Yeremi 4:1 - ALA KA KUMA

¹ «Isirayɛlidenw, n'aw kɔsegira ne ma, ne Masaba le ko ten, n'aw y'aw ka joow fili ka bɔ ne ɲakɔrɔ, n'aw te yaalayaala aw kunfɛ tugu,

Jula NT of Côte d’Ivoire

¹ «E, Izirayɛli, ni aw ka sekɔ ka na, Matigi Ala ko ten, ni aw ka sekɔ ka na ne fɛ, ni aw ka aw ta fɛn haramuninw bɛɛ bɔ ne ɲa kɔrɔ, ni aw ma to ka yaala ka taga fan bɛɛ ra tuun,

Yeremi 4:1 Iomraidhean Croise

Damina 35:2

O la, Yakuba y'a fɔ a ka somɔgɔw ni a ka mɔgɔw bɛɛ ye ko: «Siya wɛrɛw ka joo minw be aw fɛ, aw k'o bɛɛ fili, k'aw yɛrɛ saniya, ka fani wɛrɛw don.

Mas 2nan 23:13

Masacɛ Solomani tun ye sɔnnikɛyɔrɔ minw lɔ Zeruzalɛmu kɔrɔn fɛ, u be kulu min wele Cɛnnikɛyɔrɔ, o worodugu ɲafan fɛ, n'o ye Sidɔnkaw ka jojugu Asitarite ta ye, ni mowabuw ka jojugu Kemɔsi ta, ani amoniw ka jojugu Milikɔmu ta, masacɛ ye olu cɛn.

Mas 2nan 23:24

Ka fara o kan, Zoziyasi ye sukɔrɔ welebagaw ni lagwɛlikɛlaw gwɛn. Fɛɛn jaa minw tun dilanna ka bila, a y'o cɛn. Joo ni fɛnjugu minw tun be Zuda mara kɔnɔ, ani Zeruzalɛmu, a ye olu bɛɛ cɛn, janko ka sariya kitabu nin kɔnɔnakuma bato, sarakalasebaga Ilikiyawu tun ye min ye Masaba ka soo kɔnɔ.

Lok 2nan 15:8

Aza ye Odɛdi dencɛ kira Azariya, ka kirayakuma nin mɛn tuma min na, a ye jagwɛlɛya sɔrɔ. A ye joow bɔ yɔrɔ bɛɛ Zuda ni Bɛnzamɛn maraw la, n'a tun ye dugu minw minɛ Efarayimu kuluyɔrɔ la. Masaba ka sarakabɔyɔrɔ min tun be Masaba ka bulonda ɲafɛ, a y'o lalaga.

Lok 2nan 33:8

Ko ni Isirayɛlidenw banbana k'ale k'a fɔta bɛɛ bato sariyaw, n'a ka latigɛtaw, ani a ka ɲinitaw faan fɛ, a tɛmɛna Musa fɛ ka min di u ma, ko ale tena u gwɛn ka bɔ jamana nin kɔnɔ tugu, ale tun y'a latigɛ ka min di u faaw ma.

Lok 2nan 34:33

Zoziyasi ye joow bɛɛ bɔ Isirayɛlidenw ka jamana yɔrɔ bɛɛ la, k'a kɛ Isirayɛlidenw bɛɛ ye Masaba u ka Ala bato. Ka Zoziyasi to sii la, u ma u kɔɔ sin Masaba u faaw ka Ala ma.

Ezayi 31:6

Aw Isirayɛlidenw, aw ye Masaba janfa fɔɔ ka tɛmɛ. Aw ye kɔsegi a ma.

Yeremi 15:19

O la, Masaba ko: «N'i segira ne ma, ne bena sɔn i ma, e bena n ka baara kɛ. N'i ye kuma fuw dabila ka to ka kumasɔbɛ fɔ, i bena kɛ ne ka dalaminɛ ye. Ne ka jama bena segi ka ele yɔrɔ ɲini, nga ele kɔni tena olu yɔrɔ ɲini.

Yeremi 15:4

Ne bena u kɛ siranyafɛnw ye jamanaw bɛɛ mɔgɔw fɛ. Zuda mara masacɛ Manase, Ezekiyasi deen ye min kɛ Zeruzalɛmu, o bena kɛ o le kosɔn.

