Yeremi 5:3 - ALA KA KUMA

³ Masaba, e b'a fɛ i ɲaa ka la tiɲɛ le kan kɛ? E y'u tɔɔrɔ, nga o ma kɛ foyi ye u fɛ. E y'u halaki, nga u ma sɔn ladili ma. U y'u tulo gwɛlɛya i ko fara, u banna ka segi e ma.

Jula NT of Côte d’Ivoire

³ E, Matigi Ala, yala ele ɲa tɛ can le yɔrɔɲinina wa? I ka o bugɔ, nka a ma o dimi. I ka o baraka bɛɛ ban pewu, nka o ma sɔn korori ma. O ka o ɲa gbɛlɛya ka tɛmɛ hali kabakuru kan; o ma sɔn ka sekɔ ka na i fɛ.

Yeremi 5:3 Iomraidhean Croise

Damina 19:34

O dugusagwɛ, kɔrɔmuso y'a fɔ a dɔgɔmuso ye ko: «Ne lara ni n facɛ ye sufɛ. An ka duvɛn d'a ma bii tugu, a k'a min, i ka don ka la n'a ye janko an ka kɔmɔgɔw sɔrɔ a ye.»

Mas fɔlɔ 13:33

O kɛnin kɔ, halibi Zerobowamu m'a ka kojugu dabila. A tagara ɲa ka murutigi dɔw woloma ka bɔ jama cɛma k'o sigi sɔnnikɛyɔrɔw kunna. Mɔgɔ o mɔgɔ tun y'a yɛrɛ yira k'o baara ka d'a ye, a ye olu bɛɛ kɛ murutigiw ye sɔnnikɛyɔrɔw kunna.

Mas 2nan 1:13

O kɔ, masacɛ ye kɛlɛden mɔgɔ bi duuru n'u kuntigi wɛrɛ ci a siɲɛ sabanan na. O kuntigi sabanan nin tagara se dɔrɔn, a y'a kunbiri gwan Eli ɲakɔrɔ k'a daali ko: «Ala ka mɔgɔ, sabali, n b'i daali, ne n'i ka baaraden mɔgɔ bi duuru nunu nii kisi!

Lok 2nan 16:9

Masaba ɲaa be diɲɛ bɛɛ la, a ka koo be mɔgɔ minw dusu la, a be barika don olu la. I ye nalomanya kɛ dɛ. O la, kabini sisan i bena kɛlɛ sɔrɔ.»

Lok 2nan 28:22

Ka masacɛ Akazi to o gwɛlɛya la, a tora ka dɔ fara a ka tilenbaliya kan Masaba ma.

Zaburu 51:6

Ne donna ele le gasi la, e kelenpe, ne ye kojugu kɛ e ɲakɔrɔ. O la, tiɲɛ bena sɔrɔ i fɛ i kuma waati la, jalakiyɔrɔ tena sɔrɔ i la i ka kiti la.

Zaburu 51:8

I be tiɲɛ le fɛ adamaden fɛ. A to ne be koo lɔn kosɔbɛ.

Zaburu 55:20

Ala, e min ye Masa ye kudayi, e ka ne kaan mɛn, k'u mafiɲɛya. Bari u ma yɛlɛma fewu, u te siran e Ala ɲa fewu.

Zanaw 21:29

Mɔgɔjugu b'a ɲaa kumu ka mɔgɔw bila fili la. Nga mɔgɔtilennin b'a taamacogo kɔlɔsi.

Zanaw 22:12

Masaba be janto lɔnniya la. Nga a be namarakuma cɛn.

Zanaw 23:35

Min ko: «U ye n bugɔ! Nga n yɔrɔ si te n dimina! U ye n tinba! A ma digi n na. Ni n kununna, n bena dɔ min tugu.»

Zanaw 27:22

Hali n'i ye naloman susu i ko sumankisɛ, a ka nalomanya tena bɔ a la.

Ezayi 26:11

Masaba, e labɛnnin be k'u ɲaa gwan, nga u t'o lɔnna. E jijanin be i ka mɔgɔw ka koo la cogo min na, u ben'o ye, maloya b'u minɛ. Tasuma min ka kan k'i juguw jɛni, o le bena u jɛni.

Ezayi 42:25

O la, a y'a ka dimi sin Isirayɛli jama ma kosɔbɛ ka kɛlɛ juguya. A ka dimi kɛra i ko tasuma, k'u lamini, nga u m'a faamu. A ka dimi y'u jɛni, u ma hakili sɔrɔ a la.

Ezayi 48:4

Ne y'a lɔn ko aw tulo te mɛnni kɛ, aw tulo ka gwɛlɛ kosɔbɛ.

Ezayi 9:13

O la, Masaba ye Isirayɛli kuun tigɛ, k'a kuu tigɛ. A ye tamarosunw ani burukuw tigɛ loon kelen!

Yeremi 15:7

Ne bena n ka mɔgɔw fiyɛ i ko suman, jamana kɔnɔ. Ne ben'a kɛ u be bɔnɔ u deenw la, ne bena u halaki. Bari u ma u taamacogo yɛlɛma.

Yeremi 17:23

Olu kɔni, u ma mɛnni kɛ, u y'u tulo gwɛlɛya janko u kana mɛnni kɛ ka ladilikuma sɔrɔ.› »

Yeremi 19:15

«Masaba, Setigi, Isirayɛli ka Ala ko: ‹Ne tun ye bɔnɛ min koo fɔ dugu nin kosɔn, ne bena o bɛɛ lase ale n'a gɛrɛfɛduguw bɛɛ ma sisan. Bari u y'u tulo gwɛlɛya, u ma sɔn ka mɛnni kɛ ne fɛ.› »

Yeremi 2:30

«Ne y'aw bugɔ, nga o ma foyi ɲa. Aw ma sɔn o kololi ma. Aw ka murujanjanw ye kiraw faga i ko jara fariman.

