Yeremi 4:7 - ALA KA KUMA

⁷ Jara bɔr'a layɔrɔ la, siyaw halakibaga ye taama daminɛ. A bɔr'a ka sigiyɔrɔ la, waasa ka na aw ka jamana kɛ tomo ye. A bena aw ka dugubabaw halaki k'o mɔgɔw ban.

Jula NT of Côte d’Ivoire

⁷ «Jara panna ka bɔ a dogoyɔrɔ ra; siyaw halakibaga bɛ nana yi. A bɔra a ta so, ka na aw ta jamana cɛn k’a kɛ yɔrɔ lakolon ye; aw ta duguw bɛna halaki, mɔgɔ tɛna sɔrɔ o duguw kɔnɔ tuun.

Yeremi 4:7 Iomraidhean Croise

Mas 2nan 24:1

Yoyakimu ka tile la, Babilɔni masacɛ Nabukodonozɔri nana don Zuda mara la. A sera Yoyakimu kɔrɔ, a tor'a bolo fɔɔ saan saba. Nga Yoyakimu murutir'a ma tugu.

Mas 2nan 25:1

Sedesiyasi ka masaya saan kɔnɔntɔnnan kalo tannan tile tannan loon, Babilɔni masacɛ Nabukodonozɔri wilila ka na n'a ka kɛlɛdenw bɛɛ ye Zeruzalɛmu kama. U nana sigi a dafɛ ka bɔgɔ cɛ k'o tonton dugu laminikogo kɔrɔ k'a lamini.

Ezayi 1:7

Aw ka jamana halakira, aw ka duguw jɛnina. Aw yɛrɛw ɲana, lonanw b'aw ka forow fonna. U cɛnnin lo, i ko siya wɛrɛw y'a ɲagami.

Ezayi 5:9

Ne ye kuma min mɛn ka bɔ Masaba, Setigi fɛ, n'a y'a fɔ k'a gwɛlɛya, o filɛ ko: «Soo caaman bena kɛ yɔrɔlakolon ye, soɲumanɲuman nunu, sobaba nunu, mɔgɔ tena sɔrɔ u kɔnɔ.

Ezayi 6:11

Ne y'a fɔ ko: «Fɔɔ waati jumɛn sa, Matigi?» A ye ne jaabi ko: «Fɔɔ ni duguw cira, mɔgɔ kana sɔrɔ u kɔnɔ, mɔgɔ kana sɔrɔ boonw kɔnɔ, dugukolo ka cɛn ka kɛ dusukasiyɔrɔ ye.»

Yeremi 2:15

Jaraw ŋunanna olu kama kosɔbɛ. U y'u ka jamana halaki, u ka duguw jɛnina, u lakolon lo.

Yeremi 22:6

Bari Masaba b'a fɔra Zuda mara masacɛ ka boon kosɔn ko: «I ka ɲi ne ɲana i ko Galaadi mara, ani Liban jamana kuluyɔrɔ. O bɛɛ n'a ta, ne bena i kɛ i ko kongokolon, i bena kɛ i ko dugu, mɔgɔ te min kɔnɔ.

Yeremi 22:7

Ne be cɛnnikɛla dɔw labɛnna i kama. U kelen kelen bɛɛ be n'u ka kɛlɛkɛminanw ye. U bena i ka sɛdiriyiribabaw ɲumamanw tigɛ k'u don tasuma kɔnɔ.

Yeremi 25:38

A be bɔra i ko jara be bɔ a layɔrɔ la cogo min. U ka jamana be kɛra dusukasiyɔrɔ ye, murujan fariya kosɔn, Masaba dimikojugu fɛ.

Yeremi 25:9

ne ben'a to kɔgɔdugu ɲafan siyaw bɛɛ k'u lajɛn Babilɔni masacɛ Nabukodonozɔri, ne ka baarakɛla kɔ, ka wili jamana nin, n'a kɔnɔ mɔgɔw ani a gɛrɛfɛsiyaw bɛɛ kama. Ne bena u halaki pepewu ka yɔrɔ nin kɛ dusukasi ni kaba ani lɔgɔbɔyɔrɔ ye. A bena kɛ tomo ye tuma bɛɛ. Ne Masaba le ko ten!

