Yeremi 3:1 - ALA KA KUMA

¹ «Ni cɛɛ y'a muso furu sa, n'a fana tagara furu cɛɛ wɛrɛ ma, cɛɛ fɔlɔ nin be se ka segi ka ta'a minɛ tugu wa? Ayi, o bena jamana nɔgɔ. Isirayɛlidenw, aw minw ye kakalaya kɛ ni fɛɛn caaman ye, aw be tila k'a fɔ ko aw bena segi ne fɛ tugu wa? Ne Masaba le ko ten.

Jula NT of Côte d’Ivoire

¹ Matigi Ala ko: «Ni cɛ dɔ k’a ta muso bla, ni o muso tagara to ni cɛ wɛrɛ ye, yala cɛkɔrɔ bɛ sɔn ka o muso ta tuun wa? Ni o kɛra, yala o ko tɛna jamana bɛɛ lajɛnnin lanɔgɔ wa? Aw bɔra ka taga jatɔya kɛ ni cɛ caman ye, mun kosɔn aw ko, ko aw bɛ na ne fɛ tuun! Matigi Ala ko ten.

Yeremi 3:1 Iomraidhean Croise

Zaburu 106:38

U ye mɔgɔw faga gwansan, u y'u dencɛw n'u denmusow faga. U ye Kanaan joow sɔn n'u ye, jamana nɔgɔra o mɔgɔfaga nin kosɔn.

Ezayi 24:5

Diɲɛ mɔgɔw ye dugukolo nɔgɔ, bari u ye Masaba ka sariyaw cɛn. U y'a ka fɔtaw kɔrɔ yɛlɛma k'a ka bɛɛn cɛnbali cɛn.

Yeremi 2:20

Masaba ko: «Isirayɛlidenw, kabini waatijan, aw murutira ne ma, k'an ka bɛɛn cɛn. Aw y'a fɔ ko: ‹An tena sɔn jɔnya la tugu.› K'a sɔrɔ, kulujan o kulujan, ani yiritu o yiritu, aw be kakalaya kɛ.

Yeremi 2:23

Aw be se k'a fɔ cogo di ko: ‹An ma nɔgɔ dɛ! An ma tugu *Baali kɔ dɛ!› Aw ye min kɛ lɛɛ la, aw k'o filɛ. Aw ka sɔn aw ka kɛwaliw ma. Aw tun be i ko ɲɔgɔmɛmuso min be boliboli faan bɛɛ la.

Yeremi 2:7

K'a sɔrɔ ne nana n'aw ye nɛɛma jamana kɔnɔ, waasa aw k'o yɔrɔ fɛnɲumanw diya bɔ. Nga aw dontɔ yen, aw ye ne ka jamana nɔgɔ. Ne be tigiya kɛ jamana min na, aw y'o kɛ yɔrɔ goman ye.

Yeremi 22:20

«Yɛlɛ ka taga Liban kulu kunna ka kule, taga lɔ *Basan mara la k'i kaan kɔrɔta, kule Abarimu kulu kan. Bari e ka ɲamɔgɔcɛw bɛɛ halakira!

Yeremi 3:22

«Deen tilenbali nunu! Aw ye segi. Ne bena aw dɛmɛ ka tilenbaliya dabila.» Tiɲɛ na, an be nana i fɛ, bari e le ye Masaba ye, an ka Ala.

Yeremi 3:9

Isirayɛli mara mɔgɔw ye kakalaya kɛ ka kabakuru ni lɔgɔw sɔn joow ye, u yɛrɛ ma maloya, o sababu la, jamana nɔgɔra.

Yeremi 31:22

Aw bena to ka munumunu fɔɔ tuma jumɛn, sunguru tulogwɛlɛn? Masaba be kokura daminɛna dugukolo kan, muso le be boli cɛɛ kɔ.

Yeremi 4:1

«Isirayɛlidenw, n'aw kɔsegira ne ma, ne Masaba le ko ten, n'aw y'aw ka joow fili ka bɔ ne ɲakɔrɔ, n'aw te yaalayaala aw kunfɛ tugu,

Yeremi 4:14

Zeruzalɛmu, i dusu saniya ka miirijuguw dabila waasa i ka kisi. I bena o to i kɔnɔ fɔɔ tuma jumɛn?

Kasikan 1:2

A be kasi ka kasi sufɛ, a ɲaji b'a disi ɲigi. A dusu saalobaga te yen a kanubagaw cɛma. A teriw bɛɛ y'a janfa! U kɛr'a juguw ye.

Ezekiyɛli 16:26

I ye kakalaya kɛ n'i sigiɲɔgɔn Ezipiti jamana kanbelen barikamanw ye siɲɛ caaman ka ne dusu gwan.

Ezekiyɛli 16:30

I y'i yɛrɛ di dɛ! Ne Matigi, Masaba le ko ten. I tun be kakalaya kɛ ni jagwɛlɛya ye i n'a fɔ kakalamuso!

Ezekiyɛli 16:35

O la, Zeruzalɛmu kakalamuso, i tulo malɔ Masaba ka kuma na!

Ezekiyɛli 33:11

Ayiwa, i k'a fɔ u ye ko ne Matigi, Masaba ko: Ne tɔgɔ kosɔn, mɔgɔjugu sayako man di ne ye fewu, ne b'a fɛ a k'a ka sirajugu bila ka kisi le. Aw ye yɛlɛma! Aw ye yɛlɛma k'aw ka sirajuguw bila! Isirayɛlidenw, mun kosɔn aw b'a fɛ ka sa?

Oze ta kitabu 1:2

Masaba y'a ka kuma min fɔ Oze barika la, a y'a daminɛ k'a fɔ a ye ko: «Muso min ka baara ye kakalaya ye, i k'ale ta, ka ɲamɔgɔdenw sɔrɔ. Bari, jamanadenw be kakalaya kɛra kosɔbɛ, k'u kɔɔ sin ne Masaba ma.»

Oze ta kitabu 2:2

Zuda mara mɔgɔw, ni Isirayɛli mara taw bena jɛn tugu, ka ɲamɔgɔ kelen woloma ka bila u ɲa. U bena see sɔrɔ jamana kɔnɔ. Bari Ziziriyɛli ka loon bena kɛ lonba ye.

Mise 2:10

Aw ye wili ka taga! Aw ka lafiɲɛ banna! Aw ka tilenbaliyakow kama, tɔɔrɔba bena aw sɔrɔ.

Jakariya 1:3

A fɔ jama ye ko: Masaba, Setigi ko: ‹Aw k'aw sɔɔn yɛlɛma ka sɔn ne ma. Ne, Masaba, Setigi le ko ten. O la, ne bena sɔn aw ma.› Masaba, Setigi le ko ten.

Matiyu 5:31

«A fɔra fana ko: ‹Ni cɛɛ min b'a fɛ k'a muso bila, a ka kan ka furusasɛbɛ d'a ma.›

Sariya 22:21

u bena bɔ ni muso nin ye a facɛ ka bonda la, dugumɔgɔw ben'a bon ni kabakuru ye k'a faga, bari a ye maloyako kɛ Isirayɛlidenw cɛma. K'a to a facɛ ka soo kɔnɔ, a ye kakalaya kɛ. O la, aw bena kojugu bɔ aw cɛma.

Kititigɛbagaw 19:2

Loon dɔ, a ka gɛrɛfɛmuso nin ye kodagabali dɔ kɛ a la, ka boli ka ta'a faso la Bɛtilehɛmu, Zuda mara la, ka kalo naani kɛ yen.