Yeremi 26:3 - ALA KA KUMA

³ N'a sɔrɔ, u bena u tulo malɔ, u bɛɛ bena u ka kɛwalijuguw dabila. O la, ne tun ko n bena bɔnɛ min lase u ma u ka kɛwalijuguw kosɔn, ne bena o dabila.

Jula NT of Côte d’Ivoire

³ A bɛ se ka kɛ ko o bɛna i lamɛn, ka sekɔ ka bɔ o ta sirajugu kan; ni o kɛra, ne tun b’a fɛ ka kojugu min kɛ o ra o ta kɛwalejuguw kosɔn, ne bɛna nimisa ka o dabla.

Yeremi 26:3 Iomraidhean Croise

Mas fɔlɔ 21:27

Akabu ye Eli ka kuma nunu mɛn tuma min na, a y'a ka faniw faran ka dusukasifani ta k'o don a kaan na, ani ka suun don. A tun be to ka la ni fani nin ye, ani ka to ka taama dɔɔni dɔɔni.

Mas fɔlɔ 21:29

«Akabu y'a yɛrɛ majigi ne ɲakɔrɔ cogo min na, i y'o ye wa? A y'a yɛrɛ majigi ne ɲakɔrɔ, o la, ne tena bɔnɛ nin lase a ka tile la tugu, o bena kɛ a deen ka tile la, o tuma na, bɔnɛ nin bena se a ka soo ma.»

Yeremi 26:13

Nga sisan, aw ka yɛlɛmani don aw taamacogo n'aw ka kɛwaliw la, ka mɛnni kɛ Masaba aw ka Ala fɛ. O la, Masaba ye bɔnɛ min latigɛ aw kama, a bena o dabila.

Yeremi 26:19

Yala, Zuda mara masacɛ Ezekiyasi n'a ka jama bɛɛ y'a faga wa? U siranna Masaba ɲa k'a daali. O la, Masaba tun ye bɔnɛ min latigɛ u kama, a y'o dabila. Anw fana do? Anw bena bɔnɛba lase an yɛrɛ ma wa?»

Yeremi 36:3

Ne ko n bena kojugu min kɛ Zuda mara mɔgɔw la, n'u y'o bɛɛ mɛn, n'a sɔrɔ u kelen kelen bɛɛ bena faran u ka sirajuguw la. O la, ne bena u ka juguya n'u ka hakɛ yafa u ma.»

Yeremi 36:7

N'a sɔrɔ u bena Masaba daali, ani u kelen kelen bɛɛ bena faran u ka sirajuguw la, bari Masaba ko a diminin lo kosɔbɛ siya nin kɔrɔ.»

Ezekiyɛli 12:3

E kɔni, adamaden, i ka minanw labɛn u ɲana tilefɛ, i ko mɔgɔ min be minɛna ka taga jamana wɛrɛ la. I be yɔrɔ min na, i ka bɔ yen ka taga yɔrɔ wɛrɛ la u ɲana. N'a sɔrɔ u ben'a faamu ko u ye soo murutinin le ye.

Ezekiyɛli 18:21

«Ni mɔgɔjugu yɛlɛmana k'a ka kojugu bɛɛ dabila, ka ne ka fɔtaw bato, ka tilenninyakow kɛ, siga t'a la, a bena to nii na, a tena sa.

Oze ta kitabu 11:9

Ne tena ta n dimikojugu fɛ, ne tena Efarayimu kɔmɔgɔw halaki tugu. Bari, ne ye Ala ye, ne te adamaden ye. Ne saniyanin lo aw cɛma, ne tena na ni dimi ye.

Yowɛli 2:14

Jɔn b'a lɔn? N'a sɔrɔ a bena nimisa do, ka hɛrɛ kɛ aw ye. O tuma na, aw bena se ka suman saraka ni jii bɔ Masaba aw ka Ala ye.

Yunusu 4:2

A ye Masaba daali ko: «Unhun! Masaba, ne tun t'o le fɔra ka n to n ka jamana na wa? O le y'a to ne tun be banbana ka boli ka taga Tarisisi. Bari ne y'a lɔn ko e Ala ye makaritigi ye, ni hinɛbaga ye. I te dimi joona, e ka ɲi kosɔbɛ, i be sɔn k'i ka ŋaniya tanin to yen.