Yeremi 4:11 - ALA KA KUMA

¹¹ O waati la, u ben'a fɔ siya nin ani Zeruzalɛmukaw ye ko: «Fɔɲɔ gwanninman dɔ be nana ka bɔ kulujanw kan, kongokolon kɔnɔ. A be nana n ka mɔgɔw kan, suman fiyɛta tɛ.

Jula NT of Côte d’Ivoire

¹¹ O wagati ra, o bɛna a fɔ nin mɔgɔw, ani Zeruzalɛmukaw ye ko: «Fɔɲɔ gbanninman dɔ bɛ fiyɛra ka bɔ kongokolon kuruw kunna. A bɛ nana ne ta mɔgɔw fan le fɛ; simangbasi fɔɲɔ tɛ, simanfiyɛ fɔɲɔ tɛ.

Yeremi 4:11 Iomraidhean Croise

Zaburu 11:6

A be takami ni kiribi bɔn mɔgɔjugu kan. Cɛnnikɛfɔɲɔ le y'u niyɔrɔ ye.

Ezayi 22:4

Ayiwa, sisan, aw ye ne to, n be kasi kosɔbɛ. Aw kana aw yɛrɛ sigɛn ka ne dusu saalo ne ka mɔgɔw halakiko la.

Ezayi 27:8

A y'u kiti, k'u gwɛn. A dalafɔɲɔ barikaman y'u ta i ko fɔɲɔ, ka bɔ kɔrɔn fɛ.

Ezayi 41:16

Aw bena u fiyɛ, fɔɲɔ be taga n'u ye, funufunu bena u jɛnsɛn. Aw kɔni, aw bena nisɔndiya ne Masaba kosɔn. Ne, Isirayɛli ka Ala kosɔn, aw bena kunkɔrɔta sɔrɔ.

Ezayi 64:6

Mɔgɔ si t'i daali tugu, mɔgɔ si te jijara ka nɔrɔ i la yɛrɛ. Bari, e y'i yɛrɛ dogo an na, i y'an to an be halakira an ka kojuguw kosɔn.

Yeremi 13:24

«Ne Masaba bena aw yɛrɛkɛ i ko kongo kɔnɔ fɔɲɔ be kala murumuru yɛrɛkɛ cogo min na.

Yeremi 14:17

Masaba ko: «I bena nin fɔ u ye ko: ‹Ne ɲaji be woyora suu ni tile, a te lɔra. Bari, bɔnɛ ye ne ka jama sɔrɔ, ne diyanamɔgɔw mandimina kosɔbɛ.

Yeremi 23:19

«Sanfɔɲɔba dɔ wilila! Masaba ka dimi lo. A fariyara ka kɛ fununfunun ye mɔgɔjuguw kunna.

Yeremi 4:12

Fɔɲɔba lo, n be bɔra n'a ye yanfɛ. Sisan, ne yɛrɛ le bena kiti tigɛ u kan.»

Yeremi 8:19

Ne ka mɔgɔw kasikan be bɔra k'u to fɔɔ yɔrɔjan. U ko: «Masaba te *Siyɔn dugu kɔnɔ tugu wa? Dugu masacɛ te yen tugu wa?» Mun na mɔgɔ nunu be ne dusu dimi n'u ka josɔnko ye? Joo minw ye siya wɛrɛw ta ye.

Yeremi 9:1

Ni lonanjigiso tun be ne tɔgɔ la kongokolon kɔnɔ, ne be se ka bɔ n ka mɔgɔw cɛma ka taga yɔrɔ min na, o tun be diya ne ye! Bari, u bɛɛ kɛra kakalaw ye, janfamɔgɔw lo.

Yeremi 9:7

U nɛɛn kɛra biɲɛ fariman ye, u ka fɔta ye namara ye. U be hɛrɛ laɲini ɲɔgɔn ye n'u daa ye, k'a sɔrɔ u be jaan la ɲɔgɔn kama.

Kasikan 2:11

Ne ɲaden misɛnyara kasi bolo, ne kɔnɔ gwannin be. Ne fanga banna pewu. Bari, ne ka siya halakira. Denmisɛnw ni sinmindenw be nagasira dugu bɔlɔnw kɔnɔ.

Kasikan 3:48

Ne ɲaji be woyo i ko kɔɔ bari ne ka siya halakira.

Kasikan 4:10

Denbaɲumanw y'u deenw tobi. U kɛra dumuni ye u fɛ ne ka jama halakiwaati la.

Kasikan 4:3

Kongowuluw n'u ka juguya bɛɛ, u be siin di u deenw ma. Nga ne ka jama ka jugu i ko kɔnɔsogolon, kongokolon kɔnɔ.

Kasikan 4:6

Ne ka jama ye kojugu minw kɛ, olu boɲana ni Sodɔmu dugu ta ye. Dugu min halakira yɔrɔnin kelen, ni mɔgɔ bolo ma se a ma.

Ezekiyɛli 17:10

Hali ni yirisun nin tun tutura, a tena yiriwa. Ni fɔɲɔ ser'a ma ka bɔ kɔrɔn fɛ, a bena ja pewu. Tiɲɛ na, a bena ja a tutuyɔrɔ yɛrɛ la.»

Ezekiyɛli 19:12

Nga a bɔnna yen ni dimiba ye ka fili duguma. Fɔɲɔ bɔra kɔrɔn fɛ k'a deenw ja, u benna, a bolo barikamanw jara, tasuma y'u jɛni.

Oze ta kitabu 13:15

Efarayimu kɔmɔgɔw ka koow mana yiriwa cogo o cogo u badenw cɛma, fɔɲɔ bena bɔ kɔrɔn fɛ ka na, Masaba ka fɔɲɔ bena bɔ kongokolon faan na. Jii bɔyɔrɔw ni kɔlɔnw bena ja. U bena u ka nafolo n'u ka fɛnɲuman bɛɛ ta ka taga.»

Oze ta kitabu 13:3

O kama, u bena kɛ i ko sɔgɔma kabaforoko, i ko komiji min be tunu. U bena kɛ i ko sumanɲaga, min be ta fɔɲɔ fɛ k'a yɔrɔ jaɲa sumanbugɔyɔrɔ la, i ko sisi min be bɔra soo kɔnɔ.

Oze ta kitabu 4:19

Fɔɲɔ le bena u ta ka taga n'u ye. U bena maloya sɔrɔ u ka josɔn kama.

Habakuki 1:11

O kɔ, u be tɛmɛ u ka sira fɛ i ko fɔɲɔba. Fɛnjuguw lo, u ka fanga le y'u ka Ala ye.»

Habakuki 1:6

Ayiwa, ne bena Babilɔnikaw bila aw la. O siya nin ka jugu, u ka fari, u be taga yɔrɔ bɛɛ diɲɛ kɔnɔ ka mɔgɔw ka yɔrɔw minɛ.

Matiyu 3:12

A ka sumanfiyɛminan b'a bolo. A ben'a ka *bile gosinin fiyɛ k'a kisɛ don a ka bondo kɔnɔ k'a ɲaga jɛni tasuma fagabali la.»

Luka 3:17

A ka sumanfiyɛminan b'a bolo. A ben'a ka *bile gosinin fiyɛ k'a kisɛ don a ka bondo kɔnɔ k'a ɲaga jɛni tasuma fagabali la.»