Yeremi 18:11

«O la do, a fɔ Zeruzalɛmukaw ni Zuda mara mɔgɔw ye ko ne Masaba le ko ne be balawu labɛnna u kama. Ko ne be koo dɔ latigɛra u kama. Ko u k'u ka taamacogojugu dabila, ka yɛlɛmani don u ka kɛwaliw la.

Yeremi 24:9

Ne mana u gwɛn ka taga jamana o jamana la, ne bena u kɛ siranyafɛnw ye, maloyafɛnw, yɛlɛbɔfɛnw, lɔgɔbɔfɛnw ani dangafɛnw ye.

Yeremi 25:5

O tun y'a fɔ aw ye ko: ‹Aw kelen kelen bɛɛ k'aw ka sirajugu taama n'aw ka kɛwalijuguw dabila, o la, Masaba tun ye dugukolo min di aw n'aw faaw ma. Kabini tumajan, aw bena to o kan tuma bɛɛ.

Yeremi 3:1

«Ni cɛɛ y'a muso furu sa, n'a fana tagara furu cɛɛ wɛrɛ ma, cɛɛ fɔlɔ nin be se ka segi ka ta'a minɛ tugu wa? Ayi, o bena jamana nɔgɔ. Isirayɛlidenw, aw minw ye kakalaya kɛ ni fɛɛn caaman ye, aw be tila k'a fɔ ko aw bena segi ne fɛ tugu wa? Ne Masaba le ko ten.

Yeremi 3:12

Taga wango la kɔgɔdugu ɲafan fɛ ko: Isirayɛli mara mɔgɔ tilenbaliw, sɔn ne ma. Ne Masaba le ko ten. Ne tena n ɲaa sisi aw ma tugu, bari, ne ye makaritigi ye. Ne Masaba le ko ten. Ne diminin tena to kudayi.

Yeremi 3:14

«Deen tilenbali nunu! Aw ye sɔn ne ma. Ne Masaba le ko ten. Bari, ne le ye aw tigi ye. Ne bena mɔgɔ kelen bɔ dugu dɔ la, ka fila bɔ fadenyabolo dɔ la, ka na n'aw ye *Siyɔn dugu kɔnɔ.

Yeremi 3:22

«Deen tilenbali nunu! Aw ye segi. Ne bena aw dɛmɛ ka tilenbaliya dabila.» Tiɲɛ na, an be nana i fɛ, bari e le ye Masaba ye, an ka Ala.

Yeremi 35:15

Ne tora ka n ka baarakɛlaw, kiraw ci aw ma. U y'a fɔ aw ye ko: Aw kelen kelen bɛɛ ka faran aw ka sirajuguw la, k'aw ka kɛtaw yɛlɛma. Aw kana boli batofɛn wɛrɛw kɔ k'u bato. O la, ne ye dugukolo min di aw n'aw faaw ma, aw bena sigi o kan. Nga aw ma mɛnni kɛ ne fɛ, aw ma n ka kuma bato.

Yeremi 36:3

Ne ko n bena kojugu min kɛ Zuda mara mɔgɔw la, n'u y'o bɛɛ mɛn, n'a sɔrɔ u kelen kelen bɛɛ bena faran u ka sirajuguw la. O la, ne bena u ka juguya n'u ka hakɛ yafa u ma.»

Yeremi 4:4

Zeruzalɛmukaw, ni Zuda mara mɔgɔw, miirijugu min b'aw dusu la, aw k'o bɔ yen ka kɛ Masaba taw ye. Aw ka kojugu miiri bɔ aw dusu la. N'o tɛ, n dusu bena dimi, a do bena kɛ i ko tasuma aw ma mɔgɔ si tena se ka min faga, aw ka kɛwalijuguw kosɔn.

Yeremi 7:3

Masaba, Setigi, Isirayɛli ka Ala ko aw ka yɛlɛmani don aw taamacogo n'aw ka kɛwaliw la, k'o la, ale ben'a to aw be sigi jamana nin kɔnɔ.

Yeremi 7:5

N'aw y'aw taamacogo n'aw ka kɛwaliw yɛlɛma sɔbɛ la, n'aw be hɔrɔnya kɛ aw mɔgɔɲɔgɔnw faan fɛ,

Yeremi 7:7

ne bɛn'a to aw ka sigi yan yɔrɔ la, ne tun ye jamana min di aw faaw ma kudayi.

