Yeremi 40:3 - ALA KA KUMA

³ A ye o le kɛ i ko a tun y'a fɔ cogo min na. Nin bɛɛ kɛra bari aw ye y'a hakɛ ta. Aw ma mɛnni kɛ a fɛ.

Jula NT of Côte d’Ivoire

³ Matigi Ala tun ka min fɔ, o le sera, a ka o le kɛ, sabu aw ka jurumun kɛ Matigi Ala ɲa kɔrɔ, aw ma sɔn k’a kan lamɛn. O kosɔn a tun ka ko min fɔ, o ko ka aw sɔrɔ.

Yeremi 40:3 Iomraidhean Croise

Nehemi 9:28

Nga u ye hɛrɛ sɔrɔ dɔrɔn, u y'a daminɛ tugu ka kojugu kɛ i ɲakɔrɔ. O la, i tun y'a to u juguw sera u kɔrɔ, k'u tɔɔrɔ. O kɔ, u kasira i nɔɔ fɛ tugu, ka e to sankolo kɔnɔ, e y'u kasikan mɛn tugu k'u tila ka bɔ u juguw bolo siɲɛ caaman i ka makari kosɔn.

Nehemi 9:33

E ye fɛɛn o fɛɛn kɛ an na, o tilennin lo, bari ele ye kantigi ye nga an ye kojugu kɛ.

Yeremi 11:17

Masaba, Setigi min tun y'aw tutu, ale lo ko bɔnɛ nin ka se aw ma bari Isirayɛli ni Zuda mara mɔgɔw ye kojugu kɛ, u ye *Baali sɔn k'ale dusu dimi.

Yeremi 22:8

«Siya caaman tɛmɛtɔ dugu nin gɛrɛfɛ bena to k'a fɔ ɲɔgɔnw ye ko: ‹Mun na Masaba ye duguba nin kɛ ten?›

Yeremi 39:16

«Ta'a fɔ Etiyopika Ebɛdimelɛki ye ko ne Masaba, Setigi, Isirayɛli ka Ala ko: ‹Ne ye koo minw fɔ dugu nin kosɔn, ne bena o kɛ a la. A ka bɔnɛko lo, a ka hɛrɛko tɛ. O bɛɛ bena kɛ i ɲana o loon.

Yeremi 44:23

Nin bɔnɛ nin be sera aw ma bii bari aw ye joow sɔn ka Masaba hakɛ ta, aw ma mɛnni kɛ a fɛ, aw m'a ka sariyaw n'a ka latigɛkow bato.»

Yeremi 50:7

Mɔgɔ o mɔgɔ y'u sɔrɔ, o tigi tun b'u halaki. U juguw tun b'a fɔ ko: ‹An ma kojugu kɛ, bari u ye Masaba hakɛ ta, ale min ye tilenninya bɔyɔrɔ, ani u faaw ka jigilayɔrɔ ye.›

Kasikan 2:17

Masaba tun ye min ŋaniya ta, a y'o kɛ. A tun ye min fɔ kabini fɔlɔfɔlɔ, a y'o kɛ. A y'i halaki, a yɛrɛ ma hinɛ. A ye e juguw nisɔndiya, i halakili kosɔn. A ye dɔ fara e juguw barika kan.

Rɔmukaw 2:5

E ka dusugwɛlɛya n'i ka murutili kosɔn, e be dɔ fara Ala ka dimi kan, sanni o dimi nin kiti tilennin loon ka se.

Rɔmukaw 3:19

An y'a lɔn ko sariya be fɛɛn minw bɛɛ fɔ, a b'o fɔ mɔgɔw ye minw b'a ka fanga kɔrɔ, janko mɔgɔ si kana se ka foyi fɔ, ani mɔgɔ bɛɛ ka jalaki Ala ɲakɔrɔ.

Sariya 29:25

U tagara fɛɛn wɛrɛw bato k'u kunbiri gwan u kɔrɔ, u tun te minw lɔn, Masaba do tun ma o sira di u ma.