Yeremi 23:3 - ALA KA KUMA

³ Ne ka mɔgɔw tɔɔ min tora, ne yɛrɛ bena na olu lajɛn ka bɔ jamanaw bɛɛ la, ne tun y'u gwɛn ka taga yɔrɔ minw na. Ne bena segi n'u ye u ka yɔrɔ la. U bena wolo ka caya.

Jula NT of Côte d’Ivoire

³ «Ne ta sagakuru tɔ minw tora jamanaw bɛɛ ra, ne tun ka o gbɛn ka taga jamana minw bɛɛ ra, ne yɛrɛ bɛna olugu lajɛn, ka o lana o yɛrɛ ta yɔrɔ ra; o bɛna bugu, ka caya kosɛbɛ.

Yeremi 23:3 Iomraidhean Croise

Zaburu 106:47

Masaba an ka Ala, e k'an kisi. An bɔsi siya wɛrɛw bolo k'an lajɛn, janko an k'i tanu ka boɲa la i tɔgɔ senuman kan.

Yeremi 16:15

Nga a bena fɔ ko: ‹Masaba kosɔn, ale min ye Isirayɛlidenw bɔ kɔgɔdugu ɲafan jamana na, ani a tun y'u gwɛn ka taga jamana tɔ minw bɛɛ la!› Ne bena segi n'u ye u ka jamana kɔnɔ ne tun ye min di u faaw ma.

Yeremi 29:14

Ne ben'a to aw be n ye. Ne bena aw ka mɔgɔ minɛninw kɔsegi. Ne tun y'aw gwɛn ka taga siya minw bɛɛ cɛma, ani yɔrɔ minw bɛɛ la, ne bena aw lajɛn ka bɔ yen. Ne tun ye aw gwɛn ka bɔ yɔrɔ min na, ne bena aw kɔsegi ka na o yɔrɔ la. Ne Masaba le ko ten.

Yeremi 30:10

Ne ka baarakɛlaw Yakuba kɔmɔgɔw, aw kana siran. Isirayɛlidenw, aw kan'a to aw hakili be ɲagami. Ne Masaba le ko ten. Bari ne bena aw kisi ka bɔ jamanajan la. Aw deenw minɛna ka taga yɔrɔ min na, ne bena u kisi ka bɔ yen. Yakuba kɔmɔgɔw bena segi ka na. U bena to lafiya ni hakilisigi la. Mɔgɔ si te na na u hakili ɲagami tugu. Ne Masaba le ko ten.

Yeremi 30:3

Loonw be na, ne ben'a kɛ ne ka mɔgɔ minw minɛna ka taga Isirayɛli ni Zuda mara mɔgɔw cɛma be kɔsegi. Ne tun ye dugukolo min di u faaw ma, ne ben'a kɛ u be segi o kan. A be kɛ u ta ye tugu.» Masaba le ko ten.

Yeremi 31:7

Masaba be min fɔra, o filɛ: «Aw ka pɛrɛn nisɔndiya fɛ Yakuba ye. Aw ka siyaw ka ɲamɔgɔ kunbɛn ni nisɔndiyapɛrɛn kan ye, k'a tanu k'a fɔ ko: ‹Masaba, i ka mɔgɔw, Isirayɛlidenw tɔɔ, kisi.›

Yeremi 31:8

A ye, ne ben'a kɛ u be na ka bɔ kɔgɔdugu ɲafan jamana na. Ne bena u bɔ diɲɛ daan na ka n'u lajɛn. U cɛma, fiɲɛntɔw ni senkelenninw, ni musokɔnɔmanw, ni tintɔw be yen. Jamaba bena segi yan.

Yeremi 32:37

‹Ne bena na u lajɛn ka bɔ jamanaw bɛɛ kɔnɔ ne tun y'u gwɛn ka taga minw kɔnɔ n dimikojugu fɛ. Ne ben'a kɛ u be segi yan yɔrɔ la ka sigi hɛrɛ la.

Yeremi 46:27

Nga, aw Yakuba kɔmɔgɔw, ne ka baarakɛlaw, aw kana siran. Isirayɛlidenw, aw kana aw hakili ɲagami, ne bena aw kisi ka bɔ yɔrɔjan na. Aw minɛna ka taga jamana min kɔnɔ, ne bena aw kɔsegi ka bɔ yen. Yakuba kɔmɔgɔw hakili siginin bena kɔsegi. Aw bena lafiya sɔrɔ, mɔgɔ si tena siranya bila aw la tugu.

Yeremi 50:19

Ne bena kɔsegi ni Isirayɛlidenw ye u ka baloyɔrɔ la, u bena u ka balo sɔrɔ Karimɛli kulu kan ni *Basan mara la. U bena dumuni kɛ kosɔbɛ fɔɔ ka fa Efarayimu ni Galaadi mara kuluw kunna.

Yeremi 8:3

Ne ye siyajugu nin gwɛn ka taga yɔrɔ minw na, saya koo bena diya u tɔɔ bɛɛ ye o yɔrɔ la ka tɛmɛ ɲanamanya kan. Ne Masaba, Setigi le ko ten.›

Ezekiyɛli 11:17

O la, i k'a fɔ u ye ko ne Matigi, Masaba ko: Ne bena aw lajɛn ka bɔ siya wɛrɛw cɛma, aw jɛnsɛna ka taga jamana minw na, ne bena aw lajɛn ka bɔ o jamana nunu na ka Isirayɛli jamana di aw ma tugu.

Ezekiyɛli 36:11

Ne bena mɔgɔw ni begɛnw caya aw kan, u bena deen caaman sɔrɔ ka caya kosɔbɛ. Ne bena mɔgɔw sigi aw kan i n'a fɔ waati tɛmɛnin na, k'u ka nafolo caya ni fɔlɔta ye. O tuma na, aw ben'a lɔn ko ne ye Masaba le ye.

Ezekiyɛli 36:24

Ne bena aw bɔ siya wɛrɛw cɛma, jamanaw bɛɛ la, k'aw lajɛn, k'aw segi aw yɛrɛ ka jamana na.

Ezekiyɛli 36:37

«Ne Matigi, Masaba ko: Ne bena sɔn Isirayɛlidenw ka ne daali tugu ne n'u dɛmɛ. Ne bena u kɔmɔgɔw caya i n'a fɔ sagakulu.

Sarakalasebagaw 26:9

Ne bena n janto aw la k'aw jiidi, k'aw caya ka ne ka layidu dafa aw ye.

Mise 2:12

«Yakuba ka somɔgɔw, ne bena aw bɛɛ lajɛn. Isirayɛli ka mɔgɔ tɔɔ minw tora, ne bena olu lajɛn. Ne bena u kɛ ɲɔgɔn kan i ko sagaw, wɛɛrɛ kɔnɔ, i ko sagakulu, ɲiminikɛyɔrɔ la. U ka mankan bena boɲa.

Mise 7:12

O loon na, mɔgɔw bena bɔ Asiri jamana ni Ezipiti jamana na ka na aw fɛ. K'a ta Ezipiti fɔɔ ka ta'a bila Efarati baji la, k'a ta kɔgɔji kelen ma ka ta'a bila dɔ wɛrɛ la, k'a ta kulu dɔ la ka ta'a bila dɔ wɛrɛ la, u bena na aw fɛ.