Yeremi 3:3

O la, sanji te nana tugu. Nga aw y'aw ɲaa ja i ko kakalamuso, aw yɛrɛ ma maloya.

Yeremi 32:19

I be koo latigɛ ni hakili ye, ka kobabaw kɛ. I ɲaa be mɔgɔw bɛɛ ka kɛwaliw la, i b'u kelen kelen bɛɛ sara ka kɛɲɛ n'u ka kɛtaw ye.

Yeremi 35:13

«Ne Masaba, Setigi, Isirayɛli ka Ala ko: Tag'a fɔ Zeruzalɛmukaw ni Zuda mara mɔgɔ tɔw ye ko ne ko u te sɔn ladili ma ka ne ka kuma bato wa? Ne Masaba le ko ten.

Yeremi 44:10

Fɔɔ ka na se bii ma, u ma nimisa o la ka ye. U ma siran, u ma n ka sariya bato, u ma n ka kuma jati, ne ye min di olu n'uw faaw ma.

Yeremi 7:26

Nga u ma mɛnni kɛ ne fɛ, u m'u tulo malɔ. U y'u tulo gwɛlɛya, ka kojugu kɛ ka tɛmɛ u faaw kan.

Yeremi 7:28

O la, a fɔ u ye ko: ‹A ye, siya nin te mɛnni kɛ Masaba a ka Ala fɛ, a te sɔn ladili ma. Tiɲɛ tununa pewu! Tiɲɛkuma t'u daa la tugu.›

Yeremi 8:5

Mun na siya nin murutinin be? Mun na Zeruzalɛmukaw be tagara n'u ka murutili ye ɲa? U be tagara ɲa n'u ka josɔnko ye. U t'a fɛ ka segi ne ma.

Ezekiyɛli 2:4

Ne b'i ci mɔgɔ minw fɛ, mɔgɔ ɲanagwɛlɛnw lo, u dusu ka gwɛlɛ. A fɔ u ye ko: ‹Matigi, Masaba ko:

Ezekiyɛli 24:13

Zeruzalɛmu, i ka kakalaya y'i nɔgɔ. Ne tun b'a fɛ k'i saniya, nga i ma sɔn. O la, i tena se ka saniya fɔɔ ni ne ye n dimi bɔ i la pewu tuma min na.

Daniyɛli 9:13

A fɔra Musa ka sariyasɛbɛ kɔnɔ cogo min na, o bɔnɛ nin bɛɛ y'an sɔrɔ. Nga an ma se k'an ka hakɛw dabila ka tiɲɛ sira ta, ka Masaba an ka Ala dusu suma.

Sarakalasebagaw 26:23

«N'o koow si ma aw kolo, n'aw tora ka ban ne ma,

Amɔsi 4:10

«Fɔɲɔbana min ye Ezipiti jamana sɔrɔ, ne y'a kɛ o ɲɔgɔn wilila aw kan. Ne y'a to u y'aw ka kanbelenw faga ni murujan ye, k'aw ka soow minɛ. Ne y'a to aw ka kɛlɛdenw suuw kasa wilila u ka sigiyɔrɔ la, aw y'o mɛn. Nga aw ma sɔn ka kɔsegi ne ma.» Masaba le ko ten.

Amɔsi 4:11

«Ne y'aw halaki i ko Sodɔmu ni Gɔmɔri fɔɔ aw tɔɔ tora fitini. Kala tɔɔ be to tasuma fɛ cogo min na, aw tɔɔ tora ten. Nga aw ma sɔn ka kɔsegi ne ma.» Masaba le ko ten.

Amɔsi 4:6

Masaba ko: «Ne le ye kɔngɔ don aw ka duguw bɛɛ la, ne le y'a kɛ dumuni dɛsɛra aw ka sigiyɔrɔw bɛɛ la. Nga aw ma sɔn ka kɔsegi ne ma.

Amɔsi 4:8

Dugu fila, dugu saba wilila ka dɛmɛdɛmɛ ka taga jii min dugu wɛrɛ la. O bɛɛ n'a ta, u minnɔgɔ ma ban. O n'a ta bɛɛ aw ma sɔn ka kɔsegi ne ma.» Masaba le ko ten.

Amɔsi 4:9

«Ne y'a kɛ sigɛn y'aw ka sumanw jɛni, k'a kɛ u tolila. Ne y'a to aw ka nankɔw, n'aw ka *ɛrɛzɛnsunw cɛnna. Tɔɔnw y'aw ka torosunw, n'aw ka olivuyiriw ɲimi. Nga aw ma sɔn ka kɔsegi ne ma.» Masaba le ko ten.

Sofoni 3:7

Ne tun ko u kɔni bena siran n ɲa, ka sɔn n ka ladili ma! O la, u ka dugu tun bena to yen. Tuma o tuma ne tun mana kuma u fɛ, u tun be banba le ka dɔ fara u ka kojuguw kan.

Rɔmukaw 2:2

Minw b'o ɲɔgɔn kɛ, an y'a lɔn ko Ala b'o tigi kiti ka kɛɲɛ ni tiɲɛ ye.

Heburuw 12:9

An wolofaw y'an ladi, an sɔnna u ta ma. An Faa Ala min ye nii tigi ye, mun na an tena sɔn o ta ma ka to nii na?