Yeremi 39:2 - ALA KA KUMA

² A ka saan tan ni kelennan na, o kalo naaninan tile kɔnɔntɔnnan loon, Babilɔnikaw ye woo bɔ dugu laminikogo faan dɔ la.

Jula NT of Côte d’Ivoire

² Sedesiyasi ta masaya san tan ni kelennan na, a karo naaninan na, o karo tere kɔnɔntɔnnan na, o ka wo bɔ kogo ra.

Yeremi 39:2 Iomraidhean Croise

Yeremi 1:3

O kɔ, Masaba kuman'a fɛ tugu Zoziyasi dencɛ Yoyakimu ka tile la Zuda mara kunna, fɔɔ Zoziyasi dencɛ Sedesiyasi saan tan ni kelennan na masaya la Zuda mara kunna, saan nin kalo duurunan na, Zeruzalɛmukaw minɛwaati la ka taga Babilɔni.

Yeremi 32:1

Sedesiyasi ka saan tannan na masaya la Zuda kunna, n'o ye Nabukodonozɔri ka saan tan ni seeginan ye masaya la Babilɔni, Masaba ye kuma min fɔ Zeremi ye, o filɛ.

Yeremi 34:22

Ne bena sira di o be kɔsegi ka na dugu nin kama. U ben'a kɛlɛ ka se a kɔrɔ, u ben'a jɛni. N bena Zuda mara duguw kɛ dusukasiyɔrɔ ye, mɔgɔ te yɔrɔ min na. Ne Masaba le ko ten.»

Yeremi 37:8

Babilɔnikaw bena segi ka na dugu nin kɛlɛ, k'a minɛ, k'a jɛni.›

Yeremi 5:10

«U ka don a ka *ɛrɛzɛnforow la ka halakili kɛ. Nga aw kana o cɛn pepewu. Aw ka ɛrɛzɛn bolow tigɛ. Bari, ne Masaba ta tɛ.

Ezekiyɛli 33:21

An minɛnin kɔ ka taga saan tan ni filanan kalo tannan tile duurunan loon, cɛɛ dɔ min tun kisira ka bɔ Zeruzalɛmu, ale nana ne fɛ ka Zeruzalɛmu dugu minɛko fɔ ne ye.

Ezekiyɛli 4:3

Nigɛ dɔ ta, i b'o bila ele ni dugu cɛ ka kɛ i n'a fɔ nigɛkogo. O kɔ, i b'i ɲaa sin dugu nin ma. O la, a daa be tugu, o be kɛ ele le sababu la. O bena kɛ taamasiɲɛ ye Isirayɛlidenw fɛ.

Ezekiyɛli 5:2

I ka kan ka tileda min kɛ ka dugu datuguko yira, n'o dafara, i be ta'a tilan sabanan kelen jɛni dugu cɛmancɛ la, k'a tilan kelen wɛrɛ ta ka to k'o tigɛtigɛ fɔɔ ka dugu lamini. A tilan sabanan dɔ nin, i b'o fili fɔɲɔ na. Ne be murujan ta ka tugu o kɔ.

Sofoni 1:10

Ne Masaba ko: O loon na, kasikanba bena bɔ Jigɛminɛyɔrɔ donda la, kulekan bena bɔ Cinkura kɔnɔ, mankanba bena bɔ kuluw kan.

Jakariya 8:19

Masaba, Setigi ko: «Suun min be don saan kalo naaninan, n'a kalo duurunan, n'a kalo wolonwulanan ani a kalo tannan, o sundonlon nunu bena yɛlɛma ka kɛ nisɔndiyalonw ye, ni ɲanagwɛ, ani batolikɛlonw ye Zuda mara mɔgɔw fɛ. Nga tiɲɛ ni hɛrɛ ka diya aw ye.»