Yeremi 3:4 - ALA KA KUMA

⁴ Nga sisan, aw te nin ye n'aw be kulera ne nɔɔ fɛ wa? K'a fɔ ko: ‹An Faa, an denmisɛn waati teri lo.

Jula NT of Côte d’Ivoire

⁴ «Sisan aw bɛ kule ka ne wele ko: ‹An Fa! Ele le ye an jɛnɲɔgɔn ye kabini an denmisɛnman!

Yeremi 3:4 Iomraidhean Croise

Zaburu 119:9

Kanbelen be se k'a yɛrɛ saniya cogo di? A ka kan ka ele ka kuma bato.

Zaburu 48:14

Aw k'a laminikogo filɛ ka ɲa, k'a soo barikamaw kɔlɔsi kosɔbɛ, janko aw ka se k'o lakali waati nata mɔgɔw ye.

Zaburu 71:17

Ala, e ye ne kalan kabini n kanbelen tuma. Fɔɔ ka na se bii ma, ne b'i ka koɲumanw fɔ.

Zaburu 71:5

Matigi, Masaba, ele le ye ne jigi ye. Ne ye n jigi la e kan kabini n kanbelen tuma.

Zanaw 1:4

O be yɛrɛminɛcogo di kolɔnbali ma ka lɔnniya ni miiriyaɲuman di kanbelenw ma.

Zanaw 2:17

A bann'a cɛɛ fɔlɔ la, a ɲinɛn'a ka Ala ka bɛɛn kɔ.

Yeremi 2:2

«Ta'a fɔ Zeruzalɛmukaw ye ko ne Masaba ko: ‹Kanuya min tun b'aw dusu la aw denmisɛn tuma na, ne hakili b'o la, tuma min na aw tun be ne kanu i ko muso min furula kura ye. Aw tun be ne kɔ kongokolon kɔnɔ, danni te se ka ɲa yɔrɔ min na.

Yeremi 2:27

minw bɛɛ b'a fɔ yirikuru ye ko: ‹Ele lo ye ne faa ye.› Minw b'a fɔ kabakuru ye ko: ‹Ele le y'a kɛ ne nana diɲɛ na.› U ma u ɲaa sin ne ma, u y'u kɔɔ le sin. Nga u ka tɔɔrɔ waati la, u be kule ne ma k'a fɔ ko: ‹Wili k'an kisi!›

Yeremi 3:19

«Ne tun y'a fɔ n kɔnɔ ko: ‹Ne bena aw jati n dencɛw cɛma, ka jamanaɲuman di aw ma, min ka ɲi ni siyaw bɛɛ sigiyɔrɔw ye.› Ne tun ko: ‹Aw bena ne wele ko aw Faa. Ko aw tena bɔ ne kɔ tugu.›

Yeremi 31:22

Aw bena to ka munumunu fɔɔ tuma jumɛn, sunguru tulogwɛlɛn? Masaba be kokura daminɛna dugukolo kan, muso le be boli cɛɛ kɔ.

Yeremi 31:9

U kasitɔ bena na. U ka daalili kosɔn, ne be bila u ɲa ka taga n'u ye jiyɔrɔw la. Ne bena taga n'u ye sira dakɛɲɛnin kan, u tena talon min kan. Bari, ne ye Isirayɛli faa ye, Efarayimu ye n dencɛ fɔlɔ ye.

Oze ta kitabu 2:15

A ye Baali sɔn yɔrɔ caaman na waati minw na, ka wusulanw jɛni a ye, ne ben'a tɔɔrɔ o kosɔn. A y'a yɛrɛ masiri n'a ka bololanigɛ ye, ni kannakɔnɔ ye, ka to ka boliboli a ɲamɔgɔcɛw kɔ, a ɲinɛna ne kɔ. Masaba le ko ten.

Malaki 1:6

«Deen b'a faa boɲa, baaraden b'a kuntigi boɲa. Ni ne ye aw faa ye, ne ka kan ni boɲa min ye, o be min? Ni ne ye aw ka Masaba ye, ne ka kan ni boɲa min ye, o be min? Ne Masaba, Setigi le b'o fɔra aw sarakalasebagaw ye, aw minw be ne dɔgɔyara. Aw be sɔrɔ k'a fɔ ko: ‹An y'i dɔgɔya cogo di?›

Malaki 2:14

Aw ko: «Mun na o kɛra?» Bari, i ye muso min furu i kanbelentuma, Masaba y'o seere ye. I ka muso tun lo, e le tun bɛnna n'a ye. I y'a janfa.