Yeremi 4:8 - ALA KA KUMA

⁸ O la sa, aw ka dusukasifaniw don aw kaan na, ka kasi ka ŋunan, bari, Masaba diminin be an kɔrɔ kosɔbɛ halibi.

Jula NT of Côte d’Ivoire

⁸ O kosɔn aw ye bɔrɔfaniw don aw yɛrɛ ra; aw ye sukasi kɛ, ka maɲumankokanw fɔ, sabu Matigi Ala ta dimiba tɛna mabɔ anw na.

Yeremi 4:8 Iomraidhean Croise

Zaburu 78:49

A y'a ka dimi n'a ka fariya yira u la. A ye cɛnnikɛmɛlɛkɛw ci k'u halaki.

Ezayi 10:4

Kɛta tena sɔrɔ, fɔɔ ka biri kasodenw cɛma, walima ka to suuw cɛma. O n'a ta bɛɛ, Masaba ka dimi ma ban, halibi, a bolo wilinin be sanfɛ.

Ezayi 13:6

Aw ka sangakasi kɛ! Masaba ka loon surunyana, halakili be nana ka bɔ Setigi fɛ.

Ezayi 22:12

O loon na, Matigi, Masaba, Setigi y'aw wele ko aw ka kasi kosɔbɛ, k'aw kuun li, ka dusukasifani don aw kaan na.

Ezayi 32:11

Aw muso miiribaliw ka yɛrɛyɛrɛ, kojatibaliw ka yɛrɛyɛrɛ kosɔbɛ! Aw ka fani bɔ aw yɛrɛ la ka dusukasifani siri aw cɛ la.

Ezayi 5:25

O kama, Masaba dusu dimina a ka jama kɔrɔ, a y'a bolo kɔrɔta k'u bugɔ. Kuluw yɛrɛyɛrɛla, u suuw tora siradaw la i ko ɲamaɲama. O n'a ta bɛɛ, a ka dimi ma nɔgɔya, a bolo be sanfɛ halibi.

Ezayi 9:12

Nga jama ma kɔsegi u bugɔbaga ma. U ma Masaba, Setigi yɔrɔ ɲini.

Ezayi 9:17

Bari juguya ka fari i ko tasuma. A be ŋɔniw jɛni ka tuu mana, sisiba be wili sankolo la.

Yeremi 25:34

Aw ye kasi, jama marabagaw, aw ye kule! Aw ye kolonkolon duguma, jama ɲamɔgɔw. Bari aw fagatuma sera, aw bena faga i ko sagajigi kɔgɔninw.

Yeremi 30:24

Masaba b'a fɛ ka min kɛ, n'a m'o kɛ ka dafa, a ka dimikojugu te tɛmɛ. Loon dɔ, aw bena na o koow faamu.

Yeremi 48:20

Mowabu maloyara, a jigi tigɛra. Aw ka kule ka kasi! Aw ka wango la Arinɔn kɔɔ daa la ko Mowabu halakira!

Yeremi 6:26

«Ne ka mɔgɔw, aw ka dusukasifani don aw kanna, ka kolonkolon bugurigwɛ kɔnɔ. Aw ka sanga kɛ i ko mɔgɔ min dencɛ kelen le sara. Aw ye kasi kosɔbɛ bari yanni dɔɔni an halakibagaw bena na».

Kasikan 1:12

«Aw minw bɛɛ be tɛmɛna sira kan, aw ka filɛli kɛ, k'a ye ko tɔɔrɔ min be an kan, ko a ɲɔgɔn be sɔrɔ wa? Masaba ye min la an kan a dusu gwanlon na.

Ezekiyɛli 21:12

N'u y'i ɲininga ko i be ŋunanna mun kosɔn, i k'u jaabi ko kibarujugu bena se, o kosɔn, mɔgɔw bɛɛ jaa bena tigɛ, u barika bena ban, u fari bena faga, u kunbiri bena kɛ jii ye. Ɔnhɔn, a be nana! A bena kɛ tiɲɛ na. Ne Matigi, Masaba le ko ten.»

Ezekiyɛli 30:2

«Adamaden, kirayakuma fɔ ko Matigi, Masaba ko: ‹Aw ka kasi k'a fɔ ko: Bɔnɛ bena se aw ma o loon na.

Yowɛli 1:13

Sarakalasebagaw, aw ka dusukasifaniw don ka kasi. Aw minw be baara kɛ sarakabɔyɔrɔ la, aw ka kasi kosɔbɛ. Aw minw bɛɛ be baara kɛ ne ka Ala ye, aw ka si ni dusukasifaniw ye aw kaan na. Bari, suman sarakaw ni jii te sɔrɔla aw ka Ala ka soo kɔnɔ tugu.

Amɔsi 8:10

Ne ben'a kɛ aw ka ɲanagwɛw be yɛlɛma ka kɛ sangaw ye. Aw ka dɔnkiliw bɛɛ bena yɛlɛma ka kɛ kasi ye. Ne ben'a kɛ bɛɛ be dusukasifani don, k'u kuunw li. O bena kɛ i ko dencɛ kelenpe sayako. A laban bena kɛ lonjugu ye.»

Mise 1:16

Aw k'aw kunsigiw tigɛ, aw k'aw kuun li aw deen kanuninw ka saya kosɔn! Aw k'aw kuun kɛ i ko duga ta. Bari, u bena aw deen nunu minɛ ka taga n'u ye yɔrɔjan.

Jateri 25:4

A y'a fɔ Musa ye ko: «I ka jama ɲamɔgɔw bɛɛ minɛ k'u faga kɛnɛ kan ne Masaba ɲakɔrɔ, janko ne dusu ka suma Isirayɛlidenw kɔrɔ, bari ne diminin be kosɔbɛ.»