Ezekiyɛli 11:18

N'u kɔsegira jamana nin kɔnɔ tuma min na, aw bena u ka josɔnko n'u ka murutiko bɛɛ ban.

Ezekiyɛli 18:13

a be juru don tɔnɔ kama, ka tɔnɔjugu minɛ. Yala o tigi bena to nii na wa? Ayi! A ye kojugu nunu bɛɛ kɛ minkɛ, o kosɔn, a bena faga, siga t'a la. A ka saya hakɛ bena kɛ a yɛrɛ kun.

Ezekiyɛli 43:9

Sisan Isirayɛlidenw bena u ka josɔnko dabila k'u ka masacɛw suuw donyɔrɔ jaɲa ne la. N'o kɛra, ne bena sigi u cɛma kudayi.

Oze ta kitabu 14:1

Samarikaw bena lɔ n'u ka kojugu kunko ye. Bari u murutira u ka Ala ma. U bena faga ni murujan ye, u ka denɲɛninw bena nɔɔni, u bena u ka muso kɔnɔmanw kɔnɔ faran.

Oze ta kitabu 2:2

Zuda mara mɔgɔw, ni Isirayɛli mara taw bena jɛn tugu, ka ɲamɔgɔ kelen woloma ka bila u ɲa. U bena see sɔrɔ jamana kɔnɔ. Bari Ziziriyɛli ka loon bena kɛ lonba ye.

Oze ta kitabu 7:16

Hali n'u kɔsegira, u te kɔsegi ne Fɛɛn bɛɛ kuntigi ma. U kɛra i ko kala min ɲanaman tɛ. U ɲamɔgɔw bena halaki ni murujan ye u ka dabayakuma kosɔn. Ezipitikaw bena yɛlɛ u ma u ka jamana kɔnɔ.

Yowɛli 2:12

Masaba y'a fɔ ko: «Halibi sa, aw ye kɔsegi ne ma sɔbɛ la, aw ye suun don, ka kasi kosɔbɛ.»

Jakariya 1:4

«Aw kana aw faaw ladege dɛ, fɔlɔfɔlɔ kiraw tun ye minw ladi ko: Masaba, Setigi ko: ‹Aw ye sirajugu taama to, k'aw ka kɛwalijuguw dabila. Nga u ma sɔn k'u tulo malɔ o la, u ma ne jati yɛrɛ.› Ne, Masaba le ko ten.

Sariya 27:15

‹Mɔgɔ min be yiri lɛsɛ, walima kabakuru, walima ka nigɛ yeelen k'a kɛ joo ye, k'a sɔn dogo la, o tigi danganin lo. Fɛɛn minw dilanna ni mɔgɔ bolo ye, o man di Masaba ye fewu.› Jama bɛɛ ben'a laminɛ ko: ‹Amiina!›

Sariya 4:30

N'aw nana to dusukasi la, ni o koo nunu bɛɛ sera aw ma tuma min na, waati nataw la, aw bena kɔsegi ka na Masaba aw ka Ala ma ka mɛnni kɛ a fɛ.

Yosuwe 24:14

O kɔ, Zozuwe y'a fɔ u ye ko: «Sisan do aw ka siran Masaba ɲa ka baara kɛ ale ye ni tilenninya ani mɔgɔsɔbɛya ye. Aw faaw tun be joo minw sɔn k'u to Efarati baji kɔfɛ ani Ezipiti jamana na, aw ka olu ta k'u fili, ka Masaba bato.

Kititigɛbagaw 10:16

U ye siya wɛrɛw ka joo nunu ta k'u fili, ani ka Masaba bato. Isirayɛlidenw ka tɔɔrɔ digira Masaba la fɔɔ a ma se k'o muɲu tugu.

Sam fɔlɔ 7:3

Samuyɛli y'a fɔ u bɛɛ ye ko: «N'a kɛra ko aw sɔnna Masaba ma tugu n'aw dusu bɛɛ ye, aw ka *Asitarite, ni siya wɛrɛw ka joo tɔw ta k'o fili, k'aw yɛrɛ di Masaba ma, k'ale kelen bato. N'aw y'o kɛ, a bena aw bɔsi filisiw bolo.»