Yeremi 3:2 - ALA KA KUMA

² Aw k'aw ɲaa kɔrɔta ka kulujanw filɛ, u jumɛn be yen n'aw ma kakalaya kɛ yen? Aw tun be sigi siradaw la k'aw ka kakalaɲɔgɔn kɔnɔ, i ko Arabu be sigi kongokolon kɔnɔ cogo min na. Aw ye jamana nɔgɔ n'aw ka tilenbaliya, n'aw ka kakalaya ye.

Jula NT of Côte d’Ivoire

² Aw ye aw ɲa kɔrɔta ka flɛri kɛ kongoriw kunna! Yɔrɔ juman le bɛ yi ni aw ma la ka jatɔya kɛ yɔrɔ min na? Aw bɛ sigi siradaw ra ka aw ɲamɔgɔcɛw kɔnɔ, i ko benkannikɛbaga minw bɛ kongokolon kɔnɔ. Aw ka jamana lanɔgɔ ni aw ta jatɔya ni aw ta kojugu ye.

Yeremi 3:2 Iomraidhean Croise

Damina 38:14

Tamari y'a ka firiyafaniw bɔ ka fani biri a kuun na janko mɔgɔ kan'a lɔn. O kɔ, a tagara sigi Enayimu donda la, min be Timuna sira la. Bari a y'a ye ko Sela sera musofuru ma, nga u m'ale d'a ma.

Mas fɔlɔ 11:3

A tun ye masaw denmuso mɔgɔ kɛmɛ wolonwula furu. Gɛrɛfɛmuso kɛmɛ saba fana tun b'a fɛ. A ka muso nunu y'a kuun cɛn pewu.

Mas 2nan 23:13

Masacɛ Solomani tun ye sɔnnikɛyɔrɔ minw lɔ Zeruzalɛmu kɔrɔn fɛ, u be kulu min wele Cɛnnikɛyɔrɔ, o worodugu ɲafan fɛ, n'o ye Sidɔnkaw ka jojugu Asitarite ta ye, ni mowabuw ka jojugu Kemɔsi ta, ani amoniw ka jojugu Milikɔmu ta, masacɛ ye olu cɛn.

Zaburu 106:38

U ye mɔgɔw faga gwansan, u y'u dencɛw n'u denmusow faga. U ye Kanaan joow sɔn n'u ye, jamana nɔgɔra o mɔgɔfaga nin kosɔn.

Zanaw 23:28

A be i ko benkannikɛla, a be dɛn, a be cɛɛ caaman bila kakalaya la.

Zanaw 7:11

A wɛrɛwɛrɛnin tun lo, a malo ka dɔgɔ. A juu te sigi a ka soo.

Yeremi 12:12

Cɛnnikɛlaw bena bɔ kongokolon kuluw bɛɛ kan ka girin ka na. Bari ne Masaba ka murujan bena fagali kɛ k'a ta jamana faan kelen na, ka ta'a bila faan dɔ la. Mɔgɔ si tena to hɛrɛ la.

Yeremi 2:20

Masaba ko: «Isirayɛlidenw, kabini waatijan, aw murutira ne ma, k'an ka bɛɛn cɛn. Aw y'a fɔ ko: ‹An tena sɔn jɔnya la tugu.› K'a sɔrɔ, kulujan o kulujan, ani yiritu o yiritu, aw be kakalaya kɛ.

Yeremi 2:23

Aw be se k'a fɔ cogo di ko: ‹An ma nɔgɔ dɛ! An ma tugu *Baali kɔ dɛ!› Aw ye min kɛ lɛɛ la, aw k'o filɛ. Aw ka sɔn aw ka kɛwaliw ma. Aw tun be i ko ɲɔgɔmɛmuso min be boliboli faan bɛɛ la.

Yeremi 2:7

K'a sɔrɔ ne nana n'aw ye nɛɛma jamana kɔnɔ, waasa aw k'o yɔrɔ fɛnɲumanw diya bɔ. Nga aw dontɔ yen, aw ye ne ka jamana nɔgɔ. Ne be tigiya kɛ jamana min na, aw y'o kɛ yɔrɔ goman ye.

Yeremi 3:1

«Ni cɛɛ y'a muso furu sa, n'a fana tagara furu cɛɛ wɛrɛ ma, cɛɛ fɔlɔ nin be se ka segi ka ta'a minɛ tugu wa? Ayi, o bena jamana nɔgɔ. Isirayɛlidenw, aw minw ye kakalaya kɛ ni fɛɛn caaman ye, aw be tila k'a fɔ ko aw bena segi ne fɛ tugu wa? Ne Masaba le ko ten.

Yeremi 3:13

Aw ka sɔn aw filiyɔrɔ ma: Aw murutira ne Masaba aw ka Ala ma. Aw tun bolibolila lonanw ka joow kɔ yirituw bɛɛ kɔrɔ. O la, aw ma mɛnni kɛ ne fɛ. Ne Masaba ko ten.

Yeremi 3:21

Mankan dɔw be wilila kulujanw kunna, Isirayɛlidenw kasikan n'u daalilikan lo. Bari, u ye sirajugu ta ka ɲinɛ ne Masaba u ka Ala kɔ.

Yeremi 3:9

Isirayɛli mara mɔgɔw ye kakalaya kɛ ka kabakuru ni lɔgɔw sɔn joow ye, u yɛrɛ ma maloya, o sababu la, jamana nɔgɔra.

Yeremi 7:29

«Aw kunsigi minw b'a yira ko aw ye ne taw ye, aw ka olu tigɛ ka fili, ka dusukasidɔnkili la kuluw kan. Bari ne Masaba te *filankuru fɛ min be ne dusu dimi.

Ezekiyɛli 16:16

I y'i ka fani dɔw ta ka sɔnnikɛyɔrɔw masiri n'o ye, k'i yɛrɛ bila kakalaya la yen. O ɲɔgɔn tun ma deli ka kɛ ka kɔrɔ, a ɲɔgɔn tena kɛ tugu.

Ezekiyɛli 20:28

«Ne tun ye n daa di ko ne bena jamana min d'u ma, ne y'a kɛ u donna yen. Kabini u sera yen, u ye tintinjanw ni yiribabaw ye yɔrɔ o yɔrɔ, u y'u ka sarakaw bɔ yen k'u ka boɲafɛnw di ka ne dusu gwan, k'u ka wusulan kasadiman jɛni, k'u ka jii bɔn.

Oze ta kitabu 2:5

N'o tɛ, ne ben'a walaka, n ben'a kɛ i ko a wololon na. N ben'a kɛ i ko kongokolon, ne ben'a kɛ dugukolo janin ye. Minnɔgɔ le ben'a ta cɛn.

Luka 16:23

A tun be tɔɔrɔba la jahanama na, a y'a ɲaa kɔrɔta ka Ibrayima ye yɔrɔjan ni Lazari b'a gɛrɛfɛ.

Sariya 12:2

«Aw bena siya minw ka jamana minɛ, aw k'u ka joo sɔnyɔrɔ bɛɛ cɛn pewu, minw be kulujan ni tintinw kan, ani yiribabaw kɔrɔ.