Yeremi 4:6 - ALA KA KUMA

⁶ K'u ka taamasiɲɛ dɔ kɔrɔta *Siyɔn sanfɛ. K'u ka boli, u kana lɔ. Bari ne bena balawu ci ka bɔ kɔgɔdugu ɲafan fɛ, halakiliba lo.»

Jula NT of Côte d’Ivoire

⁶ Aw ye tagamasiyɛn dɔ kɔrɔta ka Siyɔn dugu fan yira! Aw ye bori, aw kana lɔ! Sabu ne bɛna kojugu dɔ lana ka bɔ sahiliyanfan fɛ; o bɛna kɛ cɛnriba le ye.

Yeremi 4:6 Iomraidhean Croise

Ezayi 62:10

Zeruzalɛmukaw, aw ye bɔ! Aw ye bɔ, ka sira bɔ nabagaw ye. Aw ka sira dingɛyɔrɔw datugu. Aw ka kabakuruw walo ka bɔ yen. Aw ka taamasiɲɛ bila siya wɛrɛw ye!

Yeremi 10:22

Kibaru dɔ be bɔra ka na an fɛ! Mankanba dɔ be bɔra kɔgɔdugu ɲafan jamana na! Zuda mara duguw cibagaw lo, u ben'u kɛ dusukasiyɔrɔ ye, u ben'u kɛ kongowuluw layɔrɔ ye.

Yeremi 18:11

«O la do, a fɔ Zeruzalɛmukaw ni Zuda mara mɔgɔw ye ko ne Masaba le ko ne be balawu labɛnna u kama. Ko ne be koo dɔ latigɛra u kama. Ko u k'u ka taamacogojugu dabila, ka yɛlɛmani don u ka kɛwaliw la.

Yeremi 21:7

O kɔ, mɔgɔ minw kisira dugu nin kɔnɔ fɔɲɔbana, ni murujan ani kɔngɔ ma, ne bena olu ni Zuda mara masacɛ Sedesiyasi n'a ka dakɔrɔsigiw don Babilɔni masacɛ Nabukodonozɔri bolo. N bena u don u juguw bolo, minw b'a fɛ k'u faga. A bena u halaki ni murujan ye. A tena makari u la fewu.›

Yeremi 22:7

Ne be cɛnnikɛla dɔw labɛnna i kama. U kelen kelen bɛɛ be n'u ka kɛlɛkɛminanw ye. U bena i ka sɛdiriyiribabaw ɲumamanw tigɛ k'u don tasuma kɔnɔ.

Yeremi 25:9

ne ben'a to kɔgɔdugu ɲafan siyaw bɛɛ k'u lajɛn Babilɔni masacɛ Nabukodonozɔri, ne ka baarakɛla kɔ, ka wili jamana nin, n'a kɔnɔ mɔgɔw ani a gɛrɛfɛsiyaw bɛɛ kama. Ne bena u halaki pepewu ka yɔrɔ nin kɛ dusukasi ni kaba ani lɔgɔbɔyɔrɔ ye. A bena kɛ tomo ye tuma bɛɛ. Ne Masaba le ko ten!

Yeremi 4:21

Fɔɔ tuma jumɛn ne bena to ka kɛlɛkɛtaamasiɲɛ ye ani ka buru fiyɛkan mɛn?

Yeremi 50:2

«Aw k'a wango la k'a fɔ siyaw cɛma, aw k'a yira ni taamasiɲɛ ye. Aw k'a fɔ, aw kan'a si dogo. Aw k'a fɔ ko: ‹Babilɔni minɛna, u ka joo Bɛli maloyara, u ka joo Maraduki hakili ɲagamina. U ka joow maloyara, u ka joow hakili ɲagamina.›

Yeremi 50:22

Kɛlɛ mankan be jamana kɔnɔ, cɛnniba lo!

Yeremi 51:12

Aw ye taamasiɲɛ wili Babilɔni laminikogo ciko kama! Aw ka kɔlɔsilikɛlaw sigi, aw ye dɔ fara aw ka kɔlɔsilikɛlaw kan, aw ye kɛlɛden dɔw dogo aw juguw ɲa! Masaba ye ŋaniya ta Babilɔnikaw kama. A ye min fɔ, a bena o kɛ.

Yeremi 51:27

Aw ye taamasiɲɛ wili jamana kɔnɔ! Aw ye buru fiyɛ siyaw cɛma! Ka siyaw kafo a kama. Ka jamana nunu mɔgɔw wele a kama: Arara, ni Minni, ani Asikenazi. Aw ye kɛlɛɲamɔgɔw labɛn a kama. Soow ka caya i ko tɔɔn, ka ta'a kama.

Yeremi 51:54

Kulekan be bɔra Babilɔni, cɛnniba mankan be bɔra Babilɔni jamana kɔnɔ.

Yeremi 6:1

«Bɛnzamɛn kɔmɔgɔw, aw ye boli ka bɔ Zeruzalɛmu kɔnɔ! Aw ka buru fiyɛ Tekowa, ka taamasiɲɛ dɔ wili sanfɛ ka lɔ Bɛtikɛrɛmu kunna! Bari bɔnɛ bena bɔ kɔgɔdugu ɲafan fɛ, halakiliba lo.

Yeremi 6:22

Masaba ko: «Siya dɔ natɔ filɛ nin ye ka bɔ kɔgɔdugu ɲafan fɛ. Siyaba lo, u wilila ka bɔ diɲɛ daan na.

Ezekiyɛli 9:1

O kɔ, Ala pɛrɛnna ne tulo kɔrɔ ko: «Aw minw ka kan ka dugu nin ɲaa gwan, aw ye na! Aw kelen kelen bɛɛ ka na n'a ka kɛlɛkɛminan ye a bolo.»

Ezekiyɛli 9:2

Ayiwa, Alabatoso donda min be sanfɛ, kɔgɔdugu ɲafan fɛ, ne ye mɔgɔ wɔɔrɔ natɔ ye ka bɔ o faan fɛ, u kelen kelen bɛɛ n'a ka kɛlɛkɛminan ye u bolo. Mɔgɔ dɔ tun be u cɛma, fani ɲanaman be o kaan na, sɛbɛnnikɛminanw tun b'a gɛrɛn na. U donna ka lɔ sarakabɔyɔrɔ ziralaman gɛrɛfɛ.

Sofoni 1:10

Ne Masaba ko: O loon na, kasikanba bena bɔ Jigɛminɛyɔrɔ donda la, kulekan bena bɔ Cinkura kɔnɔ, mankanba bena bɔ kuluw kan.

Jakariya 6:6

Sofin nunu y'u ka wotoro sama k'u ɲaa sin kɔgɔdugu ɲafan fɛ, gwɛmanw tugura olu kɔ. Nga tɔnitɔninin wuleman nunu y'u kuun sin worodugu ɲafan fɛ.