Yeremi 26:9

Mun na i be kiraya kɛ Masaba tɔgɔ la k'a fɔ ko soo nin bena kɛ i ko Silo, ani ko dugu nin bena halaki a lakolon be to?» Jama bɛɛ girinna ka Zeremi lamini Masaba ka soo kɔnɔ.

Yeremi 27:8

« ‹Ni siya min, walima ni jamana min banna ka Babilɔni masacɛ Nabukodonozɔri ka zuu ta, o kɔrɔ ko ka ban ka baara kɛ a ye, ne bena olu ɲaa gwan ni murujan ni kɔngɔ ani fɔɲɔbana ye, fɔɔ ne ka tɛmɛ ale fɛ k'u sii tunu. Ne Masaba le ko ten.

Yeremi 33:10

«Masaba ko: ‹Aw b'a fɔra ko yan ye dusukasiyɔrɔ ye, ko mɔgɔ te yen, begɛn te yen. Nga Zuda mara duguw kɔnɔ, ni Zeruzalɛmu bɔlɔnw kɔnɔ, mɔgɔ ni begɛn te yɔrɔ minw na, ɲanagwɛ ni nisɔndiyaba mankan, ani kɔɲɔcɛ ni kɔɲɔmuso ka dɔnkililakan bena mɛn yen tugu, ni mɔgɔw dɔnkililakan minw be tagara foli saraka bɔ Masaba ye a ka soo kɔnɔ ka to k'a fɔ ko: Aw ka barika la Masaba, Setigi ye, bari a ka ɲi, a ka ɲumanya te ban abada. Tiɲɛ na, ne bena jamana nin lalaga kura ye, k'a kɛ i n'a fɔ fɔlɔ.› Masaba le ko ten.

Yeremi 34:22

Ne bena sira di o be kɔsegi ka na dugu nin kama. U ben'a kɛlɛ ka se a kɔrɔ, u ben'a jɛni. N bena Zuda mara duguw kɛ dusukasiyɔrɔ ye, mɔgɔ te yɔrɔ min na. Ne Masaba le ko ten.»

Yeremi 4:29

Dugu mɔgɔw bɛɛ be bolila sotigiw ni kalatigiw ka mankan ɲa. U be boli ka don tuuw kɔnɔ, ka yɛlɛ faraw kan. O ye dugu bɛɛ labila. Mɔgɔ te dugu kɔnɔ tugu.

Yeremi 44:2

Masaba, Setigi, Isirayɛli ka Ala ko: «Ne ye sigɛn min bɛɛ la Zeruzalɛmu ni Zuda mara dugu tɔw bɛɛ kan, aw y'o ye. U kɛra tomow ye bii, mɔgɔ si te yen.

Yeremi 46:18

Masacɛ min tɔgɔ ko Masaba, Setigi, ale lo ko: «Ka ne to yen, Tabɔri kulu ka jan kuluw cɛma cogo min na, Karimɛli kulu ka jan kɔgɔjida la cogo min na, jugu bena na ten fana.

Yeremi 49:19

Ɲatugu n'a yɛlɛ cɛ, ne bena edɔmuw gwɛn ka bɔ yen i ko jara bɔtɔ Zurudɛn tuba kɔnɔ ka taga yɔrɔ dɔ, a be fɛɛnw sɔrɔ yɔrɔ min na tuma bɛɛ. O kɔ, ne ye min woloma, ne bena ale sigi o yɔrɔ kunna. Jɔn ni ne ka kan? Jɔn be se ka ne ɲininga? Ɲamɔgɔ jumɛn be se ka lɔ ne ɲa?»

Yeremi 5:6

O kama, jara be bɔ tuba kɔnɔ k'u faga, kongowulu be bɔ kongo la k'u halaki, waraninkala dogora u ka dugu kɔrɔ, ni mɔgɔ o mɔgɔ bɔra, a b'o tigi faranfaran. Bari u ka murutiko cayara, u ka tilenbaliya ye barika sɔrɔ.

