Yeremi 26:9 - ALA KA KUMA

⁹ Mun na i be kiraya kɛ Masaba tɔgɔ la k'a fɔ ko soo nin bena kɛ i ko Silo, ani ko dugu nin bena halaki a lakolon be to?» Jama bɛɛ girinna ka Zeremi lamini Masaba ka soo kɔnɔ.

Jula NT of Côte d’Ivoire

⁹ Mun kosɔn i bɛ ciraya kɛra Matigi Ala tɔgɔ ra k’a fɔ ko nin batoso bɛna kɛ i ko Silo kɛra cogo min na, ani ko nin dugu bɛna halaki fɔ k’a kɛ yɔrɔ lakolon ye?» Jama bɛɛ tagara lajɛn Yeremi kɔrɔ Ala ta batoso kɔnɔ.

Yeremi 26:9 Iomraidhean Croise

Lok 2nan 25:16

K'a to kuma na, Amaziyasi y'a fɔ a ye ko: «An y'i sigi k'i kɛ masacɛ ladibaga ye wa? I daa tugu! Mun na i b'a fɛ u k'i bugɔ?» O la, kira nin y'a ka kuma laban ko: «Ne y'a lɔn ko Ala le y'a latigɛ ko a bena i halaki, bari, e ye nin kɛ, e ma sɔn ne ka ladili ma fana.»

Ezayi 29:21

minw be tiɲɛtigi jalaki, minw be jaan la kuma ɲafɔtuma kititigɛyɔrɔ la, k'a kɛ u be mɔgɔ jalakibali jalaki.

Yeremi 32:3

Zuda mara masacɛ Sedesiyasi tun y'a datugu k'a fɔ a ye ko: «Mun na i be kiraya kɛ ko Masaba ko ale bena dugu nin don Babilɔni masacɛ bolo, ko a ben'a minɛ,

Yeremi 33:10

«Masaba ko: ‹Aw b'a fɔra ko yan ye dusukasiyɔrɔ ye, ko mɔgɔ te yen, begɛn te yen. Nga Zuda mara duguw kɔnɔ, ni Zeruzalɛmu bɔlɔnw kɔnɔ, mɔgɔ ni begɛn te yɔrɔ minw na, ɲanagwɛ ni nisɔndiyaba mankan, ani kɔɲɔcɛ ni kɔɲɔmuso ka dɔnkililakan bena mɛn yen tugu, ni mɔgɔw dɔnkililakan minw be tagara foli saraka bɔ Masaba ye a ka soo kɔnɔ ka to k'a fɔ ko: Aw ka barika la Masaba, Setigi ye, bari a ka ɲi, a ka ɲumanya te ban abada. Tiɲɛ na, ne bena jamana nin lalaga kura ye, k'a kɛ i n'a fɔ fɔlɔ.› Masaba le ko ten.

Yeremi 36:29

A fɔ Zuda mara masacɛ Yoyakimu kosɔn ko ne Masaba ko a ye sɛbɛ nin jɛni ka ne jalaki, ko mun na Zeremi y'a sɛbɛn ko Babilɔni masacɛ bena na jamana nin cɛn k'a kɔnɔ mɔgɔw ni begɛnw halaki.

Yeremi 9:11

Jɔn ye lɔnnikɛla ye n'a be nin faamu? Masaba kumana min fɛ, o tigi ka nin fɔ. Mun na jamana kɛra tomo ye, ka jɛni fɔɔ k'a kɛ lakolon ye ni mɔgɔ te tɛmɛna yen tugu?

Kasikan 4:13

O kɛr'a ka kiraw n'a ka sarakalasebagaw ka kojuguw kama, Minw tun be mɔgɔtilenninw joli bɔn dugu kɔnɔ.

Amɔsi 5:10

Mɔgɔ min be siratilennin yira aw la kititigɛyɔrɔ la, aw b'o tigi kɔniya, tiɲɛfɔbaga koo ka go aw ye.

Mise 2:6

Dɔw b'a fɔ ne ye ko: «E kana kirayakuma nin ɲɔgɔn fɔ. K'a fɔ ko maloya yɔrɔ man jan, o ye fatɔyakuma ye.

Matiyu 21:23

Yezu tagara Alabatosoba kɔnɔ. K'a to mɔgɔw kalan na, sarakalasebagaw kuntigiw ni zuwifu ka cɛkɔrɔbaw nana k'a ɲininga ko: «I be koo minw kɛ, jɔn le y'o sira d'i ma? Jɔn le y'o kɛ see d'i ma?»

Matiyu 27:20

Sarakalasebagaw ni cɛkɔrɔbaw ye jama kɔnɔnasu, waasa u ka Pilati daali ko a ka Barabasi labila ka Yezu faga.

Marika 15:11

Nga sarakalasebagaw kuntigiw ye jama kɔnɔnasu k'u ka Pilati daali ko a ka Barabasi bila.

Yuhana 8:20

Alabatosoba yɔrɔ min be wele ko Nafolo marayɔrɔ, a ye kuma nunu fɔ o yɔrɔ le la, o y'a sɔrɔ a be mɔgɔw kalanna. Mɔgɔ si ma se ka maga a la, bari a ka waati tun ma se fɔlɔ.

Yuhana 8:59

O la, u ye kabakuruw cɛ k'u be Yezu bon, nga a dogora ka bɔ Alabatosoba kɔnɔ.

Kɛwalew 13:50

Muso kantigi minw tun be Ala bato, zuwifuw wilila ka olu ni dugu ɲamɔgɔw kɔnɔnasu k'u bila Pɔli ni Barinabasi la. O y'u tɔɔrɔ, k'u gwɛn ka bɔ u ka mara la.

Kɛwalew 21:30

Mankan boɲana fɔɔ ka se dugu faan bɛɛ la. Mɔgɔw girinna ka bɔ faan bɛɛ. U ye Pɔli sama ka bɔ n'a ye ka daaw tugu.

Kɛwalew 22:22

Jama ye Pɔli lamɛn fɔɔ ka na se o kuma nunu ma minkɛ, u pɛrɛnna ka to k'a fɔ ko: «O mɔgɔ sifa nunu ka kan ka faga, a man kan ka to nii na.»

Kɛwalew 3:11

Cɛɛ ma sɔn ka bɔ Piyɛri ni Zan kɔ, mɔgɔw hakili ɲagaminin girinna k'u lamini yɔrɔ dɔ la, u be min wele ko Solomani ka bulonda.

Kɛwalew 5:12

Cidenw tun be kabako caaman kɛ jama ɲana. U be Alabatosoba donda min wele ko Solomani ka bulonda, kalandenw bɛɛ tun be to ka ɲɔgɔn lajɛn yen ni miiriya kelen ye.

Kɛwalew 5:28

«An tun ma kangari la aw ye ko aw kana mɔgɔw kalan a ka koo la wa? Nga aw ye Zeruzalɛmukaw tulo fa n'aw ka kalan ye. O tuma na, aw b'a fɛ cɛɛ nin fagako hakɛ ka ben anw kan le wa?»

Kɛwalew 6:14

An y'a mɛn a daa la ko Nazarɛti Yezu tɔgɔla nin bena yɔrɔ senuman nin ci, sariya min sigira Musa ka waati la, k'o yɛlɛma.»

Yosuwe 18:1

Isirayɛlidenw bɛɛ lajɛnna Silo, ka Ɲɔgɔnkunbɛn fanibugu dɔ lɔ k'o kɛ Ala ta ye ni jama be Ala kunbɛn yen. O y'a sɔrɔ u tun sera jamana nin kɔrɔ ka ban.