Yeremi 26:10 - ALA KA KUMA

¹⁰ Zuda mara ɲamɔgɔw y'o koo nunu kibaru mɛn minkɛ, u bɔra masalu la ka taga Masaba ka soo kɔnɔ, ka sigi Masaba ka soo Dakura la.

Jula NT of Côte d’Ivoire

¹⁰ Ayiwa, Zuda mara ɲamɔgɔw nana o kow mɛn minkɛ, o bɔra masacɛ ta so ka taga Matigi Ala ta batoso ra, ka taga sigi Matigi Ala ta batoso Dondakura da ra.

Yeremi 26:10 Iomraidhean Croise

Mas 2nan 15:35

O bɛɛ n'a ta, sɔnnikɛyɔrɔw tun ma tunu. Jama tun be to ka sɔnni kɛ ani ka wusulan jɛni halibi. Yotamu le ye Masaba ka soo sanfɛla donda lɔ.

Lok 2nan 27:3

Ale lo ye Masaba ka soo sanfɛla donda lɔ. A ye dugu laminikogo yɔrɔ caaman dilan Ofɛli tintin faan fɛ.

Yeremi 20:2

a ye kira Zeremi bugɔ k'a minɛ ka ta'a siri Masaba ka soo donda la min be sanfɛ, u be min wele ko Bɛnzamɛn ka daa.

Yeremi 26:21

Masacɛ Yoyakimu n'a ka kɛlɛdenw, n'a ka jamana ɲamɔgɔw bɛɛ y'a mɛn minkɛ, masacɛ ko a b'a faga. Uriyawu y'o kibaru mɛn, a siranna ka boli ka taga Ezipiti jamana na.

Yeremi 26:24

Nga Zeremi tun be Safan dencɛ Ayikamu ka sutara la, o la, a ma se ka don jama bolo ka faga.

Yeremi 34:10

Jamana ɲamɔgɔw bɛɛ ni mɔgɔ minw bɛɛ y'o bɛɛn nin kɛ k'u bena u ka jɔɔn cɛmanw ni musomanw hɔrɔnya, ko u tena u mara tugu jɔnya la, u y'o kuma bato ka jɔɔnw hɔrɔnya.

Yeremi 34:19

Zuda mara ɲamɔgɔw, ni Zeruzalɛmu taw, ni luu kɔnɔ mɔgɔbabaw, ani sarakalasebagaw, ni jamanaden minw bɛɛ tɛmɛna misiden cɛtigɛninw cɛma,

Yeremi 36:10

O tuma na, Baruki ye Zeremi ka kuma kalan sɛbɛ nin kɔnɔ jama bɛɛ ɲana Masaba ka soo kɔnɔ Safan deen Gemariyawu sɛbɛnnikɛla ka bondennin kɔnɔ. O boon nin tun be Alabatoso sanfɛ luu kɔnɔ, Donda kuraman kɔrɔ.

Yeremi 36:25

Ɛlinatan, ni Delayawu, ani Gemariyawu tun y'a ɲini masacɛ fɛ ko a kana sɛbɛ nin jɛni, nga a ma mɛnni kɛ u fɛ.

Ezekiyɛli 22:27

Dugu faamaw be i n'a fɔ wara min be sogo minɛna, u be mɔgɔw faga tɔnɔjugu kama.

Ezekiyɛli 22:6

«Isirayɛli kuntigiw b'u ka sebagaya yira i kɔnɔ ka mɔgɔw faga.