugu.›

Yeremi 3:8

Ne ye Isirayɛli mara mɔgɔ tilenbaliw ka furu sa, u ka kakalaya bɛɛ kosɔn. A balimamuso Zuda mara janfamɔgɔ nin y'a ye, o bɛɛ n'a ta, a ma siran. Ale fana tor'a ka kakalaya la.

Yeremi 7:9

« ‹Mun! Aw be soɲali kɛ, ka mɔgɔw faga, ka kakalaya kɛ, ka kɛ seere galontigɛlaw ye. Aw be *Baali sɔn, aw te batofɛn minw lɔn, aw be taga u minɛ siya wɛrɛw fɛ.

Yeremi 9:1

Ni lonanjigiso tun be ne tɔgɔ la kongokolon kɔnɔ, ne be se ka bɔ n ka mɔgɔw cɛma ka taga yɔrɔ min na, o tun be diya ne ye! Bari, u bɛɛ kɛra kakalaw ye, janfamɔgɔw lo.

Yeremi 9:2

«U nɛnden kɛra i ko kala, a tigi bolo. U ka setigiya nin jamana kɔnɔ ma sɔrɔ tilenniya la, bari u be kojuguw kɛ ka la kojugu kan, u ma ne lɔn. Ne Masaba le ko ten.

Kasikan 3:42

Anw kɔni, an ye kojugu kɛ, an murutira. Ele Masaba fana ma yafa.

Ezekiyɛli 22:11

Ka jɛn n'a sigiɲɔgɔn muso ye, dɔw b'o kokuntan kɛ, dɔ wɛrɛw be jɛn n'a deen ka muso ye, o ye koo ɲagaminin ye. Dɔ wɛrɛ be la n'a balimamuso ye fanga la, ale ni min ye faa kelen ye.

Oze ta kitabu 11:8

«Ne be se k'aw bila wa, Efarayimu kɔmɔgɔw? Ne be se k'aw don aw juguw bolo wa, Isirayɛlidenw? Ne be se k'aw kɛ i ko Aduma dugu wa? Ne be se k'aw kɛ i ko Seboyimu dugu wa? Ne hakili ɲagaminin lo, aw makari ye ne minɛ kosɔbɛ.

Oze ta kitabu 13:6

Isirayɛlidenw nana dumuni sɔrɔ, u ye dumuni kɛ ka fa. U ye dumuni kɛ ka fa tuma min na, u fara u yɛrɛ la dɔrɔn ka ɲinɛ ne kɔ.

Oze ta kitabu 4:2

U be ɲɔgɔn danga, u be galonw tigɛ, ka ɲɔgɔn faga, soɲali ni ɲamɔgɔya be kɛ. O be caya, mɔgɔw be faga ka tugu ɲɔgɔn na.

Oze ta kitabu 7:4

U bɛɛ ye kakalaw ye. U be i ko dibi gwannin. Kabini a tigi y'a ka mugu nɔɔni k'a bila, a ma tasuma lalaga tugu fɔɔ a fununa.

Sarakalasebagaw 20:10

«Ni mɔgɔ dɔ ye kakalaya kɛ n'a sigiɲɔgɔn muso ye, o tigi n'o muso fila bɛɛ bena faga.

Amɔsi 8:14

Minw be Samari joo wele, minw be Dan joo wele, minw be Bɛriseba joo wele, olu bena ben, u te wili tugu.»

Sofoni 1:5

ni minw be yɛlɛ sanbon kan ka sankololafɛnw sɔn, ani minw be ne Masaba bato ka tila ka dajuru ta *Milikɔmu ye,

Malaki 3:5

Masaba, Setigi ko: «Ne bena gwɛrɛ aw la kiti kama. Ne bena teliya ka lagwɛlikɛla le jalaki, ni ɲamɔgɔyakɛlaw ni minw be kali ka sɔrɔ tiɲɛ tɛ, ni minw be baaradenw namara, ani minw be firiyamusow, ni falatɔw, ni lonanw tɔɲɔ n'u te siran ne ɲa, ne bena olu bɛɛ jalaki.»

Kor fɔlɔ 6:9

Aw m'a lɔn ko mɔgɔ minw be tilenbaliyakow kɛ, olu tena Ala ka masaya sɔrɔ wa? Aw kana aw yɛrɛ nigɛ. Ɲamɔgɔyakɛlaw, walima josɔnlaw, kakalaw, cɛ minw b'o cɛɲɔgɔn kɛ musow ye,

Kor fɔlɔ 8:4

Min ye josɔnsogo ɲimiko ye, an y'a lɔn ko joo te foyi ye diɲɛ na, an y'a lɔn fana ko Ala ye kelen ye.

Galasikaw 4:8

Fɔlɔfɔlɔ, aw tun te Ala lɔn tuma min na, aw tun be fɛɛn wɛrɛw bato minw te Ala ye ka kɛ u ka jɔɔnw ye.

Sariya 32:15

Yesurun tulɔra ka boɲa, ka sɔrɔ ka muruti. A fara, a tulɔra ka waga. A y'a Danbaga Ala bila, a y'a Kisibaga n'a Tangakabakuru bila.

Sariya 32:21

U ye keliya don ne la ni batofɛnkolonw ye, u ye ne dusu wili n'u ka joow ye. Siya min te foyi ye, ne bena olu kɛ ka keliya don u la. Hakili te siya min fɛ, n ben'a kɛ u be dimi olu kosɔn.

Heburuw 13:4

Mɔgɔ bɛɛ ka furu boɲa, kakalaya kana kɛ furu kɔnɔ. Bari Ala bena ɲamɔgɔyakɛlaw ni kakalaw kiti.

Yakuba 4:4

Aw tilenbali nunu! Aw m'a lɔn ko ni mɔgɔ min ye diɲɛ koo diya a yɛrɛ ye, k'o tigi ni Ala te bɛn wa? Ayiwa, ni mɔgɔ min be diɲɛ koo diya a yɛrɛ ye, o tigi b'a yɛrɛ kɛ Ala jugu ye.

Yosuwe 23:7

Siya minw tora aw cɛma, aw kana jɛn ni olu ye, aw kana u ka joow tɔgɔ wele, aw kana kali n'u tɔgɔ ye fana, aw kana u sɔn, aw kana aw kunbiri gwan u ɲakɔrɔ.