Yeremi 3:10 - ALA KA KUMA

¹⁰ O bɛɛ kɔ, a balimamuso Zuda mara janfamɔgɔ nunu ma u ɲaa sin ne ma n'u kɔnɔ bɛɛ ye. U y'o kɛ ni kɔnɔfin ye. Ne Masaba le ko ten.»

Jula NT of Côte d’Ivoire

¹⁰ «Nka o bɛɛ n’a ta, a balemamuso Zuda, siya janfakɛbaga ma sekɔ ka na ne fɛ ni a jusukun bɛɛ ye. A ka min kɛ, o tun ye flankafuya le ye; Matigi Ala ko ten.»

Yeremi 3:10 Iomraidhean Croise

Lok 2nan 34:33

Zoziyasi ye joow bɛɛ bɔ Isirayɛlidenw ka jamana yɔrɔ bɛɛ la, k'a kɛ Isirayɛlidenw bɛɛ ye Masaba u ka Ala bato. Ka Zoziyasi to sii la, u ma u kɔɔ sin Masaba u faaw ka Ala ma.

Zaburu 18:44

I be ne tanga jama ka muruti ma. I ye ne kɛ siyaw kuntigi ye. Ne te siya minw lɔn, olu be kolo ne ye.

Zaburu 66:3

A fɔ Ala ye ko: «I ka kɛta be mɔgɔ kabakoya. E barika boɲa kama, e juguw b'u majigi i kɔrɔ.

Ezayi 10:6

Ne b'u bila ka taga siya dɔ kama, min te siran ne ɲa. Mɔgɔ minw be ne dimina, ne b'u cira olu kama, waasa k'u ka fɛɛnw bɔsi, ka ben u kan, k'u seenw dɔndɔn i ko mɔgɔ be bɔgɔ dɔn cogo min na bɔlɔn na.

Ezayi 29:13

Matigi ko: «Mɔgɔ nunu be ne boɲa u daa la dɔrɔn, nga u dusu yɔrɔ ka jan ne la. U be min kɛ k'u be siran ne ɲa, o ye adamadenw ka landa dama le ye. O ye kodegeta le ye.

Ezayi 31:6

Aw Isirayɛlidenw, aw ye Masaba janfa fɔɔ ka tɛmɛ. Aw ye kɔsegi a ma.

Yeremi 11:10

U faaw tun ye kojugu minw kɛ, olu fana y'u nɔɔ ta. Ufaa minw tun banna ka ne ka kuma bato. U ye batofɛn wɛrɛw sɔn k'u bato. O la, Isirayɛli ni Zuda mara mɔgɔw ye ne ka bɛɛn cɛn, ne tun ye min kɛ n'u faaw ye.

Yeremi 12:2

Ele le y'u tutu i ko yiri, u sigicogo ɲana, u be boɲa ka den. E tɔgɔ b'u daa la tuma bɛɛ, nga u dusu yɔrɔ ka jan i la.

Yeremi 9:1

Ni lonanjigiso tun be ne tɔgɔ la kongokolon kɔnɔ, ne be se ka bɔ n ka mɔgɔw cɛma ka taga yɔrɔ min na, o tun be diya ne ye! Bari, u bɛɛ kɛra kakalaw ye, janfamɔgɔw lo.

Oze ta kitabu 7:14

U be kulera ne nɔɔ fɛ fu, a ma bɔ u dusu la. Nga, u be to ka kasi u ka dilanw kan. U b'u yɛrɛ fari tigɛtigɛ dumuni, ani duvɛnkɛnɛ kama. U b'u kɔɔ sin ne ma.

Amɔsi 4:9

«Ne y'a kɛ sigɛn y'aw ka sumanw jɛni, k'a kɛ u tolila. Ne y'a to aw ka nankɔw, n'aw ka *ɛrɛzɛnsunw cɛnna. Tɔɔnw y'aw ka torosunw, n'aw ka olivuyiriw ɲimi. Nga aw ma sɔn ka kɔsegi ne ma.» Masaba le ko ten.

Malaki 2:11

Zuda mara mɔgɔw ye janfa kɛ, kojuguba kɛra Isirayɛli mara la ani Zeruzalɛmu. Tiɲa na! Zuda mara mɔgɔw ye yɔrɔ senuman tana cɛn. Min koo ka gwɛlɛ Masaba ma. Ka taga siya wɛrɛ musow furu, minw ye josɔnlaw ye!