Yeremi 50:17

Isirayɛlidenw be i ko saga tununinw, jaraw y'u gwɛn. Asiri masacɛ le kɔnna k'u minɛ, o kɔ, Babilɔni masacɛ Nabukodonozɔri y'u halaki fɔɔ k'u kolo ci.»

Yeremi 50:44

Ɲatugu n'a yɛlɛ cɛ, ne bena Babilɔnikaw gwɛn ka bɔ yen i ko jara bɔtɔ Zurudɛn tuba kɔnɔ ka taga yɔrɔ dɔ, fɛɛnw be min la tuma bɛɛ. O kɔ, ne ye min woloma, ne bena ale sigi o yɔrɔ kunna. Jɔn ni ne ka kan? Jɔn be se ka ne ɲininga? Marabaga jumɛn be se ka lɔ ne ɲa?»

Yeremi 8:16

U ka soow mankan be mɛnna Dan mara faan fɛ. U ka soo cɛmanw kasikan fɛ, dugukolo bɛɛ be yɛrɛyɛrɛla. U be nana jamana halakiyɔrɔ, n'a kɔnɔfɛnw bɛɛ, ni dugu n'a kɔnɔ mɔgɔw bɛɛ.»

Yeremi 9:11

Jɔn ye lɔnnikɛla ye n'a be nin faamu? Masaba kumana min fɛ, o tigi ka nin fɔ. Mun na jamana kɛra tomo ye, ka jɛni fɔɔ k'a kɛ lakolon ye ni mɔgɔ te tɛmɛna yen tugu?

Ezekiyɛli 12:20

Mɔgɔ be dugu minw kɔnɔ, olu bena kɛ tomo ye, jamana bena kɛ yɔrɔlakolon ye. O tuma na, aw ben'a lɔn ko ne ye Masaba le ye.»

Ezekiyɛli 21:31

Ne Matigi, Masaba ko aw ka fani melekenin foni ka bɔ a kuun na, aw ye masafugulan bɔ a kuun na. Yɛlɛmani bena don: Mɔgɔ min majiginin lo, o bena boɲa sɔrɔ, min ye boɲa sɔrɔ, o bena majigi.

Ezekiyɛli 32:2

«Adamaden, dusukasidɔnkili la Ezipiti masacɛ kosɔn k'a fɔ a ye ko: ‹E tun be i ko jara, siyaw cɛma. I tun be i ko banba. I tun be firinfirin i ka bajiw kɔnɔ, i seenw tun be jii ɲagami k'a duuru.› »

Daniyɛli 5:19

A ye boɲa min d'a ma, o le kɛra sababu ye siyaw bɛɛ, ni maraw bɛɛ mɔgɔw tun be yɛrɛyɛrɛ a ɲafɛ siranya bolo. N'a tun b'a fɛ ka mɔgɔ min faga, a b'o faga. N'a tun b'a fɛ ka min to nii na, a b'o to. N'a tun b'a fɛ ka mɔgɔ min kɛ mɔgɔbaba ye, a b'o kɛ. N'a tun b'a fɛ ka min majigi, a b'o majigi.

Daniyɛli 7:4

Sogo fɔlɔ bɔnin tun be jara fɛ. Sɛgɛn gaman tun b'a fɛ. Ka n to a filɛli la, a gamanw bɔnna ka bɔ a la, a wilila ka lɔ a seen fila kan i n'a fɔ adamaden. A fana ye adamaden ka dusukun sɔrɔ.

Sarakalasebagaw 26:31

Ne bena aw ka dugubabaw kɛ yɔrɔlakolonw ye k'aw ka batolikɛyɔrɔw cɛn. Aw ka sarakaw kasa diman tena diya ne ye tugu.

Sarakalasebagaw 26:33

Ne bena aw jɛnsɛn siyaw cɛma ka murujan bila aw nɔɔ fɛ. Aw ka jamana bena cɛn, aw ka dugubabaw bena kɛ yɔrɔlakolon ye.