Yeremi 26:6 - ALA KA KUMA

⁶ ne bena soo nin kɛ i n'a fɔ n ye Silo kɛ cogo min na, ani k'a kɛ dangafɛn ye dugukolo kan siyaw bɛɛ fɛ.› »

Jula NT of Côte d’Ivoire

⁶ o tuma ne bɛna nin batoso kɛ i n’a fɔ ne ka Silo kɛ cogo min na, ka nin dugu kɛ dugu danganin ye dugukolo siyaw bɛɛ ɲa na.› »

Yeremi 26:6 Iomraidhean Croise

Mas 2nan 22:19

O digira i la, e y'i yɛrɛ majigi ne Masaba ɲakɔrɔ kuma nin mɛntɔ, ne ye min fɔ yɔrɔ nin, n'a kɔnɔ mɔgɔw kama ko a bena kɛ dusukasiyɔrɔ ni yɔrɔ danganin ye. E y'i ka fani faran, ani ka kasi ne ɲakɔrɔ minkɛ, o la, ne fana ye ele kaan mɛn. Ne Masaba ko ten.

Ezayi 43:28

O la, ne ye n batoso ɲamɔgɔw dɔgɔya. Ne ye aw Isirayɛlidenw halaki, Ne be aw don cɛnnikɛlaw bolo janko u ka yɛlɛ aw ma.»

Ezayi 65:15

Ni ne ka mɔgɔw bena mɔgɔ dɔ danga, u bena aw tɔgɔ le wele ka tila k'a fɔ ko: ‹Matigi, Masaba k'i faga.› Nga a bena tɔgɔ wɛrɛ di a ka baarakɛlaw ma.

Yeremi 24:9

Ne mana u gwɛn ka taga jamana o jamana la, ne bena u kɛ siranyafɛnw ye, maloyafɛnw, yɛlɛbɔfɛnw, lɔgɔbɔfɛnw ani dangafɛnw ye.

Yeremi 25:18

Zeruzalɛmukaw, ni Zuda mara duguw mɔgɔw, u ka masaw n'u ɲamɔgɔw, waasa k'u ka yɔrɔ kɛ tomo ni dusukasi ni kaba ani lɔgɔbɔyɔrɔ ye, i n'a fɔ a be cogo min na bii.

Yeremi 29:18

Ne bena tugu u kɔ ni murujan ye, ni kɔngo ani fɔɲɔbana ye. Ne bena u kɛ siranyafɛnw ye dugukolo kan jamanaw bɛɛ fɛ. Ne bena u kɛ dangafɛnw, ni kabafɛnw, ani yɛlɛfɛnw ni lɔgɔbɔfɛnw ye siyaw bɛɛ cɛma, ne bena u gwɛn ka taga yɔrɔ minw na.

Yeremi 29:22

Zuda mara mɔgɔ minw bɛɛ minɛna ka taga Babilɔni, olu bɛɛ bena u cogo ta ka to ka dangali kɛ n'o ye k'a fɔ ko: Masaba k'i kɛ i n'a fɔ Sedesiyasi ni Akabu, Babilɔni masacɛ ye minw jɛni.

Yeremi 42:18

Bari ne Masaba, Setigi, Isirayɛli ka Ala ko ne bena n ka dimi ni n ka fariya yira aw la i ko Zeruzalɛmukaw ta, n'aw tagara Ezipiti jamana la. Aw bena kɛ dusukasifɛnw, ni dangafɛnw, ani nɛnifɛnw ye. Aw ɲaa tena la yan yɔrɔ kan tugu.

Yeremi 44:22

Aw ka kɛwalijuguw n'aw ka kokolonw kosɔn, Masaba ma se ka muɲu tugu. O kama le aw ka jamana kɛra dangafɛn, ni tomo ye, dusukasiyɔrɔ. A kɛra yɔrɔlakolon ye, mɔgɔ te yen, i n'a fɔ a be cogo min na bii.

Kasikan 2:15

Tɛmɛbagaw bɛɛ be tɛgɛrɛ fɔ e halakiko la. U be kaba ka to k'u kuun firinfirin e Zeruzalɛmu dugu koo la. U b'a fɔra ko: «Dugu min tun be wele dugu dafanin, diɲɛ bɛɛ ka nisɔndiyayɔrɔ, ale lo ye ten wa?»

Kasikan 2:16

E juguw bɛɛ b'u daa lara e kan. U b'i lɔgɔbɔra, u b'a fɔra ko: «An y'a sɔrɔ! An tun be loon min makɔnɔna, o le ye nin ye. An ye o loon sɔrɔ, an ɲaa b'a la!»

Daniyɛli 9:11

Isirayɛlidenw bɛɛ le y'i ka sariya cɛn, ka ban i la, u ma i ka fɔta bato. O la, danga y'an minɛ. Min koo fɔra e Ala ka baarakɛla Musa ka sariyasɛbɛ kɔnɔ bari an y'i hakɛ ta.

Jakariya 5:3

O kɔ, a y'a fɔ ne ye ko: «Danga lo, min bena se jamana bɛɛ ma. Sɛbɛ nin ɲaa kelen kɔrɔ ko soonw bɛɛ bena gwɛn, kelen fana kɔrɔ ko minw be kali ka galon tigɛ, olu bɛɛ bena gwɛn.»

Yosuwe 18:1

Isirayɛlidenw bɛɛ lajɛnna Silo, ka Ɲɔgɔnkunbɛn fanibugu dɔ lɔ k'o kɛ Ala ta ye ni jama be Ala kunbɛn yen. O y'a sɔrɔ u tun sera jamana nin kɔrɔ ka ban.